२ पेटो 3:1 - ॱलोवा

¹ चेवेक्‍याओ, दे नी ङी खेक्‍याला ढीक्‍टा यीक ॱङीवागो लाक। धेनी दे यीक ॱङीगारा, ङी खेक्‍याला सेम ढाङपो केरु च्‍युक्‍येला, ढेन्‍सो़ ॱलाङयेगी क्षीदु ढीक्‍पालाक।

२ पेटो 3:1 Iomraidhean Croise

मेथा 5:8

सेम दाक्‍पा हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याई को़न्‍क्षोकला ज्‍यागीलाक।

२ कोरीन्‍थुपा 13:2

थेङ ॱङीवागोला ङा खीकी घुङदु हो़ताराङ, ङी खेक्‍याला ङेन्‍ता ताता च्‍योक्‍रे, धा ङा खीकी घुङदु मेती घाङलाः, ङा खेक्‍याला धान्‍दा ङेन्‍ता तेराहीन। ङा धाब्‍ले हुङाराङ, एम्‍मा खे धीक्‍पा झ्‍यीगीनक्‍या धाङ श्‍येम्‍मा सुलाः ङा शो़पा मीझ्‍यी।

१ तीमोथेउ 5:22

क्षो़छोकगी गोठी को़येला छाटाक माझ्‍यी धेनी श्‍येम्‍मागी धीक्‍पाला माडे। राङ चाङमा धो़क।

२ तीमोथेउ 1:6

होझ्‍येरी ङी ख्‍यी़ खाला लाक्‍पा श्‍याक्‍ती, को़न्‍क्षोकने ख्‍यो़ला थोप्‍था ॱनाङज्‍यीनगी मे दे सो़री श्‍याक्‍येला, ङा ख्‍यो़ला ढेन्‍सो़ ॱलाङाहीन।

ईब्‍रीपा 6:9

चेवेक्‍याओ, हेक्‍याई देरे लाब ताङनाः, खेक्‍याला थारपाला थी़न्‍गीन दो़न शाङाक्‍या थोप हो़तालाक ॱनेरी, हेक्‍याला यीच्‍चे तेन्‍पो हो़क।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 2:11

चेवे रोवाक्‍याओ, ङा खेक्‍याला श्‍योवा पुलाहीन, खेक्‍या ॱनेचाङ ॱयारती धेगीन धाङ ङो ॱमेस्‍येगीन मीक्‍या झ्‍येरी, राङगी सेम्‍ङीगी डाला हो़गीन ली़गी दो़क्षाकक्‍या पोङ।

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

२ पेटो 3:17

होझ्‍येरी चेवेक्‍याओ, दो़न देक्‍या एन्‍लाराङ ॱहाघोरती शाप-शाप झ्‍यी। देरे झ्‍येरी ठीम मेगीन मीक्‍याई नोन्‍डुला गो ॱमाखोर धेनी राङगी ॱनेसा तेन्‍पोगो ॱलाक्‍तु ॱमाच्‍युक।

२ पेटो 3:8

हीना चेवेक्‍याओ, चोवोगी क्षीदु ङीमा च्‍यीक नी, लो तोङ धाङ लो तोङ नी, ङीमा च्‍यीक च्‍योक्‍रे लाक ॱनेरी, खेक्‍या ढेन्‍बा माझ्‍ये।

युदा 1:5

खेक्‍याई दे लाब घीरी एम्‍माने स्‍येहो़नाः, ङा खेक्‍याला याङ देक्‍या ढो़न्‍सो ॱलाङी दो़दीक। चोवोगी थेङ च्‍यीकला, एजेप युने राङगी मीक्‍याला थारतु च्‍युक्‍वा जेपालाक हीना स्‍याम्‍ला धेपा मीझ्‍यीगीनक्‍याला मेताला जेपालाक।