२ थेसालोनीकेपा 3:1 - ॱलोवा

¹ थामाला पी़न्‍दाक्‍याओ, खेक्‍याई खोक्‍दु चोवोगी का ख्‍याप्‍कीन च्‍योक्‍रे, ग्‍योवा दारये धाङ शीजे थोप्‍येला हीकी क्षीला ॱमो़लाम श्‍यी़रोझ्‍यी।

२ थेसालोनीकेपा 3:1 Iomraidhean Croise

मेथा 9:38

होझ्‍येरी लोदोकगी चोवोला, राङगी लोदोक धुयेगी छीला मीलाकक्‍या ताङरो जे ॱनेरी, ॱमो़लाम श्‍यी़।”

लुका 10:2

खोङबागी देक्‍याला सुवालाक, “तो़न्‍दोक माङा दुक हीना मीलाकक्‍या ङ्युङा दुक। होझ्‍येरी तो़न्‍दोकगी चोवोला, राङगी तो़न्‍दोकगी क्षीला मीलाक ताङरोनाङ ॱनेरी सोवा धेप।

जेपा 12:24

हीना को़न्‍क्षोकगी का ख्‍याप्‍ती सोरी धेपा-झ्‍यीगीनक्‍या माङदु-माङदु फेरी सोवालाक।

जेपा 19:20

देरे झ्‍येरी चोवोगी का टाम्‍दी सोरी धेनी ॱमीच्‍यीकी वाङक्षे झ्‍युवालाक।

जेपा 6:7

को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।

रोमापा 15:30

पी़नक्‍याओ, होरी चोवो येशु मास्‍यीका धाङ धाम्‍पे थुक्‍ङीगी झाम्‍पागी थोक्‍ने, ङीमुला ङी काल्‍लेला को़न्‍क्षोकला ॱमो़लाम श्‍यी़ ॱनेरी, ङा खेक्‍याला श्‍योवा पुलाहीन।

१ कोरीन्‍थुपा 16:9

घीझ्‍येरी ॱनाना फेन्‍क्षे लेगागी क्षीदु ङाला घुकाप क्षे च्‍यीक जोरहो़क धेनी देला ङोग्‍येल झ्‍यीगीनक्‍या माङा दुक।

२ कोरीन्‍थुपा 1:11

खेक्‍याई ॱमो़लामगी थोक्‍ने, हेक्‍याला रोवा झ्‍येवालाक होझ्‍येरी ॱमो़लाम माङागी थोक्‍ने, हेक्‍याला थोप्‍था झ्‍यीलापक्‍याई क्षीदु, हीकी छापला मी माङागी को़न्‍क्षोकला काटीन्‍क्षे श्‍यी़गीलाक।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

कोलोसेपा 4:3

मास्‍यीकागी साङवागो स्‍येयेला, को़न्‍क्षोकगी हेक्‍याला कागी क्षीदु घो पेवास्‍योक ॱनेरी, हीकी क्षीलाः ॱमो़लाम ग्‍योप। दो़न दी क्षीदु ङा चो़न्‍खाङदु हो़क।

१ थेसालोनीकेपा 1:5

घीझ्‍येरी ॱनाना हीकी ताम्‍शाङगो खेक्‍याचारु छीकला च्‍यीगा मेन्‍दा, वाङ धाङ धाम्‍पे थुक्‍ङी धाङ ॱङोन्‍ने ढाङने धेन्‍पे थोक्‍ने होवालाक। खेक्‍याई घुङदु खीकी क्षीला हीकी चो़पा घारे हो़तालाक ॱनेरी, खेक्‍या स्‍येलालाक।

१ थेसालोनीकेपा 1:8

घीझ्‍येरी ॱनाना खेक्‍या थोक्‍ने को़न्‍क्षोकगी का माकेडोनीया धाङ आकाईयारु च्‍यीगा मादारपा, खेक्‍याई को़न्‍क्षोकला धेपा झ्‍यीगीनगो क्षोक घीरीदु दारदुक धेनी दी कोरला हेक्‍या घीया ॱनाघोये मीदुक।

१ थेसालोनीकेपा 2:1

पी़न्‍दाक्‍याओ, खेक्‍यामुला हीकी थुक्‍ठे क्षोमेगीन माझ्‍युजुङ ॱनेरी, खेक्‍याला क्षा हो़तालाक।

१ थेसालोनीकेपा 2:13

हेक्‍याने घोरकीन को़न्‍क्षोकगी का दे, खेक्‍याई होदेला मीगी का च्‍योक्‍रे मेन्‍दा, को़न्‍क्षोक राङगी का ॱनेरी खेलेन्‍बालाक धेनी खे धेपा झ्‍यीगीनक्‍याई खोक्‍दु को़न्‍क्षोकगी क्षाले डुप्‍कीनगोला, हेक्‍या ॱमेक्षेता को़न्‍क्षोकला थुक्‍जेक्षे पुलीहो़क।

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।

१ थेसालोनीकेपा 5:17

ॱमो़लाम ॱमेक्षेता ग्‍योप,

१ थेसालोनीकेपा 5:25

पी़नक्‍याओ, हीकी क्षीला ॱमो़लाम श्‍यी़।

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।