२ थेसालोनीकेपा 1:4 - ॱलोवा

⁴ खीकी दुक्‍ङेलक्‍या धाङ ङ्याङेनक्‍या खोकला शो़पा झ्‍येरी, धेपाला तेन्‍पो झ्‍येरी, हेक्‍या च्‍योई को़न्‍क्षोकगी क्षो़छोकक्‍याई खोक्‍दु ङोमी हो़क।

२ थेसालोनीकेपा 1:4 Iomraidhean Croise

रोमापा 12:12

धेनी रेवाला तेन्‍दी घाटो झ्‍यी धेनी दुक्‍पु ङ्याङी घाङला, शो़पा झ्‍यी धेनी च्‍योई ॱमो़लाम श्‍यी़।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

रोमापा 8:25

हीना ॱमीकगी ॱमेथोङगीनला होरी रेवा झ्‍यीना, होदेला होराङ शो़पा झ्‍येरी घुक्‍वालाक।

१ कोरीन्‍थुपा 7:17

चोवोगी मी रे-रेला घी को़का धाङ ॱनेछु घारेला, को़न्‍क्षोकगी खेक्‍याला भो़ ॱनाङगीन मीछेगो, मी रे-रेगी पी़घो़। क्षो़छोक घीरीगी क्षीदु, ङी ठीम नी देराङ लाक।

२ कोरीन्‍थुपा 12:10

होझ्‍येरी मास्‍यीकागी क्षीदु ङा, थापक्‍योवाक्‍या धाङ ॱमेबेपक्‍या धाङ काङेक्‍या धाङ दुक्‍जोङक्‍या धाङ घाक्‍वाक्‍या घाङला दो़पा खारी धेतीहो़क। घीझ्‍येरी ॱनाना ङा क्‍योवा हो़ताराङ, ङा स्‍युक्‍क्षे हो़क।

२ कोरीन्‍थुपा 7:14

धेनी खी़ दोङदु ङी खीकी कोरला ङोम्‍सो झ्‍येजागोला, ङा ङोजा घीया माझ्‍युजुङ। हीना हीकी खेक्‍याला स्‍येगीन घीरी धेन्‍पा हीन्‍गीन च्‍योक्‍रे, तीतोसगी दोङदु हीकी ङोम्‍सो झ्‍यीगीनगोवाः धेन्‍पा झ्‍युजुङ।

२ कोरीन्‍थुपा 7:4

खेक्‍याई खाला ङा ॱलोतेक्षे हो़क। धेनी खेक्‍याई क्षीदु, ङा ॱमीच्‍यीकी ङोम्‍सो झ्‍यीदीहो़क। ङा सेम्‍सोगी खाङहो़क। धेनी दुङा घीरीगी खोक्‍दुवाः ङा घाटो क्षे झ्‍यीदीहो़क।

२ कोरीन्‍थुपा 9:2

घीझ्‍येरी ॱनाना खेक्‍या डाढीक हो़गीनगो, ङाला स्‍येयेहो़क। धेनी नाङी लोने राङ आकाईयागी मास्‍यीकावाक्‍या डाढीक दुक ॱनेरी, ङी माकेडोनीयागी मीक्‍याई दोङदु खेक्‍याई कोरला ङोम्‍सो झ्‍येरी ॱनेवी। धेनी खेक्‍याई श्‍यान्‍देप तेरयेला देरे दो़पा झ्‍यीगीनगी मी माङक्षेला, सेमस्‍युक पारदुक।

२ कोरीन्‍थुपा 9:4

धेनी माकेडोनीयागी मी रे, ङीमुला होरी खेक्‍याला डाढीक मेगीनगो ॱङेना, हेक्‍या ङोछा घोवालाक धेनी खेक्‍याः ङोछागुलाक घीझ्‍येरी ॱनाना हेक्‍याई खेक्‍या खाला ॱमीच्‍यीकी यीच्‍चे झ्‍येवालाक।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ थेसालोनीकेपा 2:14

पी़न्‍दाक्‍याओ, युदेयारु हो़गीन येशु मास्‍यीकाला धेपा झ्‍यीगीन, को़न्‍क्षोकगी क्षो़छोकगी लेमो झ्‍यीगीन, खेक्‍या झ्‍युजुङ घीझ्‍येरी ॱनाना खुङक्‍याला याहुदापाक्‍याई दुक्‍पु ताङगीन च्‍योक्‍रे, खेक्‍यालाः खेरी राङगी मीक्‍याई दुक्‍पु तावालाक।

१ थेसालोनीकेपा 2:19

चोवो येशु फेई घाङला, खोङबागी डुङदु, हीकी रेवा धाङ घाटो धाङ उगेनगी ङोम्‍जोगो खेक्‍याराङ मालाक से?

२ थेसालोनीकेपा 3:5

को़न्‍क्षोकगी झाम्‍पा धाङ मास्‍यीकाला तेन्‍पो छाक्‍येला, चोवोगी खेक्‍याई सेमला गोठी ॱनाङास्‍योक।

ईब्‍रीपा 10:36

खेक्‍याई को़न्‍क्षोकगी थुकोङ डुप्‍ये धाङ खोङगी धाम्‍चा जेजागो थोप्‍येगी क्षीदु शो़पा झ्‍यीघो़।

ईब्‍रीपा 6:12

धेनी खेक्‍या लेमेलाम्‍गीन माझ्‍युङवा हीना धेपा धाङ शो़पागी गोने, को़न्‍क्षोकगी धाम्‍चा थोप्‍थाक्‍या च्‍योक्‍रे, झ्‍युङगीनगो हेक्‍या दो़दीहो़क।

ईब्‍रीपा 6:15

धेनी आब्‍राहामगी शो़पा झ्‍येरी घुक्‍ती, होदे धाम्‍चागो थोप्‍पालाक।

याकोब 5:11

तो़दाङ, तेन्‍पो धेगीनक्‍याला होराङ झ्‍यीलाप क्षे चीलालाक। खेक्‍याई योपगी शो़गोमगी कोरला घोर हो़तालाक धेनी चोवो नी ॱङीङजे धाङ ज्‍याम्‍सेमगी खारी, थाला खोङबागी जेगीनगो खेक्‍याई थो हो़तालाक।

२ पेटो 1:6

धेनी स्‍येयो़नला राङ-छो़ शीम्‍गीन धेनी राङ-छो़ शीम्‍गीनला शो़पा धेनी शो़पाला क्षो़सेम,

ॱङो़न्‍पा 14:12

दे नी को़न्‍क्षोकगी का ॱरुङगीन धाङ येशुला धेपा झ्‍यीगीन धाम्‍पे मीक्‍याई क्षीदु, शो़पागी भो़टाक लाक।