२ पेटो 3:14 - ॱलोवा

¹⁴ होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

२ पेटो 3:14 Iomraidhean Croise

मेथा 24:26

होझ्‍येरी खुङक्‍याई खेक्‍याला, ‘तो़दाङ, खो रीतोङला दुक’ ॱनाना होदुरु थो़न्‍दी माडो। धेनी याङ खुङक्‍याई खेक्‍याला, ‘तो़दाङ, खो खाङबा बुकतु दुक’ ॱनाना यीच्‍चे माझ्‍यी।

मेथा 25:7

धेनी होदे नाच्‍युङमा च्‍युगारा लारी, खुङक्‍याई क्‍युङगो डाढीक झ्‍येवालाक।

लुका 12:43

दाक्‍पोगो लोक्‍ती हुङी घाङला, खी़ होदे झ्‍येरी धेगीनगो थुक्‍ना, होदे ॱयोक्‍पोगो झ्‍यीलाप क्षे लाक।

लुका 2:29

“धा चोवो खेराङगी का ॱनाङना च्‍योक्‍रे, खेराङगी ॱयोक्‍पोला श्‍यीदेगी थोक्‍ने डोरु च्‍युक्‍रोनाङ।

१ कोरीन्‍थुपा 1:8

धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

फीलीप्‍पीपा 1:10

खेक्‍याई शाङा घी हीन्‍गीनगो, दाम थुक्‍वा धाङ मास्‍यीकागी ङीमा थुक्‍पे चाङमा धाङ क्‍यो़न मेगीन हुङवास्‍योक।

फीलीप्‍पीपा 2:15

धेनी खेक्‍या क्‍यो़न मेगीन धाङ चाङमा झ्‍युरी, दे मेढाङा धाङ दुकच्‍याक मीरापगी खोक्‍दु, क्‍यो़न मेगीन को़न्‍क्षोकगी से धाङ सेमो झ्‍युङास्‍योक। धेनी खेक्‍या जीक्‍तेनदु खुङक्‍या खोक्‍दु ॱनामगी कारमाक्‍या च्‍योक्‍रे स्‍यारती,

फीलीप्‍पीपा 3:20

हीना होरी फायु नी, नाम्‍खे श्‍यीङखाम लाक। धेनी होदेने फेप्‍ये हीन्‍गीन क्‍याम्‍गो़न चोवो येशु मास्‍यीकाला, होराङ घुक्‍ती धेतालाक।

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

१ तीमोथेउ 6:14

ङा ख्‍यो़ला का तेराहीन, चोवो येशु मास्‍यीका ॱङो़न्‍सुमदु माज्‍यागीन थुक्‍पे, का दे ॱमेवा मेगीन धाङ क्‍यो़न मेगीन झ्‍येरी ॱरुङ च्‍यीक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

२ पेटो 3:1

चेवेक्‍याओ, दे नी ङी खेक्‍याला ढीक्‍टा यीक ॱङीवागो लाक। धेनी दे यीक ॱङीगारा, ङी खेक्‍याला सेम ढाङपो केरु च्‍युक्‍येला, ढेन्‍सो़ ॱलाङयेगी क्षीदु ढीक्‍पालाक।

२ पेटो 3:16

खी़ खोरी यीक घीरीला दो़न देक्‍याई कोरला ढीक हो़तालाक। खी़ यीक देक्‍याला दो़न रीङगाक्‍या ॱहाघोरयेला, काल्‍ले घाक्‍वा हो़तालाक धेनी स्‍येयो़न मेगीन धाङ सेम तेन्‍पो मेगीनक्‍याई सुङराप श्‍येम्‍माक्‍याला ॱयो़गीन च्‍योक्‍रे, होदे दो़नक्‍याला ॱयो़लालाक धेनी राङगी राङला मेताला ताङालाक।

१ योहान्‍ना 3:3

धेनी खोङबा चाङमा हो़गीन च्‍योक्‍रे, खोङगी खाला देरे रेवा श्‍याक्‍कीन घीरीगी राङला चाङमा श्‍यालाक।