२ तीमोथेउ 2:9 - ॱलोवा

⁹ ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।

२ तीमोथेउ 2:9 Iomraidhean Croise

लुका 23:32

धेनी खुङक्‍याई श्‍येम्‍मा झ्‍याक्‍पा ॱङीला, खोङबामुला सेयेला ठीक्‍ती सोवालाक।

जेपा 21:33

धेनी होदे ॱमाक्‍पो़नगी पाउलुला शीम्‍दी च्‍याक्‍थाक ॱङीगी खोला दोम ॱनेरी, का तेरती मीक्‍याला ढीवालाक, “मी दे सुले धेनी खी़ घी झ्‍येजो?”

जेपा 28:31

खी़ को़न्‍क्षोकगी ग्‍याखापगी कोरला सेटाक धाङ चोवो येशु मास्‍यीकागी कोरला, क्षो़ ॱङीङक्षे झ्‍येरी स्‍येपालाक। धेनी सी़या खोला काक्‍ये थापस्‍यी माझ्‍येवालाक।

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

एफीसुपा 3:1

होझ्‍येरी ङा पाउलु, ख्‍ये याहुदापा मेन्‍गीनक्‍याई दो़न्‍दु, मास्‍यीका येशुगी चो़न्‍पा हीन।

फीलीप्‍पीपा 1:17

हीना ङाला चो़न्‍खाङदु दुक्‍पु ताङयेगी साम्‍लो तारी, ढेन्‍दुर झ्‍यीगीनक्‍याई सेम ढाङपोगी थोक्‍ने मेन्‍दा, राङगी दो़पा काङयेगी क्षीदु क्षो़ स्‍येदालाक।

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

कोलोसेपा 4:18

ङा पाउलु, ङाराङगी लाक्‍पाने, दे छाम्‍डी दे ढीयाहीन। ङा चो़न्‍पा च्‍यीक हीन्‍गीनला, खीकी ढेन्‍सो़ झ्‍यी। खेक्‍याला थुक्‍जे थोप्‍पास्‍योक।

कोलोसेपा 4:3

मास्‍यीकागी साङवागो स्‍येयेला, को़न्‍क्षोकगी हेक्‍याला कागी क्षीदु घो पेवास्‍योक ॱनेरी, हीकी क्षीलाः ॱमो़लाम ग्‍योप। दो़न दी क्षीदु ङा चो़न्‍खाङदु हो़क।

१ थेसालोनीकेपा 1:8

घीझ्‍येरी ॱनाना खेक्‍या थोक्‍ने को़न्‍क्षोकगी का माकेडोनीया धाङ आकाईयारु च्‍यीगा मादारपा, खेक्‍याई को़न्‍क्षोकला धेपा झ्‍यीगीनगो क्षोक घीरीदु दारदुक धेनी दी कोरला हेक्‍या घीया ॱनाघोये मीदुक।

२ थेसालोनीकेपा 3:1

थामाला पी़न्‍दाक्‍याओ, खेक्‍याई खोक्‍दु चोवोगी का ख्‍याप्‍कीन च्‍योक्‍रे, ग्‍योवा दारये धाङ शीजे थोप्‍येला हीकी क्षीला ॱमो़लाम श्‍यी़रोझ्‍यी।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 1:16

चोवोगी ओनीसीफोरुगी नाङमीला थुक्‍जे शीयास्‍योक घीझ्‍येरी ॱनाना खी़ ङाला थेङ माङक्षे सेमस्‍युक पारजुङ धेनी ङा चो़न्‍पा हीन्‍गीनगोला ङोजा माझ्‍येजुङ।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

२ तीमोथेउ 2:3

मास्‍यीका येशुगी ॱमाक्‍मी ढाङपो च्‍यीक च्‍योक्‍रे, ङीमुला दुक्‍ङेलगी गेन खुर।

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 2:14

याङना चीख्‍यापक्‍याई होकला धो़क। खुङक्‍या नी, ङेन्‍पा झ्‍यीगीनक्‍याला क्षेपा काये धाङ शाङा झ्‍यीगीनक्‍याला तो़पा ताङयेगी क्षीदु चोवोगी ॱङाक्‍पालाक।

१ पेटो 3:16

साम्‍लो ॱनाम्‍पा दाक्‍पागी गोने झ्‍यीघो़। देरे झ्‍यीना मास्‍यीका नाङ हो़गीन खीकी च्‍यो़पा शाङाला ॱमेटा पाप्‍कीनक्‍या, राङगी ॱमेटागी राङ ङोछारु च्‍युक्‍कीलाक।

१ पेटो 4:15

हीना खेक्‍याने सुवाः ॱरोक चेगीन याङना कुमा कुगीन याङना ङेन्‍पा झ्‍यीगीन याङना थेप्‍तोक झ्‍यीगीनला च्‍योक्‍रे दुक्‍पु माङ्याङा स्‍योक।