२ पेटो 3:15 - ॱलोवा

¹⁵ होरी चोवोगी शो़गोम नी, थारपा हीन्‍गीनगो ची ग्‍योप। धेनी होरी चेवे पी़न पाउलुगीयाः, को़न्‍क्षोकगी खोला ॱनाङना स्‍येरापगी गोने खेक्‍याला ढीक हो़तालाक।

२ पेटो 3:15 Iomraidhean Croise

लुका 21:15

घीझ्‍येरी ॱनाना ङा खेक्‍याला देरे छीकक्‍या धाङ स्‍येराप तेरयेहीन, धेनी खेरी डाक्‍याने सी़या ख्‍यो़ला लेन ॱलोक थुक्‍कीमालाक धेनी गाक्‍पा ग्‍याप ॱमीथुक्‍कीलाक।

जेपा 15:25

होझ्‍येरी हेक्‍याई मुला ढो़ झ्‍येरी, खेक्‍याचारु झाङयेला, हीकी खोक्‍नेराङ पी़न रीङगा दाम्‍दी, हीकी रोवा ढेन्‍जे पाउलु धाङ बारनाबामुला झाङये थाक चेवी।

जेपा 7:10

धेनी को़न्‍क्षोकगी खी़ दुक्‍पु घीरीने थारपा ॱनारी, एजेप ग्‍याखापगी ग्‍यावु फारोगी दोङदु थुक्‍जे ॱनारी, खोला एजेप ग्‍याखाप धाङ खी़ ग्‍याखाङगी मी घीरीगी खाला आङजा ॱनावालाक।

जेपा 9:17

धेनी आनानीया सोरी साउल धेता खाङबा नाङदु जुवालाक। खी़ साउलगी खाला लाक्‍पा श्‍याक्‍ती ॱनेवालाक, “साउल, ख्‍यो़ दुरु हुङी घाङला लाम्‍गाला जाजा चोवो येशुगी ङाला, ख्‍यी़ ॱमीक धाब्‍ले थोङयेला धाङ धाम्‍पे थुक्‍ङीगी खाङयेला ख्‍यी़चारु झाजुङ।”

रोमापा 2:4

याङना को़न्‍क्षोकगी ॱङीङजे नी, ख्‍यो़ला ग्‍यो़पा झ्‍यीदु च्‍युक्‍ती सेम ग्‍युरतु च्‍युक्‍येला हीन्‍गीनगो ॱहामाघोवा, ख्‍यो़ खोङगी ॱङीङजे क्षेन्‍बो धाङ थुकॱरेन धाङ थुक्‍शो़ला थोङछुङ झ्‍यीदाले?

१ कोरीन्‍थुपा 12:8

होझ्‍येरी धाम्‍पे थुक्‍ङीगी गोने रीङगाला स्‍येरापगी ताम स्‍येये धेनी रीङगाला दे थुक्‍ङीगी गोनेराङ स्‍येयो़नगी ताम स्‍येये,

१ कोरीन्‍थुपा 2:13

धेनी हेक्‍याई स्‍येगीन तामक्‍या नी, मीगी स्‍येरापगी ॱलाप्‍ला छीकक्‍याने मालाक हीना धाम्‍पे थुक्‍ङीगी ॱनाङगीन छीकक्‍याला तेन्‍दी, हेक्‍या थुक्‍ङीगी छीकक्‍याई गोने थुक्‍ङीगी धेन्‍पे दो़नक्‍या टोलालाक।

१ कोरीन्‍थुपा 3:10

को़न्‍क्षोकगी ङाला ॱनाङना थुक्‍जेगी गोने, ङी खाङबा शोगीन खेवा च्‍यीक च्‍योक्‍रे, खाङबी ॱमाङस्‍यीगो तीवी धेनी श्‍येम्‍माक्‍याई होदेगी खाला चीक्‍पा चीक्‍यी। हीना खाङबा चीक्‍कीन रे-रेगी, होदे चीक्‍यी घाङला दो़नाङ झ्‍यीघो़।

एफीसुपा 3:3

को़न्‍क्षोकगी साङवा दे ङाला साल्‍तो़नगी थोक्‍ने, ॱङो़न्‍दु जेपालाक धेनी दी कोरला ङी एन्‍ला, खेक्‍याला दोरधी़ला ढीक हो़तालाक।

१ तीमोथेउ 1:16

हीना ङा धीक्‍चेनगी चो झ्‍येरीया, को़न्‍क्षोकगी ङाला थुक्‍जे शीक्‍ती, मास्‍यीका येशुगी राङगी याङदाक्‍पे शो़पागी पे झ्‍युङयेला, ङाला भेचो़ ॱनाङजुङ। देरे झ्‍येरी मी श्‍येम्‍माक्‍यागीया खोङला धेपा झ्‍येरी, थामेपे छेसोक थोप्‍कीलाक ॱनेरी ॱहाघोरकीलाक।

याकोब 1:5

खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

१ पेटो 3:20

खुङक्‍या नी नोआगी डुशीङ शोगीन धी़ला, को़न्‍क्षोकगी शो़पा झ्‍येरी घुक जेगीन घाङला, काला मेङेन्‍गीन मीक्‍या लाक। होदे डुशीङ नाङला क्षुलोकने, मी ग्‍ये माना ॱमाथारपालाक।

२ पेटो 3:2

धाम्‍पे ॱङो़नस्‍येखेनक्‍याई एम्‍मा ॱनाङना ॱङो़नस्‍येक्‍या धाङ होरी चोवो धाङ क्‍याम्‍गो़नगी कुछापक्‍याई थोक्‍ने ॱनाङना काक्‍या, खेक्‍याई ढेन्‍सो़ झ्‍यीगीनगो ङा दो़दीहो़क।

२ पेटो 3:9

मी रीङगाक्‍याई चोवोगी राङगी धाम्‍चा डुप्‍येला, धाला जेदुक ॱनेरी, साम्‍लो हो़नाः खोङबा धाला मेजेदालाक। हीना घीरीगी राङगी धीक्‍पा पारी सेम ग्‍युरती सुवाः मेताला माडोवास्‍योक ॱनेरी, खोङबा खेक्‍यामुला शो़गोम जेदालाक।