२ तीमोथेउ 2:21 - ॱलोवा

²¹ ॱमेचाङा घीरीने राङला चाङमा झ्‍यीगीन मीगो, धी़ शाङागी क्षीला भेचो़ झ्‍युरी धेनी धाम्‍पा जेगीलाक। खीमगी दाक्‍पोगी क्षीला, फेन्‍थोवा धाङ ले शाङा घीला हीन्‍ना डाढीक झ्‍युङगीलाक।

२ तीमोथेउ 2:21 Iomraidhean Croise

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

१ कोरीन्‍थुपा 5:7

खेक्‍या ॱङोन्‍नेगी क्‍युरची मेन्‍गीन झ्‍येरी, खेक्‍या क्‍युरची मेगीन भाक्‍पे साबागो, झ्‍युङयेगी क्षीदु क्‍युरची ॱङीङबागो पोङ। घीझ्‍येरी ॱनाना होरी पेसाकगी लुक्‍टु हीन्‍गीन, मास्‍यीका नी क्षो़पाला पुसालाक।

२ कोरीन्‍थुपा 7:1

चेवे पी़नक्‍याओ, होराङक्‍याला धाम्‍चा देक्‍या हो़गीन झ्‍येरी, होराङक्‍या राङगी ली़ धाङ सेम्‍ङीला ॱमेचाङा शोगीन घीरीने, राङला चाङमा शोउ धेनी को़न्‍क्षोकला ॱङीङकुर झ्‍येरी, धाम्‍पे नाङ फी़न्‍सुम छोक्‍पा झ्‍युरी सोङ।

२ कोरीन्‍थुपा 9:8

धेनी खेक्‍याला घो़गीन घीरी च्‍योई मेछो़ली हुङये धाङ ले शाङा घीरीगी क्षीदु, खेक्‍याई मेछो़ली पु थुक्‍वास्‍योक ॱनेरी, को़न्‍क्षोकगी खेक्‍याला झ्‍यीलाप हो़लेगो मेछो़ली ॱनाङ जे थुक्‍वालाक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

१ तीमोथेउ 6:11

हीना को़न्‍क्षोकगी के-भु ख्‍यो़, दे घीरीने जेम्‍दी ढाङतेन धाङ क्षो़सेम धाङ धेपा धाङ झाम्‍पा धाङ शो़गोम धाङ ज्‍याम्‍बो झ्‍युङयेला चो।

२ तीमोथेउ 2:16

क्षो़ला ॱमीथी़न्‍गीन लाबक्‍याने जेम घीझ्‍येरी ॱनाना देरेक्‍याई मीक्‍याला को़न्‍क्षोकने थाक्‍रीङा ठीक्‍कीलाक।

२ तीमोथेउ 2:20

खाङबा क्षे च्‍यीक नाङदु सेर-ॱङुगी ॱनो़क्‍या च्‍यीका मेन्‍दा, स्‍यीङ धाङ जागी ॱनो़क्‍या हुङालाक। रीङगा ॱमीक्‍सेगी धी़ शाङागी क्षीला धेनी रीङगा नामग्‍यु भेचो़गी क्षीला हुङालाक।

२ तीमोथेउ 3:17

होझ्‍येरी को़न्‍क्षोकगी मीक्‍या ले शाङा घीरीला, जो़न्‍पो धाङ छाङगीन झ्‍युङगीलाक।

२ तीमोथेउ 4:11

लुका च्‍यीगा ङीमुला हो़क। ङी श्‍याप्‍तोकगी लेगाला, मारकु ङाला फेन थोक्‍वा झ्‍येरी, खोला चारी ख्‍यी़मुला ठीक्‍ती स्‍योक।

तीतोस 3:1

पो़न्‍पोक्‍या धाङ आङजा हो़गीन मीक्‍याई होकला धो़क। काला ङेन धेनी ले शाङपो झ्‍यीयेला नाम्‍हीना झ्‍यी छोक-छोक झ्‍येरी धो़क, ॱनेरी खुङक्‍याला ढेन्‍सो़ ॱलोङ।

तीतोस 3:14

ॱहाताक्‍पाला घो़गीनक्‍याला रोवा झ्‍यी थुक्‍येला, होरी मीक्‍या ले शाङा झ्‍यीयेला राङ-राङगी धी़चो़गो लाक्‍लेन झ्‍यी घो़गीलाक। धेनी खुङक्‍या फेन ॱमेथोक्‍कीन झ्‍युङगीमालाक।

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

१ योहान्‍ना 3:3

धेनी खोङबा चाङमा हो़गीन च्‍योक्‍रे, खोङगी खाला देरे रेवा श्‍याक्‍कीन घीरीगी राङला चाङमा श्‍यालाक।