२ थेसालोनीकेपा 1:7 - ॱलोवा

⁷ धेनी खे दुक्‍पु ङ्याङगीनक्‍याला हीकीमुला, खोङबागी ङासु ॱनाङगीलाक। चोवो येशु राङगी तोप स्‍युक्‍चेनगी भाङछेनक्‍यामुला नाम्‍खे श्‍यीङखामने, मेचे भारकीन नाङने ज्‍याली घाङला दे झ्‍युङगीलाक।

२ थेसालोनीकेपा 1:7 Iomraidhean Croise

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मारकु 14:62

येशुगी सुवालाक, “ङा हीन। धेनी खेक्‍याई मी-भु कुवाङगी क्षाक ॱयेरु श्‍युकश्‍या, धाङ नाम्‍खाने ॱरीङक्‍यामुला भाप्‍कीनगो थोङगीलाक।”

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

लुका 16:25

हीना आब्‍राहामगी सुवालाक, ‘भीजाओ, ख्‍यो़ सो़न्‍पो हो़ती घाङला शाङा थोप्‍कीन धाङ लाजारला दुक्‍पु थोप्‍कीनगो ढेन्‍सो़ झ्‍यी। हीना धान्‍दा खोला दुरु कीपो दुक धेनी ख्‍यो़ला दुक्‍पु दुक।

लुका 17:30

धा मी-भु ॱङो़न्‍दु जेगीन ङीमागोला देरेराङ झ्‍युङगीलाक।

योहान्‍ना 1:3

घीरी खोङगी थोक्‍ने झ्‍युवालाक धेनी झ्‍युजा घीरी, खोङगी थोक्‍ने माना माझ्‍युवालाक।

योहान्‍ना 1:51

धेनी खोङबागी खोला सुवालाक, “ङा ख्‍यो़ला धेन्‍पा ॱनाहीन, नाम्‍खे श्‍यीङखाम भेरी को़न्‍क्षोकगी भाङछेनक्‍या मी-भुला तेन्‍दी, या फेप्‍कीन धाङ मा फेप्‍कीनगो ख्‍यी़ थोङगीलाक।”

जेपा 1:11

होदे मी ङीउगी ॱनेवालाक, “खे गालीलगी मीक्‍याओ, खेक्‍या घीझ्‍येरी लारी ॱनाम स्‍योकला तेरी धेदाले? खेक्‍याई खोक्‍ने ठीया जेजा येशु नी, धान्‍दा नाम्‍खे श्‍यीङखामदु फेप्‍कीनगो खेक्‍याई थोथा च्‍योक्‍रे, याङ खोङबा खेक्‍याचारु देरेराङ झ्‍येरी फेप्‍कीलाक।”

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

रोमापा 8:17

धेनी होराङ से धाङ सेमो हीन्‍ना, होराङ ग्‍युज्‍यीनगोवाः लाक। होराङ को़न्‍क्षोकगी ग्‍युज्‍यीन धाङ मास्‍यीकामुला ग्‍युज्‍यीनगी रोवा लाक। धेनी होराङ मास्‍यीकामुला दुक्‍पु ङ्याङना, खोङगी शीजेगोवाः मुला घो़ये राक्‍कीलाक।

१ कोरीन्‍थुपा 3:13

खुङक्‍या रे-रेगी लेगागो सावो थोङगीलाक घीझ्‍येरी ॱनाना ठीम्‍चो़गी ङीमागी होदे ॱङो़न्‍गीलाक। होदे नी, मेगी गोने ॱङो़न्‍गीलाक धेनी मी रे-रेगी लेगा घारे हो़गीनगो, मेगी राङ ताक्‍चा झ्‍यीगीलाक।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

एफीसुपा 1:2

होरी याप को़न्‍क्षोक धाङ चोवो येशु मास्‍यीकाने थुक्‍जे धाङ श्‍यीदे, खेक्‍याला थोप्‍पास्‍योक।

कोलोसेपा 1:16

घीझ्‍येरी ॱनाना खोङबागी गोनेराङ घीरी को़वालाक। नाम्‍खे श्‍यीङखाम धाङ साश्‍यीदु हो़गीन, ॱमीकगी थोङ थुप्‍कीन धाङ थोङ ॱमीथुप्‍कीन ग्‍यासीक्‍या याङना नी़थुक्‍या याङना पो़न्‍पोक्‍या याङना वाङग्‍युर झ्‍यीगीनक्‍या घीरी, खोङबागी थोक्‍ने धाङ खोङगी क्षीला को़वालाक।

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

२ तीमोथेउ 2:12

होराङ तेन्‍पो ॱनेती धेना, खोङबा मुलाराङ ग्‍यासीगी वाङ झ्‍यीगीलाक। होरी खोङबाला ग्‍याप ॱलोक्‍ना, खोङबागीया होराङला ग्‍याप ॱलोक्‍वा जेगीलाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ईब्‍रीपा 10:27

हीना को़न्‍क्षोकगी ठीम्‍चो़ फोक्‍येला घुक्‍ती धेयेगी जीक्‍टा धाङ खोङगी डाक्‍याला मेताला जेये हीन्‍गीन, थुक्‍ठो़गी मेगी ङेन्‍का च्‍यीका हो़तालाक।

ईब्‍रीपा 12:29

घीझ्‍येरी ॱनाना होरी को़न्‍क्षोक नी, चामेदु ताङगीन मे लाक।

ईब्‍रीपा 4:1

होझ्‍येरी को़न्‍क्षोकगी ङासु नाङ जुयेगी धाम्‍चागो हो़ती हो़तीयाः, खेक्‍याने सुवाः होदे ङासु नाङ जु ॱमीथुक्‍कीन मीझ्‍युङयेला, होराङक्‍या शाप-शाप झ्‍यीघो़।

ईब्‍रीपा 4:11

होझ्‍येरी खुङक्‍याई को़न्‍क्षोकगी काला माङेन्‍पा नोगीन च्‍योक्‍रे सुवाः मानोवास्‍योक ॱनेरी, होराङ होदे ङासु नाङ जुयेला थापस्‍यी हो़ले झ्‍यीघो़।

ईब्‍रीपा 4:9

होझ्‍येरी को़न्‍क्षोकगी मीक्‍याई दो़नला ङासुगीन ङीमा च्‍यीक श्‍याक हो़तालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।

युदा 1:7

देरे झ्‍येरीराङ सादोम धाङ गोमोरा धाङ थाकोरगी ढोङखेरगी मीक्‍या, लोक्‍येम धाङ ली़गी दो़छाकला छी़पालाक। धेनी खुङक्‍याला थामेगीन मेगी छेपा फोक्‍ती, पे च्‍यीक झ्‍यु हो़तालाक।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।

ॱङो़न्‍पा 14:10

होदे मीगीयाः को़न्‍क्षोकगी थुक्‍ठो़गी छो़स्‍याल नाङदु घीया ॱमारेवा ॱलुक्‍ला, को़न्‍क्षोकगी थुक्‍ठो़गी घुन्‍क्षाङगो थुङगीलाक। धेनी धाम्‍पे नाम्‍खे भाङछेनक्‍या धाङ लुक्‍टुगी डुङदु, खोला मे धाङ मुशेगी दुक्‍पु ताङगीलाक।

ॱङो़न्‍पा 14:13

धेनी नाम्‍खे श्‍यीङखामने देरे सुङकेक च्‍यीक ङी घोरजुङ, “देरे ढीक। धा देने ॱहाला चोवोला धेपा झ्‍येरी, ढोङगीनक्‍या झ्‍यीलाप क्षे लाक।” धेनी धाम्‍पे थुक्‍ङीगी सुङालाक, “लाक। खुङक्‍या राङगी काल्‍लेने ङासुगीलाक घीझ्‍येरी ॱनाना खुङक्‍याई लेगागी ज्‍यागा खुङक्‍याला ॱनाङगीलाक।”

ॱङो़न्‍पा 20:11

धेनी ङी श्‍युक्‍ठी काउ क्षे च्‍यीक धाङ होदे खाला श्‍युक्‍कीनला थोजुङ। खोङबागी डुङने साश्‍यी धाङ ॱनाम डो़री लाजुङ धेनी होदे ॱङीउगी क्षीदु ॱनेसा माजोप्‍पालाक।

ॱङो़न्‍पा 21:4

खोङबागी खुङक्‍याई ॱमीकने, छीमाक घीरी फीला जेगीलाक। धेनी होदुरु छीवा याङना दुङा याङना ङुता ग्‍याप्‍ये याङना शुक घीया झ्‍युङगीमालाक घीझ्‍येरी ॱनाना एम्‍मागी दो़नक्‍या जोक्‍सारालाक।”

ॱङो़न्‍पा 22:16

“क्षो़छोकक्‍याला दे पाङपोक्‍या झ्‍यीयेला, ङा येशुगी राङगी भाङछेन ख्‍यो़चारु झाहो़क। ङा नी दावीदगी चावा धाङ ग्‍युपा हीन, धेनी थोराङगी कारछेनगो ङा हीन।”

ॱङो़न्‍पा 22:6

धेनी नाम्‍खे भाङछेनगी ङाला सुजुङ, “दे लाबक्‍या ॱलो काथुक्‍कीन धाङ धेन्‍पा दुक। धा ग्‍योक्‍जे झ्‍युङये हीन्‍गीन लाबक्‍या, राङगी श्‍याप्‍चीक्‍याला तो़न्‍येगी क्षीदु, ॱङो़नस्‍येखेनक्‍याई सेम्‍ङीगी चोवो को़न्‍क्षोकगी राङगी भाङछेनला झाङा जेदुक।”

ॱङो़न्‍पा 22:9

हीना खोङबागी ङाला दे सुजुङ, “देरे माझ्‍यी। ङा नी, ख्‍यो़ धाङ ख्‍यी़ पी़न ॱङो़नस्‍येखेनक्‍या धाङ दे धेपगी काक्‍या ॱरुङगीनक्‍यामुला, श्‍याप्‍चीपा च्‍यीक्‍पा लाक। को़न्‍क्षोकला च्‍यीगा क्षाक्‍क्षो़पा पु।”

ॱङो़न्‍पा 6:11

खुङक्‍या घीरीला घो़ काउ ॱनावालाक धेनी खुङक्‍याई लेरोक धाङ पी़नक्‍याः खुङक्‍याला च्‍योक्‍रे सेदी, ढाङगा ॱमाछाङगीन थुक्‍पे, धोराङा च्‍ये च्‍यीक ङासुरी धो़क ॱनेरी सुवालाक।