२ थेसालोनीकेपा 3:6 - ॱलोवा

⁶ पी़न्‍दाक्‍याओ, लेमेलाम्‍गीन ख्‍याम्‍बोक्‍या धाङ हीकी तेरता ॱलापच्‍याक्‍याला ॱमीचीगीनक्‍यामुला मादेप, ॱनेरी हेक्‍या होरी चोवो येशु मास्‍यीकागी छेनला खेक्‍याला कुलाहीन।

२ थेसालोनीकेपा 3:6 Iomraidhean Croise

मेथा 18:17

याङ खी़ खुङक्‍यालाः मेङेन्‍ना, होदे लाबगो क्षो़छोकला स्‍यो़क। धेनी खी़ क्षो़छोकगी खाला मेङेन्‍ना, खो ख्‍यी़ क्षीला धेपा मीझ्‍यीगीन धाङ ठा धुगीनक्‍या च्‍योक्‍रे झ्‍युङास्‍योक।

रोमापा 16:17

पी़नक्‍याओ, खेक्‍याला ॱलाप्‍ला क्षो़गी तावाने श्‍येम्‍मा ॱलाप्‍ती, खेक्‍या घुङदु टुक्‍कीन धाङ काल्‍ले घाक्‍वा शोगीन, मीक्‍याने शाप-शाप झ्‍यी धेनी खुङक्‍याने डारी धो़क ॱनेरी, ङा खेक्‍याला श्‍योवा पुलाहीन।

१ कोरीन्‍थुपा 11:2

दो़न घीरीला खेक्‍याई ङाला ढेन्‍दी धेनी ङी खेक्‍याला तेरता ॱलापच्‍याक्‍या खेक्‍याई ॱरुङगीनला, ङा खेक्‍याई तो़टा ताङाहीन।

१ कोरीन्‍थुपा 5:4

धेनी खेक्‍या चोवो येशुगी छेनगी थोक्‍ने जोमाराङ धेनी ङा सेम्‍ङीगी थोक्‍ने खीकीमुला हो़ताराङ, होरी चोवो येशुगी नी़थुगी गोने,

१ कोरीन्‍थुपा 5:9

ङी खेक्‍याला ताङगीन यीकगोला, लोक्‍येम्‍पाक्‍यामुला ढेवा माझ्‍यी ॱनेरी ढीक्‍पी।

२ कोरीन्‍थुपा 2:10

खेक्‍याई सुला घोयाङ तेरी, ङाः होदेला घोयाङ तेराहीन। धेनी लाब घारे च्‍यीक हीन्‍ना, ङी घोयाङ तेर हो़ना, होदे ङी खेक्‍याई क्षीदुराङ मास्‍यीकागी डुङदु घोयाङ तेरपी।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

कोलोसेपा 3:17

धेनी छीक धाङ लेगी थोक्‍ने खेक्‍याई घी झ्‍यीना, घीरी चोवो येशुगी छेनने याप को़न्‍क्षोकला, खोङगी थोक्‍ने काटीन्‍क्षे श्‍यी़री झ्‍यी।

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।

१ थेसालोनीकेपा 4:11

हेक्‍याई खेक्‍याला ॱलापच्‍या तेरकीन च्‍योक्‍रे, खेक्‍या श्‍येम्‍मागी दो़न्‍दाकला थेरु माग्‍युक्‍वा, राङगी मीछेगो जाबोमा क्‍यो धेनी राङगी लाक्‍पागीराङ काल्‍ले झ्‍यी।

१ थेसालोनीकेपा 5:14

पी़नक्‍याओ, लेमेलाम्‍गीनक्‍याला ॱलापच्‍या तेर, ॱङीङ च्‍युङाक्‍याला सेम्‍सो पोर, क्‍योवाक्‍याला रोवा झ्‍यी धेनी घीरीमुला शो़पा घोम ॱनेरी खेक्‍याला कुलाहीन।

२ थेसालोनीकेपा 2:15

होझ्‍येरी पी़न्‍दाक्‍याओ, तेन्‍पो झ्‍येरी धो़क धेनी हीकी खाने ॱनेना तामक्‍या याङमेना ढीक्‍टा यीक्‍याने, खेक्‍याला तेरता ॱलापच्‍याक्‍या तेन्‍पो झ्‍येरी ॱरुङ।

२ थेसालोनीकेपा 3:7

हीकी लेमो झ्‍यीघोगीलाक ॱनेरी, खेक्‍याला स्‍येये हो़तालाक। खीकीमुला हो़ती घाङला हेक्‍या लेमेलाम्‍गीन मेतो,

१ तीमोथेउ 5:21

को़न्‍क्षोक धाङ मास्‍यीका येशु धाङ दाम्‍दा नाम्‍खे भाङछेनक्‍याई दोङदु, ङा ख्‍यो़ला दे ठीमक्‍या ॱयेवा घीन्‍दा मीझ्‍यीदा ॱरुङ धेनी छोक्‍री झ्‍येरी घीया माझ्‍यी ॱनेरी, च्‍याक ग्‍यावाहीन।

१ तीमोथेउ 6:5

धेनी क्षो़सेम नी नोर थोप्‍येगी थापस्‍यी लाक, साम्‍गीन ॱलेपा रुरा धाङ धेन्‍पाने डागीन मीक्‍याई खोक्‍दु ॱमेछेदा ठुक ॱलाङालाक।

२ तीमोथेउ 3:5

धेनी क्षो़सेम झ्‍यी दोक-दोक झ्‍यीगीन हीना होदेगी वाङला खेमेलेन्‍गीन हुङगीलाक। देरे मीक्‍याने जेम।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

२ योहान्‍ना 1:10

खीकीचारु होरी दे सुङगीन क्षो़ दे खेरती मेयोङगीन सुलाः, खीकी खाङबा नाङदु ॱमासी़ याङना छाम्‍डी माश्‍यी़।