13 पी़न्दाक्याओ, खेक्या शाङा झ्यीयेला थाङ ॱमाछे।
धेनी च्योई सोवा धेप्ये धाङ सेमस्युक मेक्षाक्येगी क्षीला, येशुगी ङेनेक्याला पे च्यीक सुवालाक।
धेनी शो़पागी गोने ले शाङा झ्येरी, शीजे धाङ कुरती धाङ छीवा मेगीन छे चागीन मीक्याला, खोङगी थामेपे छेसोक ॱनाङगीलाक।
धेनी घीरी खोङगी वाङ होकदु श्या जेसारती, घीरी खोङगी वाङ होकदु श्या जेगीन, को़न्क्षोकगी वाङ होकदु से खोराङ ॱनेगीलाक। दे नी, को़न्क्षोक ॱङोपो घीरीगी थोकला थोस्योक झ्युङयेगी क्षीदु लाक।
होझ्येरी को़न्क्षोकगी ॱङीङजेगी गोने, हेक्याला दे श्याप्ची दे थोप्ती हेक्या सेमस्युक ॱमेक्षाक।
होझ्येरी हेक्या सेमस्युक छाक्ती मेधेहो़क। हीकी फीदी ली़ ङ्याम्दी डोनाः, हीकी सेम्ङी नी श्याक्मो डाई साबा झ्युरी डोवालाक।
ङी ॱमो़लाम ग्याप्कीनगी दो़न नी, खेक्याई झाम्पा नी स्येराप धाङ स्येयो़न घीरीगी थोक्ने माङदु-माङदु फेरी,
पी़न्दाक्याओ, को़न्क्षोकला थुक्ङेउ मीछे पी़येला, हीकी खेक्याला ॱलापच्या ग्याप्पी धेनी खेक्या होदे च्योक्रे मीछे क्याली। धा देला ल्हाक झ्यीरोझ्यी ॱनेरी, चोवो येशुगी स्योकने हेक्या खेक्याला श्योवा पुलीहो़क।
घीहीन्ना खोला डा च्योक्रे ॱमीचीला, पी़न्दा चीरी खाता ॱलोप।
खेक्या थाङ ॱमेछेये धाङ सेमस्युक ॱमेछाक्येगी क्षीला, धीक्चेनक्याने हुरे ङोलोकक्या शो़पा जेगीन, खोङबा येशुला साम्लो तोङ।
खेक्याला सेक्या सुरी भो़ जेगीन, खोङबागी ॱलापच्याक्या खेक्याई ढेन्बा ज्येसाले? “ङी भु, चोवोगी ॱलापच्याला ॱनाङमे ॱमाची, धेनी खोङबागी काको़न जेदाराङ सेम ॱमाफाम।
धेनी ङी मीङगी दो़न्दु खेक्याई शो़पा घोम्गीन धाङ दुक्पु ङ्याङगीनगो, ङाला स्येयेहो़क। धेनी खेक्या धोराङा थाङ ॱमाछेदुक।
