२ तीमोथेउ 3:3 - ॱलोवा

³ धेनी चेसेम मेगीन धाङ दाङसेमचेन, ठामा ग्‍याप्‍कीन धाङ छो़ मीशीम्‍गीन, दुक्‍चुपचेन धाङ गेवाला मेघागीन

२ तीमोथेउ 3:3 Iomraidhean Croise

मेथा 10:21

“पी़न च्‍यीकगी राङगी पी़न श्‍येम्‍माला सेदु च्‍युक्‍कीलाक धेनी आकीगी राङगी टुला धेनी टुवाक्‍या फामागी ग्‍यापला लाङगीलाक धेनी खुङक्‍याला सेदु च्‍युक्‍कीलाक।

मेथा 4:1

धा धी़कगी येशुला छो़ता लेन्‍येगी क्षीला, धाम्‍पे थुक्‍ङीगी येशुला रीतोङदु ठी जेपालाक।

लुका 10:16

येशुगी ङेनेक्‍याला सुवालाक, “खेक्‍याला ङेन्‍गीनगी़ ङाला ङेन्‍गीलाक। धेनी खेक्‍याला खेमेलेन्‍गीनक्‍याई ङाला खेमेलेन्‍दालाक धेनी ङाला खेमेलेन्‍गीनक्‍याई ङाला ताङगीनला खेमेलेन्‍दालाक।”

लुका 16:14

धा ग्‍युनोरला सेम क्षाक्‍कीन फारुसीपाक्‍याई, दे घीरी घोरती खोङबाला ॱमेज्‍यु तावालाक।

योहान्‍ना 6:70

येशुगी खुङक्‍याला कालेनदु सुवालाक, “खे च्‍युङङी घीरीला ङी दाम्‍बा माले? हीना खेक्‍याने च्‍यीक धी़क लाक।”

रोमापा 1:29

खुङक्‍या नी, चो़पा दुकच्‍या धाङ ङेन्‍पा धाङ सो़न्‍ना धाङ ङेन्‍सेम ॱनाछोकगी खाङ हो़तालाक। धेनी खुङक्‍या ठादोक धाङ मी सोक चेये धाङ ठुक्‍पा ग्‍याप्‍ये धाङ गो कोरये धाङ दाङसेमगी खाङ हो़तालाक। धेनी खुङक्‍या ठामा ग्‍याप्‍ये

रोमापा 1:31

धेनी ॱलेन्‍दा धाङ खाछेम ॱमीरुङगीन धाङ चेवागी सेम मेगीन धाङ ॱङीङजे मेगीन हुङालाक।

१ कोरीन्‍थुपा 7:5

ॱमो़लामगी क्षीदु धी़चो़ क्‍यायेला धी़ तीते धाङ च्‍यीकगी च्‍यीकला ढो़ झ्‍येरी माना, ख्‍योवा केमी ॱङीगारागी मुला क्षाम्‍येला च्‍यीकगी च्‍यीकला ॱमाकाक। धेनी खेक्‍याराङ छो़ शीम्‍येला क्‍योवा झ्‍युरी, धी़ सातानगी खेक्‍याला ॱली़रु ॱमीच्‍युक्‍येगी क्षीला, याङ मुला क्षाम्‍घो़।

१ कोरीन्‍थुपा 7:9

हीना याङ खुङक्‍या राङला छो़ मीशीम्‍ना, खुङक्‍याई ॱनामा लेन्‍घो़ घीझ्‍येरी ॱनाना दो़क्षाकगी मेगी बारये ले, ॱनामा लेन्‍ना घागुलाक।

१ थेसालोनीकेपा 4:8

होझ्‍येरी दे लाबला ॱमीचीगीनक्‍या मीगी ॱलापच्‍याला मेन्‍दा, धाम्‍पे थुक्‍ङी ॱनाङगीन को़न्‍क्षोकला ङोलोक झ्‍यीदालाक।

१ तीमोथेउ 3:11

खुङक्‍याई केमीक्‍या होझ्‍येरीराङ याराप धाङ ठामा मीझ्‍यीगीन धाङ साम्‍लो थोङा धाङ घीरीला ढाङपो हुङघो़गीलाक।

तीतोस 1:8

हीना खो डो़नला फेप्‍सु श्‍यी़येला घागीन धाङ ले शाङपो झ्‍यीयेला घागीन धाङ राङ छो़ शीम्‍गीन धाङ ढाङपो धाङ धाम्‍पा धाङ च्‍यो़पा ढुङा झ्‍युङ घो़गीलाक।

तीतोस 2:3

होदे च्‍योक्‍रे घेमोक्‍याला धाम्‍पे मीजी पी़ धेनी ठामा ॱमास्‍ये धेनी क्षाङदो़मा माझ्‍युङ धेनी मी श्‍येम्‍माक्‍याला ॱलापच्‍या शाङपो तेर ॱनेरी स्‍यो़क।

याकोब 2:6

हीना खेक्‍याई उटेक्‍याला थोङछुङ झ्‍येदुक। खेक्‍याला ॱनो़ क्‍यागीनगो, क्षुक्‍पुक्‍याराङ माले? धेनी खेक्‍याला ठीम्‍खाङदु ठीक्‍ती, डुगीनगोवा खुङक्‍याराङ माले?

२ पेटो 2:14

लोक्‍येमगी खाङखा खुङक्‍याई ॱमीकगी धीक्‍पा झ्‍यीयेला, नामा छाम मेश्‍यालाक। धेनी तेन्‍पो मेगीन सेम हो़गीनक्‍याला, खुङक्‍याई ॱली़लालाक। खुङक्‍याई सेम सेन्‍ना झ्‍यीयेला घोम हो़तालाक धेनी खुङक्‍या ॱमेमो फोक्‍पा भुटुक लाक।

२ पेटो 2:19

धेनी खुङक्‍याला राङवाङ तेरयेगी धाम्‍चा श्‍याक्‍नाः, हीना ॱलोपो़न शोक्‍पो खोराङक्‍या राङ तोरस्‍यीक ताङगीन चो़पागी ॱयोक्‍पो लाक घीझ्‍येरी ॱनाना मी घीन्‍गी वाङ होकदु स्‍योरी, होदेगीराङ ॱयोक्‍पो झ्‍युङालाक।

२ पेटो 3:3

गेक्षेस्‍योकगो खेक्‍याई दे ॱहाघोरा झ्‍यी, थामे ङीमाक्‍याला क्षाले ग्‍याप्‍कीनक्‍या, धेन्‍पागोला क्षाले ग्‍याप्‍ती राङगी दो़क्षाकगी स्‍याबाला डारी हुङगीलाक।

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।

युदा 1:18

खुङक्‍याई खेक्‍याला ॱनेवालाक, “थामे ङीमाक्‍याला, राङगी क्षोमेगीन दो़छाकगी स्‍याम्‍ला डारी, चोवोला छाले ग्‍याप्‍कीनक्‍या हुङगीलाक।”

ॱङो़न्‍पा 13:15

धेनी होदे कुगो लाब ताङ थुक्‍कीन झ्‍युङये धाङ होदेला क्षाक्‍क्षो़पा ॱमीपुगीन घीरी सेदु च्‍युक्‍येगी क्षीला, होदे सेम्‍चेन धाङपोगी कुला उप तेरयेगी नी़थु, होदे सेम्‍चेन ॱङीवागोला तेर हो़तालाक।

ॱङो़न्‍पा 13:17

धेनी होदे ताक दे मेताला सी़या ङ्यो-चोङ झ्‍यी ॱमेछोक्‍वालाक। होदे ताकगो, होदे सेम्‍चेन धाङपोगी मीङ याङना होदेगी मीङगी ढाङगा लाक।

ॱङो़न्‍पा 16:6

खुङक्‍याई खेराङगी धाम्‍पे मीक्‍या धाङ ॱङो़नस्‍येखेनक्‍याला सेसा झ्‍येरी, खेराङगी खुङक्‍याला ठाक थुङदु च्‍युक्‍पालाक। दे नी खुङक्‍याला झ्‍युङ घोयेराङ लाक।”

ॱङो़न्‍पा 17:6

धेनी होदे भोमोगी़ येशुला, धेन्‍पाङ झ्‍यीगीन धाम्‍पे मीक्‍याई ठाक थुरी शीगीनगो, ङी थोजुङ। होदेला थोरी ङा ॱमीच्‍यीकी ॱहाङसाजुङ।