२ तीमोथेउ 1:10 - ॱलोवा

¹⁰ धेनी होरी क्‍याम्‍गो़न मास्‍यीका येशुगी फेप्‍सुने थुक्‍जे दे, धान्‍दा ॱङो़न्‍दु जेपालाक। धेनी खोङबागी छीवाला चामे जेदी, ताम्‍शाङगी गोने थामेपे छेसोक धाङ छीवा मेपे छे सावो जेपालाक।

२ तीमोथेउ 1:10 Iomraidhean Croise

लुका 11:36

होझ्‍येरी ख्‍यी़ ली़ घीरी मी़नाक्‍पा च्‍यीया मेता, हो़गी खाङ हो़ना क्‍युङगी हो़गी ख्‍यो़ला हो़सेर तेरकीन च्‍योक्‍रे, ख्‍यो़याः ठाछाई झ्‍युङगीलाक।”

लुका 13:7

धेनी दुम्‍रा ॱरुङगीनगोला खी़ ॱनेवालाक, ‘धा ङा दे सेयापगी दोङबोला ढेबु चारु होरी, लो सुम झ्‍युसाजुङ हीना च्‍यीया ॱङेगी मीदुक। देला चेदी ॱयुक्‍ती जोङ। घीझ्‍येरी दी सा शीम्‍दु च्‍युक्‍ये?’

लुका 2:11

धीरीङ दावीद ग्‍यावुगी ग्‍याजाला, खेराङक्‍याई क्षीदु क्‍याम्गो़न च्‍यीक ठुङदुक। खोङबा नी चोवो मास्‍यीकागो लाक।

योहान्‍ना 1:9

मी घीरीला हो़ ॱनाङगीन, धेन्‍पे हो़गो जीक्‍तेनदु फेई हो़तालाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 4:42

धेनी खुङक्‍याई होदे केमीगोला ॱनेवालाक, “धा ख्‍यी़ ॱनागीनगोला मेन्‍दा, हीकी राङगी घोरती धेपा झ्‍यीदाहीन। धेनी ॱङोन्‍नेराङ खोङबा जीक्‍तेनगी क्‍याम्‍गो़नगो लाक ॱनेरी हेक्‍याई स्‍येजुङ।”

योहान्‍ना 5:40

हीना खेक्‍या थामेपे छेसोक थोप्‍येला ङीचारु हुङङी मेदो़दालाक।

जेपा 13:23

खोङबागी जेजा धाम्‍चा डुप्‍ती, को़न्‍क्षोकगी ईस्‍राएल्‍पाक्‍याई क्षीला ग्‍यावु दावीदगी ग्‍युपाने राङ क्‍योप्‍खेन च्‍यीक झाङा जेसुङ। खोङबा नी येशु लाक।

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

रोमापा 16:26

हीना ॱङो़नस्‍येखेनक्‍याई एम्‍मा ॱङोई सुरी, ढीक्‍टा धाङ थामेपे को़न्‍क्षोकगी कागी थोक्‍ने, साङवा दे याहुदापा मेन्‍गीन घीरीला ॱङो़न हो़तालाक। दे नी घीरीगी धेपा झ्‍येरी, खोङबागी काला चीलास्‍योक ॱनेरी लाक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

रोमापा 3:31

धा हुरे हीन्‍ना धेपागी थोक्‍ने, क्षो़ठीमगो दो़न मेगीन झ्‍युङालाक से? देरे फुक्‍की मालाक। ॱयोल्‍ले होराङ क्षो़ठीम तेन्‍पो झ्‍येरी ॱरुङालाक।

रोमापा 6:6

धेनी धीक्‍पागी वाङ होकदु हो़गीन होरी ली़ दे, मेताला ताङये धाङ होराङ धीक्‍पागी ढेन्‍योक मीझ्‍युङयेगी क्षीदु, होरी धीक्‍पे स्‍यीकागो खोङमुला ग्‍याङस्‍यीङला क्‍याङबालाक ॱनेरी, होराङ स्‍येलालाक।

१ कोरीन्‍थुपा 15:26

धेनी घीरीने थाला, मेताला जेघोये हीन्‍गीन डागो छीवा लाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 5:4

धेनी होराङ दे घुर नाङदु हो़ताराङ, दुङागी खारी थाङ क्षेदालाक। दे होराङ ॱमाराङा धेयेगी क्षीदु मेन्‍दा, देले ल्‍हाक नाम्‍खे श्‍यीङखामगी ॱनेसागी घो़ घो़न्‍येगी क्षीदु लाक। धेनी मेताला डोये हीन्‍गीनगो, छेसोकगी नाङ छी़दास्‍योक ॱनेरी लाक।

गालातीयापा 5:4

खे क्षो़ठीमने ढाङपो ग्‍युरये दो़गीनक्‍या, मास्‍यीकाने खा डारी को़न्‍क्षोकगी थुक्‍जेने माला ल्‍हीम हो़तालाक।

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

२ थेसालोनीकेपा 2:8

धेनी ठीमने डागीन मी दे तो़न्‍गीलाक धेनी चोवो येशुगी राङगी, श्‍यालगी उपगी खोला सेगीलाक धेनी खोङबा फेप्‍कीनगी वाङगी खोला मेताला ताङगीलाक।

२ तीमोथेउ 1:1

मास्‍यीका येशुगी नाङ हो़गीन छेगी धाम्‍चा च्‍योक्‍रे, को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने,

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

तीतोस 2:11

को़न्‍क्षोकगी थुक्‍जे, मी घीरीगी थारपागी दो़नला झ्‍युवालाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

तीतोस 3:4

हीना होरी क्‍याम्‍गो़न को़न्‍क्षोकगी ॱङीङजे धाङ मीक्‍याला झाम्‍पा तो़न्‍दी घाङला,

ईब्‍रीपा 10:32

एम्‍मागी ङीमाक्‍याला खेक्‍या ढेन्‍सो़ झ्‍यी। को़न्‍क्षोकगी हो़ थोप्‍सारती स्‍याम्‍ने, खेक्‍याई दुक्‍पु माङा ङ्यावालाक हीना खेक्‍याई शो़पा झ्‍येवालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

२ पेटो 1:11

धेनी होझ्‍येरी खेक्‍याला होरी चोवो धाङ क्‍याम्‍गो़न येशु मास्‍यीकागी, थामेपे ग्‍यासी नाङदु सी़याङ खाक्‍क्षे थोप्‍कीलाक।

२ पेटो 1:3

को़न्‍क्षोकगी राङगी नी़थुगी गोने, मीछे धाङ क्षो़सेमगी क्षीला घो़गीन घीरी, खोङगी होराङला ॱनाङ हो़तालाक। दे नी, खोङबा राङगी शीजे धाङ थुक शाङपोगी गोने होराङला भो़ जेगीन, खोङबाला होरी ङोस्‍येस्‍या झ्‍येरी दे घीरी थोप्‍पालाक।

२ पेटो 2:20

होरी चोवो धाङ क्‍याम्‍गो़न येशु मास्‍यीकाला ङोस्‍येरी, दे जीक्‍तेनगी ङेन्‍पाक्‍याने थार सारतीयाः याङ धाब्‍ले होदेगी वाङ होकदु छी़ना, हुरे मीक्‍याई ॱनेछुगो एम्‍माले श्‍युकला दुक्‍वा झ्‍युङगीलाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

२ पेटो 3:2

धाम्‍पे ॱङो़नस्‍येखेनक्‍याई एम्‍मा ॱनाङना ॱङो़नस्‍येक्‍या धाङ होरी चोवो धाङ क्‍याम्‍गो़नगी कुछापक्‍याई थोक्‍ने ॱनाङना काक्‍या, खेक्‍याई ढेन्‍सो़ झ्‍यीगीनगो ङा दो़दीहो़क।

१ योहान्‍ना 1:2

धेनी दे छेसोकगो ॱङो़न्‍पालाक। हीकी होदे ज्‍यावी धेनी होदेगी पाङपो झ्‍यीदाहीन। धेनी यापगी मुला हो़गीन धाङ स्‍याम्‍ला हीकी चारु ॱङो़न्‍गीन, थामेपे छेसोकगी कोरला हे खेक्‍याला सेटाक झ्‍यीदाहीन।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।

ॱङो़न्‍पा 18:1

होदे स्‍याम्‍ने, नाम्‍खे श्‍यीङखामने वाङक्षे हो़गीन नाम्‍खे भाङछेन श्‍येम्‍मा च्‍यीक माला फेप्‍कीनगो, ङी थोजुङ। होदेगी शीजेगी साश्‍यीला, हो़ ठाछाई झ्‍युवालाक।

ॱङो़न्‍पा 2:7

“आमच्‍योक हो़गीनक्‍याई, धाम्‍पे थुक्‍ङीगी क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली होदेगोला, ङा को़न्‍क्षोकगी श्‍यीङखामदु हो़गीन छेसोकगी दोङबोने शायेगी आङजा तेरयेहीन।

ॱङो़न्‍पा 20:14

धेनी छीवा धाङ स्‍यीम्‍पोक्‍या धेसाक्‍या, मेगी छो नाङदु ॱयुक्‍पालाक। होदे मेगी छोगो छीवा ॱङीवा लाक।

ॱङो़न्‍पा 22:14

छेसोकगी दोङबोगी आङजा थोप्‍ये धाङ ग्‍याजागी गेघोक्‍या नाङने जु थुक्‍येगी क्षीदु, राङगी घो़ ठुगीनक्‍या झ्‍यीलाप क्षे लाक।

ॱङो़न्‍पा 22:17

धाम्‍पे थुक्‍ङी धाङ भाक्‍मागी सुङालाक, “फेप स्‍योक।” धेनी घोरकीनक्‍याई देरे ॱनाघो़, “फेप स्‍योक।” कोम्‍गीनगो हुङास्‍योक धेनी दो़पा झ्‍यीगीनक्‍याई छेसोकगी क्षु स्‍यी़दी़ला थुङास्‍योक।