२ तीमोथेउ 3:6 - ॱलोवा

⁶ खुङक्‍याने रीङगा गोकोर तारी मीगी नाङक्‍याला जुरी, धीक्‍पा धाङ दो़पा ॱनाछोकगी ॱनेम्‍दी धेता केमी क्‍योवाक्‍याला, राङगी वाङदु धी़लालाक।

२ तीमोथेउ 3:6 Iomraidhean Croise

मेथा 11:28

“ख्‍ये थाङ क्षेछा धाङ खु क्षेगी ॱनेम्‍दी धेता घीरी ङीचारु स्‍योक, ङी खेक्‍याला ङासु तेरु।

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

मेथा 23:14

“[खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या युक्‍जामाक्‍याई नाङ ॱहाम्‍बा झ्‍येरी ठोक्‍वालाक धेनी ॱमो़लाम रीङा-रीङा ग्‍याप्‍ती, मी ढाङपो हीन दोक-दोक झ्‍यीदालाक। होझ्‍येरी श्‍येम्‍माने खेक्‍याला माङा छेपा फोक्‍कीलाक।]

मेथा 4:24

खोङबागी ॱङेन्‍डाक सीरीया यु घीरीला ख्‍याप्‍ती, मीक्‍याई नेपा घीरी, नाजा धाङ शुक छाप्‍क्षे ॱनाछोकगी दाम्‍दी श्‍याक्‍साक्‍या धेनी डे जुजा मीक्‍या, शा फोक्‍पाक्‍या धाङ डीप्‍को़न हो़गीनक्‍या घीरी, खोङबागी डुङदु ठीक्‍ती होवालाक धेनी खोङबागी खुङक्‍याला चो़गा जेपालाक।

मारकु 4:19

हीना जीक्‍तेनगी दुङा धाङ ग्‍युनोरला घागीन धाङ श्‍येम्‍मा ॱनाछोकगी दो़छाकगी झ्‍येरी, कागो छारतु ॱमीच्‍युक्‍कीलाक धेनी होदेने ढेबु ॱमेकेगीलाक।

१ कोरीन्‍थुपा 12:2

धेनी खेक्‍या धेपा मीझ्‍यीदी घाङला, थापस्‍यी माङागी थोक्‍ने लाब ताङ ॱमीथुक्‍कीन ल्‍हाकुन्‍डाक्‍या स्‍योकला, खेक्‍या क्षाक्‍क्षो़पा पुयेला यो़री सोसागो खेक्‍याई स्‍येलालाक।

१ तीमोथेउ 5:6

हीना युक्‍जामा दे दो़यो़नला क्षाक्‍ना, मो सो़न्‍पो झ्‍येरीया स्‍यीस्‍या च्‍योक्‍रे लाक।

१ तीमोथेउ 6:9

हीना क्षुक्‍पु झ्‍युङये दो़पा झ्‍यीगीनक्‍या, ॱली़टे नाङदु छी़गीलाक धेनी ॱङीगी नाङदु छी़गीलाक। ॱलेन्‍दा धाङ मीला ॱनो़ क्‍यागीन धाङ मेताला ताङगीन, दो़क्षाक नाङदु छी़गीलाक।

तीतोस 1:11

खुङक्‍या आलेगी स्‍याबाला ग्‍युक्‍वालाक धेनी ॱलापच्‍या शोक्‍पोक्‍या तेरती, नाङमी घीरीला ठुक्‍तु च्‍युक्‍वालाक। होझ्‍येरी खेक्‍या खुङक्‍याई खा काक घो़गुलाक।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

२ पेटो 3:17

होझ्‍येरी चेवेक्‍याओ, दो़न देक्‍या एन्‍लाराङ ॱहाघोरती शाप-शाप झ्‍यी। देरे झ्‍येरी ठीम मेगीन मीक्‍याई नोन्‍डुला गो ॱमाखोर धेनी राङगी ॱनेसा तेन्‍पोगो ॱलाक्‍तु ॱमाच्‍युक।

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।

युदा 1:18

खुङक्‍याई खेक्‍याला ॱनेवालाक, “थामे ङीमाक्‍याला, राङगी क्षोमेगीन दो़छाकगी स्‍याम्‍ला डारी, चोवोला छाले ग्‍याप्‍कीनक्‍या हुङगीलाक।”

युदा 1:4

घीझ्‍येरी ॱनाना एम्‍माने ॱहाला ङेपा फोक्‍येला, थाक्‍चो़चा मी रीङगा, खेक्‍याई खोक्‍दु साङवाने जुदुक। खुङक्‍या को़न्‍क्षोकला ॱमीचीगीन मी लाक। खुङक्‍याई होरी, को़न्‍क्षोकगी थुक्‍जेला ॱयो़री दो़छाकला ग्‍युरदुक धेनी होरी दाक्‍पो धाङ चोवो च्‍यीगारा हीन्‍गीन, मास्‍यीका येशुला खेलेन मीझ्‍यीदालाक।