२ तीमोथेउ 1:1 - ॱलोवा

¹ मास्‍यीका येशुगी नाङ हो़गीन छेगी धाम्‍चा च्‍योक्‍रे, को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने,

२ तीमोथेउ 1:1 Iomraidhean Croise

योहान्‍ना 10:28

ङा देक्‍याला थामेपे छेसोक तेरयेहीन धेनी देक्‍या नामा मेताला डोगीमालाक। सी़या देक्‍याला ङी लाकने ठोक ॱमीथुक्‍कीलाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

योहान्‍ना 6:54

ङी ली़ शागीन धाङ ङी ठाक थुङगीनला थामेपे छेसोक हो़तालाक धेनी थामे ङीमागोला ङा खोला सो़न्‍पो ॱलाङयेहीन।

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

रोमापा 5:21

होझ्‍येरी छीवागी थोक्‍ने, धीक्‍पागी वाङ झ्‍यीगीन च्‍योक्‍रे, ढाङतेनगी थोक्‍ने होरी चोवो येशु मास्‍यीकागी थोक्‍ने, थामेपे छेसोक ॱनाङयेला थुक्‍जेगीयाः वाङ झ्‍यीदालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

१ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप झ्‍युङयेला भो़पा, ङा पाउलु धाङ होरी पी़न सोस्‍थेनेसने,

२ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ हीकी पी़न तीमोथेउने, कोरीन्‍थुरु हो़गीन को़न्‍क्षोकगी क्षो़छोक धाङ आकाईया नाङ घीरीरु हो़गीन धाम्‍पे मी घीरीला,

२ कोरीन्‍थुपा 1:20

घीझ्‍येरी ॱनाना को़न्‍क्षोकगी धाम्‍चा घीरी, खोङबागी नाङ डुप्‍पालाक। होझ्‍येरी को़न्‍क्षोकगी शीजेगी क्षीदु, खोङगी थोक्‍ने होराङ “आमेन” ॱनालाक।

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

एफीसुपा 3:6

साङवा दे नी, ताम्‍शाङगी थोक्‍ने याहुदापा मेन्‍गीनक्‍याः ईस्‍राएल्‍पाक्‍यामुला ग्‍युज्‍यीन च्‍यीक्‍पा धाङ ली़ च्‍यीकगी येन्‍लाकक्‍या धाङ मास्‍यीका येशुगी नाङ, धाम्‍चागी कादा थोप्‍गीन लाक।

१ तीमोथेउ 6:19

देरे झ्‍येरी याङदाक्‍पा छेला ॱनेयेगी क्षीला राङगी क्षीला, माउपारला ॱमाङस्‍यी शाङा तीङास्‍योक।

२ तीमोथेउ 1:10

धेनी होरी क्‍याम्‍गो़न मास्‍यीका येशुगी फेप्‍सुने थुक्‍जे दे, धान्‍दा ॱङो़न्‍दु जेपालाक। धेनी खोङबागी छीवाला चामे जेदी, ताम्‍शाङगी गोने थामेपे छेसोक धाङ छीवा मेपे छे सावो जेपालाक।

२ तीमोथेउ 1:13

मास्‍यीका येशुगी नाङ हो़गीन धेपा धाङ झाम्‍पागी गोने, ख्‍यो़ ङाने घोरकीन ॱलापच्‍या धेन्‍पाक्‍या तेन्‍पो ॱरुङ च्‍यीक।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

२ तीमोथेउ 2:1

ङी भु ख्‍यो़, मास्‍यीका येशुगी थुक्‍जे नाङदु ॱङीङक्षे झ्‍युङ श्‍यीक।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

२ तीमोथेउ 2:3

मास्‍यीका येशुगी ॱमाक्‍मी ढाङपो च्‍यीक च्‍योक्‍रे, ङीमुला दुक्‍ङेलगी गेन खुर।

२ तीमोथेउ 3:15

मास्‍यीका येशुगी खाला धेपागी गोने थारपागी स्‍येराप ॱनाङगीन, धाम्‍पे सुङरापगो ख्‍यी़ च्‍यीमेने ॱहालाराङ स्‍ये हो़तालाक।

तीतोस 1:2

होदे लाब धेन्‍पागो, को़न्‍क्षोकगी एम्‍माने जेजा धाम्‍चा थामेपे छेसोकगी रेवागो लाक। को़न्‍क्षोक नामा शोक ॱमीसुङालाक।

तीतोस 1:4

ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

१ योहान्‍ना 2:25

धेनी खोङगी होराङला ॱनाङना धाम्‍चागो नी, थामेपे छेसोक लाक।