२ पेटो 3:3 - ॱलोवा

³ गेक्षेस्‍योकगो खेक्‍याई दे ॱहाघोरा झ्‍यी, थामे ङीमाक्‍याला क्षाले ग्‍याप्‍कीनक्‍या, धेन्‍पागोला क्षाले ग्‍याप्‍ती राङगी दो़क्षाकगी स्‍याबाला डारी हुङगीलाक।

२ पेटो 3:3 Iomraidhean Croise

योहान्‍ना 12:48

ङाला ङोलोक झ्‍यीगीन धाङ ङी काक्‍या खे मेलेन्‍गीनक्‍याला ठीम्‍पो़न च्‍यीक हो़तालाक। ङी स्‍येगीन क्‍यागीराङ, थामे ङीमाला होदेगी ठीम ताङगीलाक।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

२ तीमोथेउ 3:1

थामे धी़ला धी़ घाक्‍वा हुङगीलाक ॱनेरी, ख्‍यो़ स्‍येलाझ्‍यी।

ईब्‍रीपा 1:2

हीना दे थामे धी़क्‍याला, खोङबागी राङगी सेगी थोक्‍ने, होराङक्‍याला का ॱनाङ हो़तालाक। धेनी राङगी सेला ॱङोपो घीरीगी खाला ग्‍युज्‍यीन को़वालाक धेनी खोङगी थोक्‍नेराङ जीक्‍तेन खाम घीरी को़ जेपालाक।

२ पेटो 1:20

दे घीरीगी थोकला, सुङरापगी ॱङो़नस्‍ये च्‍यीया, ॱङो़नस्‍येखेन राङगी ढेस्‍ये मालाक ॱनेरी, खेक्‍याई ॱहाघोरा झ्‍यी।

२ पेटो 2:10

धेनी ॱमीक्‍सेदु मीला नोगीन दो़क्षाकला क्षाक्‍कीन धाङ आङजाला थोङछुङ झ्‍यीगीनक्‍याला, चोवोगी ठीम्‍चो़गी ङीमा थुक्‍पे छेपा होकदु श्‍या जेगीलाक। देक्‍या नी, पोबा क्षे धाङ ग्‍योङा झ्‍येरी शीजेचेनक्‍याला ॱमेटा ताङयेला, खुङक्‍या जीक्‍टा मीझ्‍यीदालाक।

१ योहान्‍ना 2:18

चेवे टुवाक्‍याओ, धान्‍दा धी़गी थामागो लाक। मास्‍यीकागी डागो हुङी ॱनेरी, खीकी ॱहाघोर ङ्युङ हो़तालाक धेनी धान्‍दा, मास्‍यीकागी डा माङा होसा हो़तालाक। होझ्‍येरी धी़गी थामागो ॱलेप्‍दुक ॱनेरी, होरी ॱहाघोरालाक।

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।

युदा 1:18

खुङक्‍याई खेक्‍याला ॱनेवालाक, “थामे ङीमाक्‍याला, राङगी क्षोमेगीन दो़छाकगी स्‍याम्‍ला डारी, चोवोला छाले ग्‍याप्‍कीनक्‍या हुङगीलाक।”