२ थेसालोनीकेपा 1:3 - ॱलोवा

³ पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

२ थेसालोनीकेपा 1:3 Iomraidhean Croise

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

लुका 17:5

धेनी कुछापक्‍याई चोवोला श्‍यी़वालाक, “हीकी धेपा दे फेरु च्‍युक्‍वा जे।”

योहान्‍ना 15:2

ङी नाङ हो़गीन याक्‍का घीरीने ढेबु ॱमेक्षाक्‍कीन याक्‍काक्‍या, खोङबागी च्‍ये जेदालाक धेनी ढेबु क्षाक्‍कीन याक्‍का घीरी देले ल्‍हाक ढेबु क्षाक्‍येला, खोङबागी होदे घीरी ढेक्‍चो़ जेदालाक।

रोमापा 1:8

धाङपोगो येशु मास्‍यीकागी थोक्‍ने, ङी को़न्‍क्षोकला ङा खे घीरीगी क्षीदु काटीन्‍क्षे श्‍युवाहीन घीझ्‍येरी ॱनाना जीक्‍तेन घीरीदु, खीकी धेपागी कोरला ख्‍याप्‍दुक।

१ कोरीन्‍थुपा 1:4

मास्‍यीका येशुगी गोने, खेक्‍याला को़न्‍क्षोकगी ॱनाङना थुक्‍जेगी झ्‍येरी, ङा को़न्‍क्षोकला च्‍योई खीकी क्षीला काटीन्‍क्षे श्‍यी़हो़क।

२ कोरीन्‍थुपा 10:15

हेक्‍या हेरी छेने दारी, श्‍येम्‍माक्‍याई काल्‍ले ग्‍याप्‍कीनगोला ङोम्‍सो मीझ्‍यीहो़क। हीना खेक्‍याई धेपागो छारती डोवाराङ, खेक्‍याई खोक्‍दु हीकी लेगागी छामगो ग्‍याक्षेरु डोवास्‍योक ॱनेरी, हीकी रेवा हो़क।

एफीसुपा 5:20

धेनी नाम्‍हीना, होरी चोवो येशु मास्‍यीकागी छेन थोक्‍ने घीरीगी क्षीला याप को़न्‍क्षोकला काटीन्‍क्षे श्‍यी़।

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

फीलीप्‍पीपा 1:9

ङी ॱमो़लाम ग्‍याप्‍कीनगी दो़न नी, खेक्‍याई झाम्‍पा नी स्‍येराप धाङ स्‍येयो़न घीरीगी थोक्‍ने माङदु-माङदु फेरी,

१ थेसालोनीकेपा 3:12

धेनी हीकी खेक्‍याला चेवा झ्‍यीगीन च्‍योक्‍रे, चोवोगी खेक्‍याला च्‍यीकगी च्‍यीकला चेवा धाङ मी घीरीमुला चेवा फेरी मेछो़ली जेदास्‍योक।

१ थेसालोनीकेपा 3:6

हीना धान्‍दा तीमोथेउ खेक्‍या चाने होरी, खीकी धेपा धाङ चेवागी कोरला ताम शाङा हेक्‍याला स्‍येजुङ। धेनी हेक्‍या खेक्‍याला थुक्‍दो़ हो़गीन च्‍योक्‍रे, खेक्‍या हेला नाम्‍हीना ढेन्‍ये धाङ हेला थुक्‍येला दो़पा हो़गीनगोवा घोरजुङ।

१ थेसालोनीकेपा 3:9

खेक्‍याई झ्‍येरी को़न्‍क्षोकगी डुङदु, हेला घाटो क्षे झ्‍युजुङ। दे धाङ खेक्‍याई क्षीला, को़न्‍क्षोकला हेक्‍या थुक्‍जेक्षे घाङगी झ्‍येरी पुये?

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।

२ थेसालोनीकेपा 2:1

पी़न्‍दाक्‍याओ, होरी चोवो येशु मास्‍यीका धाब्‍ले फेप्‍ये धाङ होराङ खोङबामुला ज्‍यायेगी कोरला हेक्‍या श्‍युवाहीन।

२ थेसालोनीकेपा 2:13

चोवोगी चेवे पी़न्‍दाक्‍याओ, खीकी दो़नला हेक्‍या च्‍योई को़न्‍क्षोकला काटीन्‍क्षे श्‍यु घोली घीझ्‍येरी ॱनाना थारपा थोप्‍येगी क्षीला, को़न्‍क्षोकगी खेक्‍याला एम्‍माने दाम जेपालाक। थारपा दे नी, खेक्‍याला राप्‍ने जेगीन धाम्‍पे थुक्‍ङी धाङ धेन्‍पाला यीच्‍चे झ्‍यीगीनगी थोक्‍ने झ्‍युवालाक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

२ पेटो 1:13

ङा सो़न्‍पो हो़ती घाङला, खेक्‍याला दो़न देक्‍याई कोरला ढेन्‍सो़ ॱलारी शाप-शाप शोना ङा घागुलाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।