12 तुखीकोसला ङी एफीसु ग्याजारु झाहो़क।
धेनी एफीसुरु ॱलेप्ती पीरीस्कीला धाङ आकुला होदुरुराङ धेपालाक। पाउलुगो एफीसुगी छोक्खाङदु सोरी, याहुदापाक्यामुला चो़लीङ झ्येवालाक।
धेनी पाउलुगी डी़ घाङला देरे ॱनेवालाक, “को़न्क्षोकगी थुकोङ हो़ना ङा याङ खेक्याचारु लोक्ती हुङयेहीन।” धेनी खो एफीसुने ग्याछोगी लाम्गाने सोवालाक।
आपोल्लोस कोरीन्थुरु हो़ती घाङला, पाउलु एशीयागी घुङने झ्युरी एफीसु ग्याजाला ॱलेप्पालाक। होदुरु खी़ धेपा-झ्यीगीन रीङगा थुक्पालाक।
धा ङा साजा-साजाक्याला सोरी, खेराङक्याला को़न्क्षोकगी ग्याखापगी कोरला ताम्शाङ स्येदी सोवी। हीना देने ॱहाला खेराङक्याने सी़या ङाला धाब्ले थोङगीमालाक ॱनेरी ङाला क्षाहो़क।
होदे ढु ग्याप्येला खोमुला श्येम्मा मीक्याः हो़तालाक। होदेक्या बेरोया ग्याजागी पुररुसगी भीजा, सोपातेर धाङ थेसलोनीके ग्याजागी आरीस्तारकु धाङ सेकुनदु धाङ धेरबे ग्याजागी गायु धेनी तीमोथेउ धाङ एशीया स्योकने होवा, तुखीकोस धाङ तोरोफीमोस लाक।
ङा घारे हो़गीन धाङ घी झ्यीगीनगो खेक्यागीया ॱहाघोरास्योक ॱनेरी, चेवे पी़न धाङ चोवो नाङ ॱलो का थुप्कीन श्याप्चीवा तुखीकोसगी खेक्याला लाब घीरी स्येगीलाक।
हीकी ॱनेछु घारे हो़गीनगो खेक्याई ॱहाघोरास्योक धेनी खेक्याला सेमस्युक थोप्पास्योक ॱनेरी, साम्लो तारी ङी खोला खेक्याचारु झावी।
ङी ॱनेछु घीरी, खेक्याला तुखीकोसगी स्येगीलाक। खो नी, चेवे पी़न धाङ ॱलो का थुप्कीन श्याप्तोक्पा धाङ चोवोगी नाङ लेरोक च्यीक्पा लाक।
ङा माकेडोनीया युदु डी़ घाङला, ङी ख्यो़ला श्यी़गीन च्योक्रे होदुरु हो़गीन तावा शोक्पोगी क्षो़ ॱलाप्कीनक्याला ङेन्ता ताङयेला, ख्यो़ एफीसु ग्याजारु राङ धो़क।
आरतेमा याङमेना तुखीकोसला, ङा ख्यी़चारु झाङये झ्यीदीहो़क। खुङ ॱङीउने च्यीक ॱलेप्लुङ मेताला, ख्यो़ नीकोपोलीसदु ङाला थुक्येला घाङ मीजे थापस्यी झ्यी घीझ्येरी ॱनाना ङा घुङगा होदुरुराङ धेयेगी ढो़ झ्येहो़क।
