२ पेटो 3:9 - ॱलोवा

⁹ मी रीङगाक्‍याई चोवोगी राङगी धाम्‍चा डुप्‍येला, धाला जेदुक ॱनेरी, साम्‍लो हो़नाः खोङबा धाला मेजेदालाक। हीना घीरीगी राङगी धीक्‍पा पारी सेम ग्‍युरती सुवाः मेताला माडोवास्‍योक ॱनेरी, खोङबा खेक्‍यामुला शो़गोम जेदालाक।

२ पेटो 3:9 Iomraidhean Croise

रोमापा 13:11

देक्‍या माना धान्‍दागी धी़ दे घारे हो़गीनगो, खेक्‍याला स्‍येये हो़तालाक। धा ॱङी छेयेगी धी़चो़गो ॱलेप्‍सादुक घीझ्‍येरी ॱनाना होरी गोमा धेपा झ्‍येजानेः, धान्‍दा होरी थारपागो धोराङा ङ्येरु ॱलेप्‍दुक।

रोमापा 13:12

धा छेन जोक्‍टो दुक धेनी ङीनगो ॱलेप्‍सादुक। होझ्‍येरी मी़नाक्‍पागी लेगा भोरती, होराङ हो़गी गोठापक्‍या घो़न्‍घो।

रोमापा 2:4

याङना को़न्‍क्षोकगी ॱङीङजे नी, ख्‍यो़ला ग्‍यो़पा झ्‍यीदु च्‍युक्‍ती सेम ग्‍युरतु च्‍युक्‍येला हीन्‍गीनगो ॱहामाघोवा, ख्‍यो़ खोङगी ॱङीङजे क्षेन्‍बो धाङ थुकॱरेन धाङ थुक्‍शो़ला थोङछुङ झ्‍यीदाले?

रोमापा 9:22

देरेराङ झ्‍येरी को़न्‍क्षोकला थुक्‍ठो़ धाङ नी़थु तो़न्‍येगी आङजा हो़ना, खोङगी थुक्‍ठो़ भाप्‍ती मेताला डोये हीन्‍गीन मीक्‍यामुला, खोङबागी शो़गोम जेहो़ना घी दुक से?

१ तीमोथेउ 1:16

हीना ङा धीक्‍चेनगी चो झ्‍येरीया, को़न्‍क्षोकगी ङाला थुक्‍जे शीक्‍ती, मास्‍यीका येशुगी राङगी याङदाक्‍पे शो़पागी पे झ्‍युङयेला, ङाला भेचो़ ॱनाङजुङ। देरे झ्‍येरी मी श्‍येम्‍माक्‍यागीया खोङला धेपा झ्‍येरी, थामेपे छेसोक थोप्‍कीलाक ॱनेरी ॱहाघोरकीलाक।

१ तीमोथेउ 2:4

खोङबागी थुकोङगो मी घीरी क्‍योप्‍ये धाङ धेन्‍पागी स्‍येयो़नला हुङये लाक।

ईब्‍रीपा 10:37

घीझ्‍येरी ॱनाना तीते च्‍यीकने, “फेप्‍ये हीन्‍गीनगो फेप्‍कीलाक। धेनी खोङगी धाला जेगीमालाक।

१ पेटो 3:20

खुङक्‍या नी नोआगी डुशीङ शोगीन धी़ला, को़न्‍क्षोकगी शो़पा झ्‍येरी घुक जेगीन घाङला, काला मेङेन्‍गीन मीक्‍या लाक। होदे डुशीङ नाङला क्षुलोकने, मी ग्‍ये माना ॱमाथारपालाक।

२ पेटो 1:4

धेनी खोङबागी शीजे धाङ थुक शाङपोगी गोने, होराङला खोङगी धाम्‍चा खाक्‍क्षेक्‍या धाङ चाछेक्‍या ॱनाङ हो़तालाक। देक्‍या गोने दो़पा ङेन्‍पाक्‍याई झ्‍येरी, जीक्‍तेन नाङ हो़गीन ङेन्‍पाक्‍याने थारती, खेक्‍या को़न्‍क्षोकगी ॱलानामेपे राङश्‍यीला थेये राक हो़तालाक।

२ पेटो 3:15

होरी चोवोगी शो़गोम नी, थारपा हीन्‍गीनगो ची ग्‍योप। धेनी होरी चेवे पी़न पाउलुगीयाः, को़न्‍क्षोकगी खोला ॱनाङना स्‍येरापगी गोने खेक्‍याला ढीक हो़तालाक।

ॱङो़न्‍पा 2:21

ङी मोला राङगी धीक्‍पा पारी सेम ग्‍युरयेला, धी़चो़ तेरपालाक हीना मो मोरी लोक्‍येमगो पाङयेगी दो़पा मीझ्‍यीदा।