२ थेसालोनीकेपा 1:10 - ॱलोवा

¹⁰ दे नी चोवो फेप्‍कीन ङीमाला झ्‍युङगीलाक। होदे ङीङमो खोङबाला राङगी धाम्‍पे मीक्‍याने, शीजे थोप्‍कीलाक धेनी धेपा झ्‍यीगीन घीरीने तो़पा राक्‍कीलाक। मी देक्‍या नाङ खेक्‍या छी़गीलाक घीझ्‍येरी ॱनाना खेक्‍याई हीकी तेरता पाङपोक्‍याला धेपा झ्‍येवालाक।

२ थेसालोनीकेपा 1:10 Iomraidhean Croise

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 24:36

“होदे ङीमा धाङ धी़चो़गी कोरला सुला स्‍येये मेतालाक। याप को़न्‍क्षोकगी माना नाम्‍खे भाङछेनक्‍याला स्‍येये मेतालाक धेनी सेला स्‍येये मेतालाक।

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 7:22

होदे ङीमागोला मी माङागी ङाला, ‘चोवो, चोवो, खेराङगी छेनने हीकी ॱङो़न ॱमास्‍येपे धेनी खेराङगी छेनगी थोक्‍ने धी़क ॱमातो़न्‍बे धेनी खेराङगी छेनगी थोक्‍ने हीकी ॱहाङसागीन लेगा माङा माझ्‍येबे?’ ॱनेरी ॱनागीलाक।

लुका 10:12

ङा खेक्‍याला ॱनाहीन, ठीम चेगीन ङीमाला सादोम ग्‍याजाने ल्‍हाक, दे ग्‍याजा देला ठीम फोक्‍कीलाक।

योहान्‍ना 11:4

हीना येशुगी दे सेन्‍दी सुवालाक, “नाजा दी छीवाला झाङगीमालाक। को़न्‍क्षोकगी शीजे ॱङो़न्‍येगी क्षीला धाङ दी थोक्‍ने, को़न्‍क्षोकगी सेगी शीजे झ्‍युङयेगी क्षीला लाक।”

योहान्‍ना 17:10

ङी हीन्‍गीन घीरी खेराङगी हीन धेनी खेराङगी हीन्‍गीन घीरी ङी हीन। खुङक्‍याई नाङ ङा शीजेला ॱङो़म्‍पाहीन।

१ कोरीन्‍थुपा 1:6

धेनी दे राङगी खेक्‍याला मास्‍यीकागी कोरला, हीकी स्‍येगीनगो धेन्‍पा लाक ॱनेरी, थाक चेदालाक।

१ कोरीन्‍थुपा 3:13

खुङक्‍या रे-रेगी लेगागो सावो थोङगीलाक घीझ्‍येरी ॱनाना ठीम्‍चो़गी ङीमागी होदे ॱङो़न्‍गीलाक। होदे नी, मेगी गोने ॱङो़न्‍गीलाक धेनी मी रे-रेगी लेगा घारे हो़गीनगो, मेगी राङ ताक्‍चा झ्‍यीगीलाक।

गालातीयापा 1:24

धेनी ङी झ्‍येरी, खुङक्‍याई को़न्‍क्षोकला तो़पा पुवालाक।

एफीसुपा 1:12

दे नी मास्‍यीकाला रेवा झ्‍यीगीन हे धाङस्‍योकक्‍याई को़न्‍क्षोकगी शीजेला, तो़पा हुङयेगी क्षीला लाक।

एफीसुपा 1:14

धेनी को़न्‍क्षोकगी राङगी मीक्‍याला थारपा ॱमानाङगीन थुक्‍पे, धाम्‍पे थुक्‍ङी नी होराङला थोप घोये हीन्‍गीन ग्‍युज्‍यीनगी गेलेनगो लाक। दे नी, को़न्‍क्षोकगी शीजेगी तो़पा हुङयेगी क्षीदु लाक।

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

एफीसुपा 1:6

धा को़न्‍क्षोकगी शीजेचेनगी थुक्‍जेगी क्षीला, खोङबाला तो़पार स्‍योक घीझ्‍येरी ॱनाना थुक्‍जे दे, खोङबागी चेवे सेगी गोने होराङला फाङमेदु ॱनावालाक।

एफीसुपा 2:7

दे नी माउपारगी धी़ला खोङबागी मास्‍यीका येशुगी थोक्‍ने, होराङला ॱनाङना ॱङीङजेगी गोने, राङगी ढाङमेगी थुक्‍जे दे, मीक्‍याला तो़न्‍येगी क्षीला लाक।

एफीसुपा 3:10

दे नी, क्षो़छोकगी गोने नाम्‍खे श्‍यीङखामदु हो़गीन पो़न्‍पोक्‍या धाङ वाङ झ्‍यीगीनक्‍याला, को़न्‍क्षोकगी स्‍येराप ॱनाम्‍पा ॱनाछोक धान्‍दा ॱङो़न्‍दु जेयेगी क्षीला लाक।

एफीसुपा 3:16

को़न्‍क्षोकगी ढाङमेगी शीजेला तेन्‍ती, थुक्‍ङीगी थोक्‍ने नी़थु ॱनाङदी, खेक्‍याई सेमला तोपस्‍युक ॱनाङास्‍योक,

१ थेसालोनीकेपा 1:5

घीझ्‍येरी ॱनाना हीकी ताम्‍शाङगो खेक्‍याचारु छीकला च्‍यीगा मेन्‍दा, वाङ धाङ धाम्‍पे थुक्‍ङी धाङ ॱङोन्‍ने ढाङने धेन्‍पे थोक्‍ने होवालाक। खेक्‍याई घुङदु खीकी क्षीला हीकी चो़पा घारे हो़तालाक ॱनेरी, खेक्‍या स्‍येलालाक।

१ थेसालोनीकेपा 2:1

पी़न्‍दाक्‍याओ, खेक्‍यामुला हीकी थुक्‍ठे क्षोमेगीन माझ्‍युजुङ ॱनेरी, खेक्‍याला क्षा हो़तालाक।

१ थेसालोनीकेपा 2:13

हेक्‍याने घोरकीन को़न्‍क्षोकगी का दे, खेक्‍याई होदेला मीगी का च्‍योक्‍रे मेन्‍दा, को़न्‍क्षोक राङगी का ॱनेरी खेलेन्‍बालाक धेनी खे धेपा झ्‍यीगीनक्‍याई खोक्‍दु को़न्‍क्षोकगी क्षाले डुप्‍कीनगोला, हेक्‍या ॱमेक्षेता को़न्‍क्षोकला थुक्‍जेक्षे पुलीहो़क।

२ थेसालोनीकेपा 1:12

देरे झ्‍येरी होरी को़न्‍क्षोक धाङ चोवो येशु मास्‍यीकागी थुक्‍जेगी थोक्‍ने, होरी चोवो येशुगी छेन खेक्‍याई नाङ धेनी खेक्‍या खोङबागी नाङ तो़पार हुङास्‍योक।

२ थेसालोनीकेपा 2:13

चोवोगी चेवे पी़न्‍दाक्‍याओ, खीकी दो़नला हेक्‍या च्‍योई को़न्‍क्षोकला काटीन्‍क्षे श्‍यु घोली घीझ्‍येरी ॱनाना थारपा थोप्‍येगी क्षीला, को़न्‍क्षोकगी खेक्‍याला एम्‍माने दाम जेपालाक। थारपा दे नी, खेक्‍याला राप्‍ने जेगीन धाम्‍पे थुक्‍ङी धाङ धेन्‍पाला यीच्‍चे झ्‍यीगीनगी थोक्‍ने झ्‍युवालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 1:18

चोवोगी ङीमागोला खोङबागी खोला थुक्‍जे शीयास्‍योक। धेनी एफीसुरु खी़ ङाला श्‍यी़गीन श्‍याप्‍तोक घीरी, ख्‍यो़ला घामोमा स्‍येये हो़तालाक।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।