२ तीमोथेउ 3:2 - ॱलोवा

² घीझ्‍येरी ॱनाना मीक्‍या राङला क्षाक्‍कीन धाङ ॱङुला क्षाक्‍कीन, पोवा क्षे धाङ ङागेल्‍चेन, छीक चुक्‍वा ॱनागीन धाङ फामाला ॱमीचीगीन, डीन मेढेन्‍गीन धाङ क्षो़ला ॱमीचीगीन

२ तीमोथेउ 3:2 Iomraidhean Croise

मेथा 15:6

खी़ खोरी फामाला चीकुर झ्‍यी मेघोवालाक ॱनेरी, खेक्‍या ॱनालाक। होझ्‍येरी खेक्‍याई राङगी लुक्‍सो़गी क्षीला, को़न्‍क्षोकगी कागो दो़न मेगीन शो़दुक।

लुका 12:15

खोङबागी होदेक्‍याला सुवालाक, “शाप-शाप झ्‍यी, ॱहाबा झ्‍यीगीन लेगाक्‍याने च्‍याङजे झ्‍येरी धो़क, घीझ्‍येरी ॱनाना मीगी मीछे खोरी ग्‍यु माङा हो़गीनला च्‍यीगा रा मीली़लालक।”

लुका 16:14

धा ग्‍युनोरला सेम क्षाक्‍कीन फारुसीपाक्‍याई, दे घीरी घोरती खोङबाला ॱमेज्‍यु तावालाक।

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

जेपा 5:36

धी़ च्‍यीकला थेहुदा ॱनागीन मी च्‍यीक राङ-राङला मी खाक्‍क्षे च्‍यीक हीन ॱनेरी होवालाक। धेनी मी श्‍यीपग्‍या चो़ खी़ स्‍याबाला डावालाक। हीना खोला सेपालाक धेनी खी़ स्‍याम्‍ला डागीन घीरी ठेथोरी सोरी, खी़ लेगा घीरी मेताला सोवालाक।

रोमापा 11:18

होझ्‍येरी होदे चेदी श्‍याक्‍सा याक्‍का हीन्‍गीन ईस्‍राएल्‍पाक्‍याई दोङदु, खे रीगागी दोङबो च्‍योक्‍रे हीन्‍गीन याहुदापा मेन्‍गीनक्‍या राङतो़ माझ्‍यी। राङतो़ झ्‍यीना, ख्‍यी़ चावागोला ॱमीखुरा, हीना चावागी ख्‍यो़ला खुरालाक ॱनेरी ढेन्‍सो झ्‍यी।

२ कोरीन्‍थुपा 5:15

धेनी खोङबा घीरीगी क्षीदु ढोङा जेपालाक। धा सो़न्‍पो ॱनेगीनक्‍या राङगी क्षीदु मेन्‍दा, खुङक्‍याई क्षीदु ढोङा जेगीन धाङ ॱलार सो़न्‍पो श्‍याङा जेगीन, खोङ मास्‍यीकागी क्षीदु सो़न्‍पो ॱनेघो़।

फीलीप्‍पीपा 2:21

मी श्‍येम्‍माक्‍या नी येशु मास्‍यीकागी दो़नला मेन्‍दा, राङगी दो़न्‍दाक च्‍यीगा चाली।

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

२ थेसालोनीकेपा 2:4

मी दी ल्‍हा ॱनागीन धाङ क्षाक्‍क्षो़पा पुगीन घीरीला ङोलोक झ्‍येरी, खोराङ होदे घीरीगी थोकला धेगीलाक। धेनी को़न्‍क्षोकगी क्षो़खाङ नाङला धेती, राङ-राङला को़न्‍क्षोक हीन ॱनागीलाक।

१ तीमोथेउ 1:20

होदेक्‍याने हुमेनायु धाङ आलेक्‍जेन्‍डार ॱङीउ लाक। को़न्‍क्षोकला कुरवा मेदेप्‍येगी कोरला ज्‍याङयेला, ङी दे ॱङीउला धी़कगी लाक्‍पाला ची ग्‍याप्‍हो़क।

१ तीमोथेउ 1:9

दे स्‍येरी, क्षो़ठीम दे मी ढाङपोगी क्षीला मेन्‍दा, ठीम तोरकीन धाङ खाला मेङेन्‍गीन धेनी क्षो़ ॱमीचीगीनक्‍या धाङ धीक्‍चेनक्‍या धेनी धाम्‍पा मेगीन धाङ क्षो़ला दो़नाङ मीझ्‍यीगीनक्‍या धेनी फामा सेगीनक्‍या धाङ मी सेगीनक्‍या,

१ तीमोथेउ 3:3

धेनी क्षाङदुवा मेगीन, चुक्‍वा मेगीन हीना श्‍यीवा हो़गीन धेनी चो़पा मेग्‍याप्‍कीन धाङ ॱङुला ॱमेक्षाक्‍कीन हुङ घो़गुलाक।

१ तीमोथेउ 6:10

घीझ्‍येरी ॱनाना ॱङुला क्षाक्‍कीनगो ङेन्‍पा ॱनाछोक घीरीगी चावा लाक। ॱङुला दो़ङाम झ्‍यीगीन रीङगा, राङगी धेपा पारी राङगी सेम दुङागी काङदुक।

१ तीमोथेउ 6:4

खो ङागेलगी खारी घीया ॱमेस्‍येलालाक। खो फेन ॱमेथोक्‍कीन लाबला खा थाबालाक धेनी छीक-छीकला शीम्‍दी धुगा ताङयेगी दो़क्षाक श्‍यालाक। धेनी देरेक्‍याई राङ ठादोक धाङ चो़लीङ धाङ ॱमेबेप धाङ दोक्‍पा ङेन्‍पा साक्‍ये

२ तीमोथेउ 3:4

धेनी ङोलोक्‍चेन धाङ साम्‍लो ॱमेथोङगीन, ङागेलगी खाङखा धाङ को़न्‍क्षोकले ल्‍हाक दो़यो़नला क्षाक्‍कीन,

याकोब 2:8

सुङरापला, “खेक्‍याई राङगी खीम्‍चेला राङला च्‍योक्‍रे, चेवा झ्‍यी” सुरी सुङसा ग्‍यावुगी का दे ॱङोन्‍ने डुप्‍तु च्‍युक्‍ना, खेक्‍याई शाङा झ्‍यीदालाक।

याकोब 4:16

हीना धान्‍दा, खेक्‍या ङागेल च्‍यारी खाप्‍ले स्‍येदी। देरे खाप्‍ले स्‍येगीन घीरी ङेन्‍पा लाक।

याकोब 4:6

हीना खोङगी होराङला देले ल्‍हाक थुक्‍जे ॱनावालाक। होझ्‍येरी सुङरापगी देरे सुङालाक, “को़न्‍क्षोकगी ङागेलचेनला ङोलोक जेदालाक हीना ॱङ्यामच्‍युङला थुक्‍जे ॱनाङा जेदालाक।”

१ पेटो 5:5

दुक झ्‍येरीराङ, श्‍यो़न्‍पाक्‍याओ, गेम्‍पाक्‍याई होकला धो़क। खेक्‍या घीरी ॱङ्यामच्‍युङगी थोक्‍ने, च्‍यीकगी च्‍यीकला श्‍याप्‍ची श्‍यी़ घीझ्‍येरी ॱनाना, “को़न्‍क्षोकगी ङागेल क्षेक्‍याला ङोलोक जेदालाक, हीना ॱङ्यामच्‍युङक्‍याला थुक्‍जे जेदालाक।”

२ पेटो 2:10

धेनी ॱमीक्‍सेदु मीला नोगीन दो़क्षाकला क्षाक्‍कीन धाङ आङजाला थोङछुङ झ्‍यीगीनक्‍याला, चोवोगी ठीम्‍चो़गी ङीमा थुक्‍पे छेपा होकदु श्‍या जेगीलाक। देक्‍या नी, पोबा क्षे धाङ ग्‍योङा झ्‍येरी शीजेचेनक्‍याला ॱमेटा ताङयेला, खुङक्‍या जीक्‍टा मीझ्‍यीदालाक।

२ पेटो 2:12

हीना दे मीक्‍याई राङगी ॱहामेघोगीन दो़नक्‍याला कुरवा धेप्‍पालाक। देक्‍या नी शीम्‍दी सेयेगी क्षीदु, च्‍यीगा केक्‍या रीक्‍पा मेगीन धाङ राङदो़गी च्‍यो़पा झ्‍यीगीन सेम्‍चेनक्‍या च्‍योक्‍रे लाक। धेनी सेम्‍चेनक्‍या च्‍योक्‍रे खुङक्‍याः मेताला डुगीलाक।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

२ पेटो 2:3

धेनी खुङक्‍याई ॱहाम्‍बा झ्‍येरी, खेक्‍याला शोक्‍पो तामक्‍या चोम्‍दी गोकोर ताङगीलाक। खुङक्‍याला फोक्‍ये हीन्‍गीन ठीमगो, एम्‍माने थाक्‍चो़सा हो़तालाक धेनी खुङक्‍याला मेताला ताङगीनगो, ॱङीला ॱमास्‍योर हो़तालाक।

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।

ॱङो़न्‍पा 13:1

धेनी ग्‍याछो नाङने, राक्‍योक च्‍यु धाङ गोवा धी़न हो़गीन सेम्‍चेन च्‍यीक थो़न्‍दी हुङगीनगो, ङी थोजुङ। होदेगी राक्‍योकक्‍याला चो़पेन च्‍यु दुक धेनी होदेगी गोवाक्‍याला, को़न्‍क्षोकला कुरवा धेप्‍कीन मीङ दुक।

ॱङो़न्‍पा 16:11

धेनी खोराङक्‍याई शुक धाङ ॱमागी झ्‍येरी, नाम्‍खे श्‍यीङखामगी को़न्‍क्षोकला कुरवा धेप्‍पालाक हीना राङगी झ्‍येजा लेङेनक्‍या पारी सेम ग्‍युरवा ॱमातावालाक।

ॱङो़न्‍पा 16:21

धेनी ॱनामने माला कीलो श्‍यीपच्‍यु-श्‍यीपच्‍यु चो़ हो़गीन, सेरा क्षेक्‍या मीक्‍याई खाला भाप्‍पालाक। धेनी सेरा ग्‍याप्‍कीन दुक्‍पुगी झ्‍येरी, मीक्‍याई को़न्‍क्षोकला कुरवा धेप्‍पालाक घीझ्‍येरी ॱनाना दुक्‍पु दे ॱमीच्‍यीकी जीक्‍टाक्षे हो़तालाक।

ॱङो़न्‍पा 16:9

धेनी खुङक्‍या छाबा छा राक्‍ती छीक्‍पालाक धेनी खुङक्‍याई दे दुक्‍पुक्‍याई खाला आङजा हो़गीन, को़न्‍क्षोकगी छेनला कुरवा धेप्‍पालाक। हीना खुङक्‍या राङगी धीक्‍पा पारी, सेम ग्‍युरये धाङ खोङबाला तो़पा पुयेला माङेन्‍बालाक।