२ थेसालोनीकेपा 3:16 - ॱलोवा

¹⁶ धा श्‍यीदेगी चोवो राङगी, खेक्‍याला धी़चो़ घीरी धाङ ॱनाछोक घीरीला श्‍यीदे ॱनाङास्‍योक। चोवो खेक्‍या घीरीमुला हुङास्‍योक।

२ थेसालोनीकेपा 3:16 Iomraidhean Croise

मेथा 1:23

“तो़दाङ, नाच्‍युङ चाङमा च्‍यीकला टु क्षाक्‍ती, मोने से च्‍यीक ठुङगीलाक धेनी खोङबागी छेन ईम्‍मानुएल ॱनेरी भो़गीलाक” (देगी दो़नगो “को़न्‍क्षोक होराङमुला”)।

मेथा 28:20

धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

योहान्‍ना 14:27

श्‍यीदे दे ङा खेक्‍याला भोराहीन, होदे ङी श्‍यीदेगो खेक्‍याला तेराहीन। जीक्‍तेनगी तेरकीन च्‍योक्‍रे, ङी खेक्‍याला तेरामेन। खेक्‍या राङगी सेम ठुक्‍तु ॱमाचुक धेनी देला जीक्‍नाङ केरु ॱमाचुक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

रोमापा 15:33

श्‍यीदेगी को़न्‍क्षोक खेक्‍या घीरीमुला श्‍युक्‍वास्‍योक। आमेन।

रोमापा 16:20

श्‍यीदेगी को़न्‍क्षोकगी धी़ सातानला ग्‍योक्‍जेराङ, खेक्‍याई काङबी होकला ॱनेम्‍गीलाक। होरी चोवो येशु मास्‍यीकागी थुक्‍जे खेक्‍यामुला हुङास्‍योक।

१ कोरीन्‍थुपा 14:33

घीझ्‍येरी ॱनाना को़न्‍क्षोक नी, गो ठुक्‍तु च्‍युक्‍कीन को़न्‍क्षोक मेन्‍दा श्‍यीदेगी को़न्‍क्षोक लाक। धाम्‍पे मीक्‍याई क्षो़छोक घीरीगी डोताङला तेन्‍दी,

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

एफीसुपा 6:23

याप को़न्‍क्षोक धाङ चोवो येशु मास्‍यीकाने पी़नक्‍याला, श्‍यीदे धाङ धेपाला तेन्‍पे झाम्‍पा थोप्‍पास्‍योक।

१ थेसालोनीकेपा 3:11

धा होरी याप को़न्‍क्षोक धाङ होरी चोवो येशुगीराङ, हेला खेक्‍याचारु डोयेला लाम डाढीक ॱनाङवास्‍योक।

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

२ थेसालोनीकेपा 3:18

होरी चोवो येशु मास्‍यीकागी थुक्‍जे, खे घीरीमुला हुङास्‍योक।

२ तीमोथेउ 4:22

चोवो ख्‍यी़ सेम नाङदु श्‍युक्‍वास्‍योक। चोवोगी थुक्‍जे खेक्‍यामुला हुङास्‍योक।

फीलेमोन 1:25

चोवो येशु मास्‍यीकागी थुक्‍जे, खेक्‍याला थोप्‍पास्‍योक।

ईब्‍रीपा 13:20

धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 7:2

धेनी खोङलाराङ आब्‍राहामगी राङला हो़गीन, घीरीगी ग्‍याजा च्‍यु पुवालाक। मेल्‍कीजेदेकगी छेनगी दो़न नी, धाङपो “ढाङतेनगी ग्‍यावु” लाक धेनी सालेमगी ग्‍यावु ॱनेरीयाः ॱनालाक। दी दो़न नी, “श्‍यीदेगी ग्‍यावु” लाक।