२ तीमोथेउ 3:16 - ॱलोवा

¹⁶ धाम्‍पे सुङरापला हो़गीन घीरी को़न्‍क्षोकगी थुक्‍ङीने झ्‍युवालाक। धेनी दे ॱलापच्‍या ॱलाप्‍ये धाङ क्‍यो़न तो़न्‍ये धाङ नोन्‍डु शोये धाङ ढाङतेनगी लामला ॱलोप्‍तो़न तो़न्‍येला, फेन थोवालाक।

२ तीमोथेउ 3:16 Iomraidhean Croise

मेथा 13:52

धेनी खोङबागी खुङक्‍याला सुवालाक, “होझ्‍येरी नाम्‍खे ग्‍यासीगी क्षीला ॱलापच्‍या राक्‍कीन, क्षो़ठीमगी ॱलोपो़न घीरी नाङ च्‍यीकगी पो़न्‍पो च्‍योक्‍रे लाक। खी़ खोरी तेरने साबा धाङ ॱङीङबा नोरक्‍या तो़न्‍दालाक।”

मेथा 21:42

येशुगी खुङक्‍याला सुवालाक, “खेक्‍याई सुङरापला दे माढोक हेती, ‘चीक्‍पो़नक्‍याई पारी श्‍याक्‍सा धोगोङगो, शुरगी धोगोङ चोगो झ्‍युदुक। दे नी चोवोगी जेदाङ लाक धेनी, दे होरी ॱमीक्‍वाला याम्‍साङा दुक।’

मेथा 22:43

खोङबागी खुङक्‍याला सुवालाक, “देरे हीन्‍ना दावीदगी घाङगी झ्‍येरी सेम्‍ङीने, खोङबाला ‘चोवो’ ॱनेरी भो़वाले? दावीदगी ॱनेवालाक,

मेथा 26:54

हीना देरे झ्‍युहो़ना, सुङरापला झ्‍युङ घो़गुलाक ॱनागीनगो, घाङगी झ्‍येरी डुप्‍कीले?”

मेथा 26:56

हीना दे घीरी ॱङो़नस्‍येखेनक्‍याई सुङरापला ढीक्‍टाक्‍या, डुप्‍तु च्‍युक्‍येला झ्‍युवालाक।” धेनी ङेने घीरी खोङबाला भोरती डो़वालाक।

मारकु 12:24

येशुगी खुङक्‍याला सुवालाक, “खेक्‍या नोरदुक घीझ्‍येरी ॱनाना खेक्‍याला सुङराप धाङ को़न्‍क्षोकगी वाङगी कोरला स्‍येये मीदुक।

मारकु 12:36

दावीद खोराङगी धाम्‍पे थुक्‍ङीगी थोक्‍ने देरे ॱनेवालाक, ‘चोवो को़न्‍क्षोकगी ङी चोवोला सुजुङ, ख्‍यी़ डाक्‍याला ख्‍यी़ काङबा होकला, ङी माश्‍याक्‍कीन थुक्‍पे, ख्‍यो़ ङी क्षाक ये स्‍योकला धो़क।’”

योहान्‍ना 10:35

सुङरापला हो़गीनगो नी, च्‍योई धेन्‍पा हीन। को़न्‍क्षोकगी का थोप्‍था मीक्‍याला, ल्‍हा ॱनेरी को़न्‍क्षोकगी सुङ हो़ना,

योहान्‍ना 3:20

घीझ्‍येरी ॱनाना ले ङेन्‍पा झ्‍यीगीन घीरीगी हो़ला मेघालाक धेनी राङगी लेगाक्‍या ॱङो़न्‍दु च्‍युक्‍कीलाक साम्‍दी हो़दु मेयोङालाक।

जेपा 1:16

“पी़नक्‍याओ, क्षो़ठीमला धाम्‍पे थुक्‍ङीगी ग्‍यावु दावीदगी थोक्‍ने, युदागी कोरला कामो़न जेजा घीरी डुप घो़गीलाक। धेनी होदे डुप्‍पालाक। येशुला शीम्‍गीन मीक्‍याला गोठी झ्‍यीगीन युदागो,

जेपा 18:25

खोला चोवोगी लामगी ॱलापच्‍या जोर हो़तालाक धेनी ॱङीङक्षे झ्‍येरी, येशुगी कोरला मीक्‍याला ताई-ताई ॱलापच्‍या तेरालाक। हीना खोला योहान्‍नागी ॱनाङगीन ठी़सो़गी कोरला च्‍यीगा क्षा हो़तालाक।

जेपा 20:20

धेनी खेराङक्‍या खोक्‍दु धाङ नाङ-नाङला जुरी, ङी ॱलापच्‍या तेरी घाङला, खेराङक्‍याला फेन थोक्‍कीन लाब घीन्‍दा ङी सेम नाङदु माश्‍याक्‍पी।

जेपा 20:27

घीझ्‍येरी ॱनाना ङी खेराङक्‍याला को़न्‍क्षोकगी थुकोङला हो़गीन, स्‍येघोगीन लाब घीरी स्‍येयेला ग्‍याप ॱमालोक हो़क।

जेपा 28:25

खुङक्‍या खा ॱमाछाम्‍पा डोये झ्‍यीदी घाङला, पाउलुगी थामाला दे ॱनेवालाक, “यस्‍याया ॱङो़नस्‍येखेनने धाम्‍पे थुक्‍ङीगी, खेक्‍याई धाङबी फामाक्‍याला सुङगीन लाब दे धेन्‍पा दुक,

रोमापा 15:4

धा सुङरापगी ॱनाङगीन शो़पा धाङ सेमस्‍युकगी थोक्‍ने होराङला रेवा थोबास्‍योक ॱनेरी, एम्‍मा ढीक्‍टा घीरी होराङला ॱलापच्‍या तेरयेला ढीक्‍पालाक।

रोमापा 3:2

छोक घीरीने फेन्‍थोक क्षे हो़तालाक। धाङपोगोला को़न्‍क्षोकगी का याहुदापाक्‍याला च्‍योवालाक।

रोमापा 4:23

धेनी “खोङ ढाङपो चीवालाक” ॱनागीन छीक दे, खोङगी क्षीदु च्‍यीगा ढीक्‍पा मालाक।

१ कोरीन्‍थुपा 12:7

घीरीला फेन्‍थोक्‍येगी क्षीदु मी रे-रेला धाम्‍पे थुक्‍ङी नी, ॱङो़न जे हो़तालाक।

गालातीयापा 3:8

को़न्‍क्षोकगी धेपागी थोक्‍ने, याहुदापा मेन्‍गीन मीरीकक्‍याला दाक्‍तु जेये हीन्‍गीनगो, सुङरापगी एन्‍लाराङ शीक्‍ती आब्‍राहामला, “ख्‍यी़ थोक्‍ने मीरीक घीरीला झ्‍यीलाप थोप्‍कीलाक।” ॱनेरी एम्‍मानेराङ ताम्‍शाङ दे सुङा जेपालाक।

२ तीमोथेउ 2:25

धेनी राङगी स्‍योकला मेगीनक्‍याला ज्‍याबोमा ॱलोप्‍तो़न झ्‍यी थुप्‍कीन हुङघोवालाक। देरे झ्‍यीना को़न्‍क्षोकगी खुङक्‍याला धीक्‍पा पारी सेम ग्‍युरये धाङ धेन्‍पाला ॱहा घोथुप्‍कीनगी सेम ॱनाङगीलाक।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

ईब्‍रीपा 11:1

धा धेपा नी, होरी रेवा झ्‍यीगीन दो़नगी ॱलोते धाङ होरी ॱमीकगी ॱमेथोङगीन, दो़नक्‍याई रेवा तेन्‍पोगो लाक।

ईब्‍रीपा 3:7

होझ्‍येरी धाम्‍पे थुक्‍ङीगी सुङालाक, “धीरीङ खेक्‍याई को़न्‍क्षोकगी सुङकेक घोरना,

ईब्‍रीपा 4:12

घीझ्‍येरी ॱनाना को़न्‍क्षोकगी का नी, सो़न्‍पो धाङ नी़थुक्षे हो़तालाक। धेनी खा ॱङी हो़गीन राल्‍डीने ॱनोवा हो़तालाक। दी ॱलो धाङ सेम धेनी छीक धाङ काङ ॱङीला दुबु-दुबुला स्‍यालाक धेनी सेमगी साम्‍सुक्‍या धाङ दो़पाक्‍याला ताक्‍चो़ झ्‍यीदालाक।