२ तीमोथेउ 2:2 - ॱलोवा

² धेनी पाङपो माङागी दोङदु ङाने घोरकीन ङी ॱलाप्‍ला लाबक्‍या, श्‍येम्‍माक्‍याला ॱलाप थुप्‍कीन, ॱलो का थुप्‍कीन केवे-भुक्‍याला चो।

२ तीमोथेउ 2:2 Iomraidhean Croise

मेथा 13:52

धेनी खोङबागी खुङक्‍याला सुवालाक, “होझ्‍येरी नाम्‍खे ग्‍यासीगी क्षीला ॱलापच्‍या राक्‍कीन, क्षो़ठीमगी ॱलोपो़न घीरी नाङ च्‍यीकगी पो़न्‍पो च्‍योक्‍रे लाक। खी़ खोरी तेरने साबा धाङ ॱङीङबा नोरक्‍या तो़न्‍दालाक।”

मेथा 24:25

“तो़, ङी खेक्‍याला एन्‍दुरु स्‍येहो़क।

लुका 12:42

चोवोगी सुवालाक, “धा दाक्‍पोगी राङगी नाङमीक्‍याला धी़चो़ ताक-ताकला राङ-राङगी कादागी शामा तेरयेला को़का, ॱङेरपा ॱलो काथुप्‍कीन धाङ स्‍येरापचेनगो सुले?

१ कोरीन्‍थुपा 4:2

धा ॱङेरपाक्‍या नी, ॱलो का थुप्‍कीन झ्‍युङघो़।

२ कोरीन्‍थुपा 2:14

हीना मास्‍यीकागी नाङ होराङला च्‍योई ग्‍याखा थोप्‍येगी क्षीदु, ठीया जेगीन धाङ खोङबाला ङोस्‍येगीनगी ढीशाङगो, होरी थोक्‍ने छोक घीरीदु ख्‍याबा जेगीन, खोङ को़न्‍क्षोकला काटीन्‍क्षे श्‍यी़।

२ कोरीन्‍थुपा 3:5

हीकी लेगा घारे च्‍यीक झ्‍येहो़ना, होदे राङगी जो़न्‍दाङने हीन ॱनेरी मेसाम्‍हो़क हीना हीकी जो़न्‍दाङ नी, को़न्‍क्षोकने झ्‍युङालाक।

कोलोसेपा 1:7

दी कोरला, हीकी चेवे लेरोक एपाब्‍राने खीकी ज्‍यावालाक। खो हीकी छापला मास्‍यीकागी श्‍याप्‍तोक्‍पा, ॱलो काथुप्‍कीन च्‍यीक लाक।

१ तीमोथेउ 1:12

ङाला स्‍युक ॱनाङगीन, होरी चोवो मास्‍यीका येशुला ङा थुक्‍चीछे पुलाहीन। घीझ्‍येरी ॱनाना एम्‍मा, ङा को़न्‍क्षोकला कुरवा धेप्‍कीन च्‍यीक धाङ दुक्‍जोङ ताङगीन धाङ मी चुपो च्‍यीक झ्‍येरीयाः, खोङबागी श्‍याप्‍चीला ङाला को़ जेदी, खोङबागी ङाला ॱलोते जेसोङ।

१ तीमोथेउ 1:18

ङी भीजा तीमोथेउ, ख्‍यी़ कोरला एम्‍मा ॱङो़न स्‍येगीन छीकक्‍याला तेरी, ङा ख्‍यो़ला का दे ॱलोकारी कुलाहीन। होदे छीकक्‍याला खाला ङेन्‍दी धाङ राङगी धेपा धाङ स्‍येराप शाङपोला तेन्‍दी, ॱमाक शाङपो टोप।

१ तीमोथेउ 4:14

क्षो़छोकगी गेम्‍पाक्‍याई ख्‍यी़ खाला लाक्‍पा श्‍याक्‍ती, ॱङो़नस्‍येखेनगी थोक्‍ने ख्‍यो़ला थोप्‍था ॱनाङज्‍यीनगोला, ख्‍यो़ ॱनाङमे माझ्‍यी।

१ तीमोथेउ 4:6

ॱलापच्‍या देक्‍या ख्‍यी़ खेरी पी़नक्‍याई दोङदु तो़न्‍ना, ख्‍यो़ धेपागी का ज्‍यारी होवा धाङ तावा शाङपोला चीरी होवा, मास्‍यीका येशुगी श्‍याप्‍तोक्‍पा शाङपो च्‍यीक झ्‍युङगीलाक।

१ तीमोथेउ 5:22

क्षो़छोकगी गोठी को़येला छाटाक माझ्‍यी धेनी श्‍येम्‍मागी धीक्‍पाला माडे। राङ चाङमा धो़क।

१ तीमोथेउ 6:12

होरी धेपागी ॱमाक शाङपोगो टोप। धेनी पाङपो माङागी दोङदु, ख्‍यी़ खेलेन शाङपो लेन्‍ला झ्‍येरी, थामेपे छेसोकगी क्षीला ख्‍यो़ भो़वालाक। धेनी देला शीम्‍दी धो़क।

२ तीमोथेउ 3:10

हीना ख्‍यी़ ङी क्षो़ तो़न्‍गीन धाङ ङी चो़लाम धाङ ङी मीछेगी ॱमीक्‍यु धाङ धेपा धाङ ङी शो़पा धाङ ङी झाम्‍पा धाङ ङा तेन्‍पो हो़गीन,

२ तीमोथेउ 3:14

हीना होदे ॱलापच्‍याक्‍या सुने ज्‍याजागो ख्‍यी़राङ स्‍येलालाक। घीझ्‍येरी ॱनाना ख्‍यो़ राङगी ॱलाप्‍ला ॱलापच्‍याक्‍या धाङ तेन्‍पो झ्‍येरी झ्‍येजा धेपाला ॱनेती धो़क।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।