२ थेसालोनीकेपा 2:10 - ॱलोवा

¹⁰ धाङ थारपा ॱनाङगीन धेन्‍पाला खेमेलेन्‍गीन मेताला डुगीनक्‍याला, लेगा ङेन्‍पा ॱनाछोकगी गो कोरकीन ॱयो़क्‍यु झ्‍यीगीलाक।

२ थेसालोनीकेपा 2:10 Iomraidhean Croise

मेथा 13:11

खोङबागी सुवालाक, “नाम्‍खे ग्‍यासीगी साङवाक्‍या स्‍येयेला, खेक्‍याला ॱनाङ हो़तालाक हीना खुङक्‍याला ॱमानाङ हो़तालाक।

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 5:34

ङी क्षीला मीगी पाङपो घोये मेक हीना खेक्‍याला थारपा थोप्‍येगी क्षीला ङा देक्‍या ॱनाहीन।

रोमापा 10:1

पी़नक्‍याओ, ङी सेमगी दो़पा धाङ ईस्‍राएल्‍पाक्‍याई क्षीदु, ङी को़न्‍क्षोकला ॱमो़लाम पुगीनगो नी, खुङक्‍याला थारपा थोबास्‍योक ॱनेरी लाक।

रोमापा 16:18

घीझ्‍येरी ॱनाना देरे मीक्‍याई होरी चोवो मास्‍यीकागी क्षीदु श्‍याप्‍ची पुला मेन्‍दा, हीना राङगी फोवा क्षीदु झ्‍यीदालाक। धेनी देरेक्‍याई खा जेवा धाङ पेले स्‍येदी, मी क्‍युमाक्‍याई सेमक्‍या ॱली़लालाक।

रोमापा 6:17

हीना ङा को़न्‍क्षोकला काटीन्‍क्षे श्‍युवाहीन घीझ्‍येरी ॱनाना खेक्‍या एम्‍मा थेङ च्‍यीक धीक्‍पागी ढेन्‍योक झ्‍युङहो़ना, धान्‍दा खेक्‍याला ॱलाप्‍ला क्षो़ला, खेक्‍या ॱङीङ तीङने खाला ङेन्‍गीन झ्‍युदुक।

१ कोरीन्‍थुपा 1:18

घीझ्‍येरी ॱनाना मेताला डोये हीन्‍गीनक्‍याई क्षीदु ग्‍याङस्‍यीङगी ताम नी, क्षोमेगीन लाक हीना होराङ थारपा थोप्‍यी हो़गीनक्‍याई क्षीदु होदे को़न्‍क्षोकगी नी़थु लाक।

१ कोरीन्‍थुपा 16:22

चोवोला चेवा मीझ्‍यीगीनगोला, ॱमेमो फोक्‍वास्‍योक। मारानाथा। (हीकी चोवो, खेराङ फेप्‍रोनाङ।)

२ कोरीन्‍थुपा 11:13

घीझ्‍येरी ॱनाना देरे मीक्‍या कुछाप शोक्‍पोक्‍या धाङ ॱली़टेगी लेगा झ्‍यीगीनक्‍या धाङ मास्‍यीकागी कुछाप हीन्‍दोक-दोक झ्‍यीगीनक्‍या लाक।

२ कोरीन्‍थुपा 11:15

होझ्‍येरी खी़ ॱयोक्‍पोक्‍याई ढाङतेनगी ॱयोक्‍पोक्‍या च्‍योक्‍रे हीन्‍दोक-दोक झ्‍यीना, दे ॱहाङसागीन लाब मालाक। खुङक्‍याला खोरी लेगा च्‍योक्‍रेराङ ढेबु थोप्‍कीलाक।

२ कोरीन्‍थुपा 2:15

घीझ्‍येरी ॱनाना थारपा थोप्‍ये हीन्‍गीन धाङ मेताला डोये हीन्‍गीनक्‍याई खोक्‍दु, होराङक्‍या को़न्‍क्षोकगी क्षीदु मास्‍यीकागी ढीशाङ च्‍यीक लाक।

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

एफीसुपा 4:14

धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

१ थेसालोनीकेपा 2:16

धेनी मीरीक श्‍येम्‍माक्‍याला थारपे लामगी कोरला स्‍येयेला, देक्‍याई होराङला काक्‍ये थापस्‍यी झ्‍येरी, राङगी धीक्‍पे छेगो साक्‍यी। हीना थाला को़न्‍क्षोकगी थुक्‍ठो़ खुङक्‍या खाला भाप्‍पालाक।

२ थेसालोनीकेपा 2:13

चोवोगी चेवे पी़न्‍दाक्‍याओ, खीकी दो़नला हेक्‍या च्‍योई को़न्‍क्षोकला काटीन्‍क्षे श्‍यु घोली घीझ्‍येरी ॱनाना थारपा थोप्‍येगी क्षीला, को़न्‍क्षोकगी खेक्‍याला एम्‍माने दाम जेपालाक। थारपा दे नी, खेक्‍याला राप्‍ने जेगीन धाम्‍पे थुक्‍ङी धाङ धेन्‍पाला यीच्‍चे झ्‍यीगीनगी थोक्‍ने झ्‍युवालाक।

१ तीमोथेउ 2:4

खोङबागी थुकोङगो मी घीरी क्‍योप्‍ये धाङ धेन्‍पागी स्‍येयो़नला हुङये लाक।

ईब्‍रीपा 3:13

खेक्‍याने सी़याः सेम धीक्‍पे ॱली़टेगी ग्‍योङा मेयोङयेगी क्षीला, धीरीङगी ङीमा ॱनेरी हो़गीन थुक्‍पे, च्‍यीकगी च्‍यीकला ॱलोप्‍सो ग्‍योप।

२ पेटो 2:12

हीना दे मीक्‍याई राङगी ॱहामेघोगीन दो़नक्‍याला कुरवा धेप्‍पालाक। देक्‍या नी शीम्‍दी सेयेगी क्षीदु, च्‍यीगा केक्‍या रीक्‍पा मेगीन धाङ राङदो़गी च्‍यो़पा झ्‍यीगीन सेम्‍चेनक्‍या च्‍योक्‍रे लाक। धेनी सेम्‍चेनक्‍या च्‍योक्‍रे खुङक्‍याः मेताला डुगीलाक।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।