२ तीमोथेउ 3:11 - ॱलोवा

¹¹ धेनी ङी दुक्‍जोङक्‍या धाङ दुक्‍पुक्‍या धेनी आन्‍तीयोक यु धाङ ईकोनीयोन यु धाङ लुस्‍टा ग्‍याजारु, ङाला घी झ्‍युङगीन धाङ ङी दुक्‍पु घी ङ्याङगीनगो ॱङो़न्‍सुमदु थो हो़तालाक हीना चोवोगी ङाला दे घीरीने थारपा जेपालाक।

२ तीमोथेउ 3:11 Iomraidhean Croise

जेपा 13:14

पाउलु धाङ बारनाबागो, पेरगेने पीसीदीया ग्‍यारापगी आन्‍तीयोक ग्‍याजारु सोवालाक धेनी धाम्‍पे ङासुगीन ङीमाला होदे मी ॱङी छोक्‍खाङदु सोरी धेपालाक।

जेपा 13:45

याहुदापाक्‍याई मीगी छाङगा देरे माङा थोरी, पाउलु धाङ बारनाबाखाला ठादोक झ्‍येवालाक। होदेक्‍याई पाउलुगी सुङगीनला क्षाले झ्‍येरी ॱमेटा पाप्‍पालाक।

जेपा 14:8

लुस्‍टा ग्‍याजारु मी श्‍याक्‍योवा च्‍यीक धेदालाक। खो केने ॱहालाराङ, श्‍याक्‍योवा झ्‍युरी नामा घोबा चुक ॱमाथुक्‍पालाक

जेपा 20:19

याहुदापाक्‍याई ङाला खोक्‍पा झ्‍यीयेला ढो़ ॱना माङा झ्‍येहो़ना, ङी ॱमीच्‍यीकी ॱङ्यामच्‍युङा झ्‍युरी छीमाक तारी, चोवोगी श्‍याप्‍तोक श्‍युवी।

जेपा 23:10

खुङक्‍याई धुगा ॱमीच्‍यीकी क्षेरु सोवालाक। धेनी होदुरु पाउलुला दुबु-दुबुला तारी सेगीलाक ॱनेरी, जीक्‍ती ॱमाक्‍पो़नगी खोला होदेने ठीक्‍ती, ॱमाक्‍खाङदु ठीक्‍ती डोयेला ॱमाक्‍मीक्‍याला का ॱनावालाक।

जेपा 26:17

ङा ख्‍यो़ला याहुदापाक्‍या धाङ याहुदापा मेन्‍गीन मीरीकगी मीक्‍याने क्‍योप्‍येहीन। ङा ख्‍यो़ला याहुदापा मेन्‍गीन मीरीकक्‍या चारु झाङाहीन।

जेपा 26:22

हीना धीरीङ दे ङीमा थुक्‍पे, ङाला को़न्‍क्षोकनेराङ रोक्‍राम जोरजुङ। होझ्‍येरी ङा दुरु हो़गीन क्षे-च्‍युङ घीरीला पाङपो तेरती लारी धेहो़क। ङी ॱङो़नस्‍येखेनक्‍या धाङ मोशेगी ॱङो़न स्‍येस्‍या माउपारगी लाब देक्‍या माना, श्‍येम्‍मा घीन्‍दा ॱलापच्‍या ॱमालाप हो़क।

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

रोमापा 15:31

युदेयारु हो़गीन धेपा मीझ्‍यीगीनक्‍याने, ङाला क्‍योप्‍ये धाङ येरुसालेमदु ङी खेरती डुगीन रोक्‍रामगो, को़न्‍क्षोकगी मीक्‍याई खे लेन्‍दास्‍योक ॱनेरी ॱमो़लाम ग्‍योप।

२ कोरीन्‍थुपा 1:5

घीझ्‍येरी ॱनाना होराङ मास्‍यीकागी दुक्‍ङेलला घाजो़ माङा थेदुई, होदेरेराङ झ्‍येरी मास्‍यीकागी थोक्‍ने, को़न्‍क्षोकगी होराङला सेम्‍सो मेछो़ली ॱनाङगीलाक।

२ कोरीन्‍थुपा 1:7

धेनी खेक्‍याई क्षीदु हीकी रेवा तेन्‍पो हो़क घीझ्‍येरी ॱनाना खेक्‍या हीकी दुक्‍पुमुला ङ्याङगीन च्‍योक्‍रेराङ, हेक्‍याला थोप्‍था सेम्‍सोगो खेक्‍याला थोप्‍कीलाक ॱनेरी हेक्‍याला स्‍येयेहो़क।

२ कोरीन्‍थुपा 12:10

होझ्‍येरी मास्‍यीकागी क्षीदु ङा, थापक्‍योवाक्‍या धाङ ॱमेबेपक्‍या धाङ काङेक्‍या धाङ दुक्‍जोङक्‍या धाङ घाक्‍वाक्‍या घाङला दो़पा खारी धेतीहो़क। घीझ्‍येरी ॱनाना ङा क्‍योवा हो़ताराङ, ङा स्‍युक्‍क्षे हो़क।

२ तीमोथेउ 4:7

ङी ॱमाक शाङा टाप हो़क धेनी ङी भाङदुरगो तासाहो़क धेनी ङी धेपा ॱरुङहो़क।

२ पेटो 2:9

धा देरे झ्‍येरी, क्षो़सेमगी मीला छो़ता नाङने क्‍योप्‍ये धाङ क्षो़ ॱमीचीगीनक्‍याला ठीम्‍चो़गी ङीमा थुक्‍पे छेपा होकदु श्‍याक्‍येला, चोवोगी खेन्‍दालाक।