२ पेटो 2:6 - ॱलोवा

⁶ धेनी खोङबागी सादोम धाङ गोमोरा ग्‍याजाक्‍याला मेगी ॱराक्‍ती, चामेदु ताङा जेपालाक। देरे जेदी खोङबागी क्षो़ला ॱमीचीगीन मीक्‍याला घी झ्‍युङये हीन्‍गीनगी, पे च्‍यीक ॱनाङा जेपालाक।

२ पेटो 2:6 Iomraidhean Croise

मेथा 10:15

ङा खेक्‍याला धेन्‍पाराङ ॱनाहीन, ठीम चेगीन ङीमागोला, होदे ग्‍याजाला सादोम धाङ गोमोरा ग्‍याजाक्‍याने ल्‍हाक ठीम फोक्‍कीलाक।”

मेथा 11:23

“धेनी खे काफारनाहुमगी मीक्‍या राङ-राङला नाम्‍खे श्‍यीङखामदु ताक्‍टु ॱनेरी, सामी हो़ती? खेक्‍या ॱङ्यावागी तीङला पाप्‍कीलाक। घीझ्‍येरी ॱनाना खेक्‍याई खोक्‍दु झ्‍येजा ॱहाङसागीन क्षाक्‍लेक्‍या सादोमदु झ्‍युङहो़ना, धीरीङ थुक्‍पे होदे ग्‍याजागो ॱनेहो़टु।

रोमापा 9:29

दी कोरला ॱङो़नस्‍येखेन यस्‍यायागी एम्‍मा देरे ॱङो़न जे हो़तालाक, “ॱलानामेपे को़न्‍क्षोकगी, होरी क्षीला भुग्‍यु श्‍याक माजे हो़ना, होराङ सादोम च्‍योक्‍रे हुङयेहो़क, धेनी होराङ गोमोरा च्‍योक्‍रे झ्‍युङयेहो़क।”

१ कोरीन्‍थुपा 10:11

खुङक्‍या खाला झ्‍युजा दे घीरी, होरी क्षीदु पे झ्‍युङयेला लाक। धेनी होराङ धी़गी थाला ॱलेप हो़गीनक्‍याला ङेन्‍ता झ्‍युङयेला, देक्‍या ढीक्‍ती श्‍याक हो़तालाक।

ईब्‍रीपा 4:11

होझ्‍येरी खुङक्‍याई को़न्‍क्षोकगी काला माङेन्‍पा नोगीन च्‍योक्‍रे सुवाः मानोवास्‍योक ॱनेरी, होराङ होदे ङासु नाङ जुयेला थापस्‍यी हो़ले झ्‍यीघो़।

युदा 1:15

धेनी घीरीला ठीम्‍चो़ जेये धाङ क्षो़ मेगीन, मी घीरीगी झ्‍येजा क्षो़ला ॱमीथी़न्‍गीन लेगा घीरी धाङ क्षो़ मेगीन मीक्‍याई, खोङबागी कोरला छीक चुक्‍वा ॱनागीन घीरीगी क्षीला छेपा जेयेला, खोङबा फेप्‍कीलाक।”

युदा 1:7

देरे झ्‍येरीराङ सादोम धाङ गोमोरा धाङ थाकोरगी ढोङखेरगी मीक्‍या, लोक्‍येम धाङ ली़गी दो़छाकला छी़पालाक। धेनी खुङक्‍याला थामेगीन मेगी छेपा फोक्‍ती, पे च्‍यीक झ्‍यु हो़तालाक।