२ तीमोथेउ 1:16 - ॱलोवा

¹⁶ चोवोगी ओनीसीफोरुगी नाङमीला थुक्‍जे शीयास्‍योक घीझ्‍येरी ॱनाना खी़ ङाला थेङ माङक्षे सेमस्‍युक पारजुङ धेनी ङा चो़न्‍पा हीन्‍गीनगोला ङोजा माझ्‍येजुङ।

२ तीमोथेउ 1:16 Iomraidhean Croise

मेथा 25:17

होझ्‍येरीराङ सेरगी टाङगा ङीतोङ हो़गीनगी़, यालीङ टाङगा ङीतोङ साक्‍पालाक।

मेथा 5:7

ॱङीङजेचेनगी मीक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याला ॱङीङजे थोप्‍कीलाक।

जेपा 21:33

धेनी होदे ॱमाक्‍पो़नगी पाउलुला शीम्‍दी च्‍याक्‍थाक ॱङीगी खोला दोम ॱनेरी, का तेरती मीक्‍याला ढीवालाक, “मी दे सुले धेनी खी़ घी झ्‍येजो?”

जेपा 28:20

होझ्‍येरी ङा खेराङक्‍याला थुक्‍ती लाब झ्‍यीयेला भो़वी। ईस्‍राएलगी रेवा झ्‍यीगीनगी क्षीला, ङा देरे झ्‍येरी च्‍याक्‍थाकला धाम्‍गो़ थुक्‍सुङ।”

१ कोरीन्‍थुपा 16:18

धेनी खुङक्‍याई खेक्‍याला सेम्‍सो पारकीन च्‍योक्‍रे, ङाला सेम्‍सो पारजुङ। होझ्‍येरी देरे मीक्‍याला चीकुर झ्‍यी।

एफीसुपा 6:20

ताम्‍शाङ देगी दो़न्‍दु च्‍याक्‍डोकगी धाम्‍दी श्‍याकश्‍या, ङा कुछाप च्‍यीक हीन धेनी ङी स्‍ये घो़गीन ताम्‍शाङगो ॱङीङक्षे झ्‍येरी स्‍ये थुप्‍पास्‍योक ॱनेरी, ॱमो़लाम श्‍यी़।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 1:17

हीना खो रोमला ॱलेप्‍ती, ङा ॱमाङेगीन थुक्‍पे ॱङीरी झ्‍येरी ङाला चावालाक।

२ तीमोथेउ 1:18

चोवोगी ङीमागोला खोङबागी खोला थुक्‍जे शीयास्‍योक। धेनी एफीसुरु खी़ ङाला श्‍यी़गीन श्‍याप्‍तोक घीरी, ख्‍यो़ला घामोमा स्‍येये हो़तालाक।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

२ तीमोथेउ 4:19

पीरीस्‍का धाङ आकुला ॱङीउ धेनी ओनीसीफोरुगी नाङमी घीरीला छाम्‍डी श्‍यी़।

फीलेमोन 1:20

ङी पी़न, ङी क्षीदु दे लेगा दे झ्‍यीरोझ्‍यी ॱनेरी, ङा चोवोगी थोक्‍ने श्‍युवाहीन। मास्‍यीकागी नाङ ङी सेम घारु च्‍युक।

फीलेमोन 1:7

ङी पी़न ख्‍यी़ धाम्‍पे मीक्‍याला सेम्‍सो पारती, ख्‍यी़ झाम्‍पाने ङाला घाटो धाङ सेमस्‍युक क्षे थोप्‍सुङ।

ईब्‍रीपा 10:34

खेक्‍याई चो़न्‍पाक्‍याला ॱङीङजे झ्‍येवालाक धेनी नोर देने शाङा धाङ धी़ तेन्‍दु ॱनेगीन नोरगो, खेक्‍याला हो़गीनगो खीकी स्‍येरी, खेक्‍याई नोर खेक्‍याने ठोक्‍वाराङ ङ्यामो घेरी शो़पा झ्‍येवालाक।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।