२ तीमोथेउ 1:4 - ॱलोवा

⁴ ख्‍यी़ छीमाक ढेन्‍दी घाङला, ङा घाटोगी खाङयेगी क्षीला, ङा ख्‍यो़ला थुक्‍येला ॱमीच्‍यीकी दो़दीहो़क।

२ तीमोथेउ 1:4 Iomraidhean Croise

योहान्‍ना 16:22

देरे झ्‍येरीराङ, धान्‍दा खेक्‍याला दुङा हो़तालाक हीना ङा खेक्‍याला धाब्‍ले थुक्‍येहीन धेनी खीकी सेम घाटोगी खाङगीलाक। धेनी खीकी घाटोगो सी़याः ठोक थुक्‍कीमालाक।

योहान्‍ना 16:24

धान्‍दा थुक्‍पे, खीकी ङी मीङगी थोक्‍ने माश्‍यी़ हो़तालाक। धा खीकी घाटो खाङयेगी क्षीला, श्‍यी़ धेनी खेक्‍याला थोप्‍कीलाक।

जेपा 20:19

याहुदापाक्‍याई ङाला खोक्‍पा झ्‍यीयेला ढो़ ॱना माङा झ्‍येहो़ना, ङी ॱमीच्‍यीकी ॱङ्यामच्‍युङा झ्‍युरी छीमाक तारी, चोवोगी श्‍याप्‍तोक श्‍युवी।

जेपा 20:31

होझ्‍येरी चाङजे झ्‍येरी धो़क धेनी ङी लो सुम थुक्‍पे ङीन-छेन ॱमीक्‍क्षु तारी, चोवोगी ङेने रे-रेला ॱलाप्‍ला ॱलापच्‍याक्‍या माज्‍येदा धो़क।

रोमापा 1:11

घीझ्‍येरी ॱनाना खेक्‍याला स्‍युक्‍क्षेरु ताङयेला, ङा खेक्‍याला सेम्‍ङीगी झ्‍यीलाप रे तेरये रास्‍योक ॱनेरी, ङा खेक्‍याला थोङङी दो़दी।

फीलीप्‍पीपा 1:8

मास्‍यीका येशुगी झाम्‍पागी थोक्‍ने, ङा खेक्‍याला ॱमीच्‍यीकी थुक्‍ङी दो़दीक। धेनी देला को़न्‍क्षोकगी ङाला धेन्‍पाङ जेदालाक।

फीलीप्‍पीपा 2:26

घीझ्‍येरी ॱनाना खो खेक्‍या घीरीला ॱमीच्‍यीकी ढेन्‍दालाक धेनी खोराङ नागीनगी कोरला खेक्‍याई घोरती, खो सेम्‍डा झ्‍यीदालाक।

१ थेसालोनीकेपा 2:17

हीना पी़न्‍दाक्‍याओ, हेक्‍या युन तुङागी क्षीला ली़गी थोक्‍ने खेक्‍याने ढाना, सेम्‍ङीने माढा हो़क। खेक्‍या ॱमीच्‍यीकी ढेन्‍दी खेक्‍याला ॱङो़न्‍सुम थोङयेला हीकी दो़पा क्षे हो़क।

२ तीमोथेउ 4:21

घुङगा स्‍यारये एन्‍लाराङ, ङीचारु हुङये थापस्‍यी झ्‍यी। धेनी ईहुबुलुगी ख्‍यो़ला छाम्‍डी श्‍यी़क। धेनी पुदेन धाङ लीनु धाङ कालोदीया धाङ पी़न घीरीगीया, ख्‍यो़ला छाम्‍डी श्‍यी़क।

२ तीमोथेउ 4:9

ङाचारु ग्‍योक्‍जे हुङयेला, घी थुक्‍तु थापस्‍यी झ्‍यी।

१ योहान्‍ना 1:4

हीकी घाटोगो खाङयेगी क्षीदु हेक्‍या दे ढीयाहीन।

ॱङो़न्‍पा 21:4

खोङबागी खुङक्‍याई ॱमीकने, छीमाक घीरी फीला जेगीलाक। धेनी होदुरु छीवा याङना दुङा याङना ङुता ग्‍याप्‍ये याङना शुक घीया झ्‍युङगीमालाक घीझ्‍येरी ॱनाना एम्‍मागी दो़नक्‍या जोक्‍सारालाक।”

ॱङो़न्‍पा 7:17

घीझ्‍येरी ॱनाना श्‍युक्‍ठीगी घुङदु श्‍युक्‍कीन लुक्‍टुगो, खुङक्‍याई लुक्‍जी झ्‍युङगीलाक। धेनी खोङबागी खुङक्‍याला छेसोकगी क्षुमीक डामदु ठीया जेगीलाक। धेनी को़न्‍क्षोकगी खुङक्‍याई ॱमीकगी क्षीमाक घीरी फीया जेगीलाक।”