२ थेसालोनीकेपा 2:16 - ॱलोवा

¹⁶ धा होराङला चेवा ॱनारी थुक्‍जेगी थोक्‍ने, थामेगीन सेमगी धेवा धाङ रेवा शाङपो ॱनाङगीन, चोवो येशु मास्‍यीका खोङबा धाङ होरी याप को़न्‍क्षोकगी,

२ थेसालोनीकेपा 2:16 Iomraidhean Croise

लुका 16:25

हीना आब्‍राहामगी सुवालाक, ‘भीजाओ, ख्‍यो़ सो़न्‍पो हो़ती घाङला शाङा थोप्‍कीन धाङ लाजारला दुक्‍पु थोप्‍कीनगो ढेन्‍सो़ झ्‍यी। हीना धान्‍दा खोला दुरु कीपो दुक धेनी ख्‍यो़ला दुक्‍पु दुक।

योहान्‍ना 13:1

पेसाकगी धी़छेन एन्‍ला, येशु जीक्‍तेन दीने यापगी डुङदु फेप घोये धी़ भाप्‍कीनगो खोङबागी खेन्‍बालाक। धेनी जीक्‍तेनदु हो़गीन राङगी स्‍याम्‍ला डागीनक्‍याला, खोङबागी झाम्‍पा जेदी थामे धी़ थुक्‍पे, खोङगी झाम्‍पा जेपालाक।

योहान्‍ना 15:13

राङगी ढोक्‍पोक्‍याई दो़न्‍दु राङ ॱरोक ॱलो़ ताङगीनने ल्‍हाक, झाम्‍पा श्‍येम्‍मा मेक।

योहान्‍ना 15:9

“यापगी ङाला चेवा जेगीन च्‍योक्‍रे, ङीयाः खेक्‍याला चेवा झ्‍येहो़क। खेक्‍या ङी चेवे नाङदु ॱने च्‍यीक।

योहान्‍ना 16:22

देरे झ्‍येरीराङ, धान्‍दा खेक्‍याला दुङा हो़तालाक हीना ङा खेक्‍याला धाब्‍ले थुक्‍येहीन धेनी खीकी सेम घाटोगी खाङगीलाक। धेनी खीकी घाटोगो सी़याः ठोक थुक्‍कीमालाक।

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

जेपा 15:11

हीना खुङक्‍याला क्‍योप्‍कीन च्‍योक्‍रे, होराङक्‍याः चोवो येशुगी थुक्‍जेने क्‍योप्‍कीलाक ॱनेरी होराङ धेपा झ्‍यीदालाक।”

जेपा 18:27

होदे स्‍याम्‍ने आपोल्‍लोसगी आकाईयारु डोये साम्‍लो तावालाक। धेनी एफीसुरु हो़गीन धेपा-झ्‍यीगीनक्‍याई, खोला होदुरु सोङ धेनी खोला घामोमा फेप्‍सु श्‍यु ॱनेरी, आकाईयागी ङेनेक्‍याला यीक ढीक्‍ती कुरपालाक। आकाईयारु ॱलेप्‍ती चोवोगी थुक्‍जेगी झ्‍येरी होवा धेपा-झ्‍यीगीनक्‍याला, आपोल्‍लोसगी ॱमीच्‍यीकी घा रोवा झ्‍येवालाक।

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

रोमापा 4:16

होझ्‍येरी धाम्‍चागो थुक्‍जेला तेन्‍ती धेनी आब्‍राहामगी भुग्‍यु घीरीला गेन्‍लेन झ्‍युङयेगी क्षीदु, धेपागी खाला रा ली़दालाक। दे धाम्‍चा दे नी, क्षो़ठीम ॱरुङगीनक्‍याई क्षीदु च्‍यीगा मेन्‍दा, आब्‍राहामगी धेपा च्‍योक्‍रे हो़गीनक्‍याई क्षीदुवाः लाक। घीझ्‍येरी ॱनाना खोङ नी होराङ घीरीगी याप लाक।

रोमापा 4:4

धा लेगा झ्‍यीगीन मीला थोप्‍गीन ॱलाज्‍या नी, ज्‍यीम्‍बा च्‍योक्‍रे ॱमीचीला, होदे खी़ थोप्‍ताङ लाक।

रोमापा 5:8

हीना होराङक्‍या धीक्‍चेन हो़ती घाङलाराङ, मास्‍यीका होरी क्षीदु ढोङा जेपालाक। दी गोने को़न्‍क्षोकगी होरी क्षीदु राङगी झाम्‍पा तो़न जेपालाक।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

एफीसुपा 5:25

ख्‍योवाक्‍याओ, राङगी केमीक्‍याला चेवा झ्‍यी घीझ्‍येरी ॱनाना मास्‍यीकागीया क्षो़छोकला चेवा जेदी, राङगी कुसोक होदेगी क्षीला ॱलो़ ताङा जेपालाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 1:5

धेपा धाङ चेवा दे, खीकी दो़न्‍दु नाम्‍खे श्‍यीङखामदु श्‍याकश्‍या रेवागी झ्‍येरी लाक। दी कोरला खेक्‍याई धेन्‍पे कागी ताम्‍शाङने एन्‍दुरु घोर हो़तालाक।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ थेसालोनीकेपा 3:11

धा होरी याप को़न्‍क्षोक धाङ होरी चोवो येशुगीराङ, हेला खेक्‍याचारु डोयेला लाम डाढीक ॱनाङवास्‍योक।

२ थेसालोनीकेपा 2:13

चोवोगी चेवे पी़न्‍दाक्‍याओ, खीकी दो़नला हेक्‍या च्‍योई को़न्‍क्षोकला काटीन्‍क्षे श्‍यु घोली घीझ्‍येरी ॱनाना थारपा थोप्‍येगी क्षीला, को़न्‍क्षोकगी खेक्‍याला एम्‍माने दाम जेपालाक। थारपा दे नी, खेक्‍याला राप्‍ने जेगीन धाम्‍पे थुक्‍ङी धाङ धेन्‍पाला यीच्‍चे झ्‍यीगीनगी थोक्‍ने झ्‍युवालाक।

तीतोस 1:2

होदे लाब धेन्‍पागो, को़न्‍क्षोकगी एम्‍माने जेजा धाम्‍चा थामेपे छेसोकगी रेवागो लाक। को़न्‍क्षोक नामा शोक ॱमीसुङालाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ईब्‍रीपा 7:19

घीझ्‍येरी ॱनाना क्षो़ठीमगी घीयाः फी़न्‍सुम छोक्‍पा माशो़वालाक। हीना देला ल्‍हाक, रेवा शाङा च्‍यीक ॱनाङ हो़तालाक। धेनी दी गोने होराङ, को़न्‍क्षोकगी ङ्येडामला ॱलेवालाक।

१ योहान्‍ना 3:16

येशु मास्‍यीकागी राङगी कुसोक, होरी क्षीला ॱलो़ ताङा जेपालाक। दी गोनेराङ, झाम्‍पा घी हीन्‍गीनगो होरी स्‍येलालाक। धेनी होराङक्‍यागीया राङगी पी़नक्‍याई क्षीला राङगी ॱरोक ॱलो़ ताङघो़।

ॱङो़न्‍पा 22:5

होदुरु याङ नामा छेन झ्‍युङगीमालाक। धेनी ॱलोक धाङ ङीमागी, हो़ खुङक्‍याला घोगीमालाक घीझ्‍येरी ॱनाना चोवो को़न्‍क्षोक खुङक्‍याई हो़ झ्‍युङगीलाक। धेनी खुङक्‍याई ग्‍युने ग्‍युन्‍दु वाङग्‍युर झ्‍यीगीलाक।

ॱङो़न्‍पा 3:9

“तो़दाङ धी़ सातानगी छोक्‍खाङगी हीन्‍गीन धेनी राङला याहुदापा मेन्‍दा हीन ॱनेरी ॱनागीन, शोक्‍पोक्‍याला ङा खेक्‍याचारु हुङदु च्‍युक्‍ती, खीकी काङबी दोङदु क्षाक छारु च्‍युक्‍येहीन। धेनी ङी खेक्‍याला चेवा झ्‍यीगीनगो खुङक्‍याई ॱहाघोरकीलाक।