२ पेटो 2:4 - ॱलोवा

⁴ घीझ्‍येरी ॱनाना नाम्‍खे भाङछेनक्‍याई धीक्‍पा झ्‍यीदी घाङला, को़न्‍क्षोकगी खुङक्‍याला ॱलो़ ताङा माजेपालाक हीना खुङक्‍याला ॱङ्यावादु ॱयुक जेपालाक। धेनी ठीम्‍चो़गी ङीमा थुक्‍पेगी क्षीला च्‍याक्‍थाकगी धाम्‍दी, मी़नाकगी नाङला श्‍याक जे हो़तालाक।

२ पेटो 2:4 Iomraidhean Croise

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 8:29

धेनी होदे ॱङीउगी केक ग्‍याप्‍ती ॱनेवालाक, “को़न्‍क्षोकगी से, हीकीमुला खेराङगी घी ढेवा हो़ताले? धी़चो़ ॱमालेप एन्‍लाराङ, खेराङ हेला दुक्‍पु ताङदु फेया हीने?”

मारकु 5:7

धेनी केक ग्‍याप्‍ती, खी़ ॱनेवालाक, “ॱलानामेपे को़न्‍क्षोकगी से येशु, ङाला खेकी ढेवा घी हो़ताले? ङा को़न्‍क्षोकला ॱना क्‍यारी श्‍योवा पुलाहीन, ङाला दुक्‍पु ताङा माजे।”

लुका 10:18

येशुगी होदेक्‍याला सुवालाक, “ङी नाम्‍खे श्‍यीङखामने ॱलोकख्‍युकगी हो़क ग्‍याप्‍कीन च्‍योक्‍रे, सातान ल्‍हीम्‍दी हुङगीनगो थोजुङ।

लुका 8:31

देक्‍या सातीङदु डोयेला का ॱनाङा माजे ॱनेरी, खोङबाला श्‍योवा पुवालाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

रोमापा 11:21

घीझ्‍येरी ॱनाना को़न्‍क्षोकगी याक्‍का ॱङोमाक्‍याला ॱलो़ ताङा माजे हो़ना, खेक्‍यालाः ॱलो़ ताङा जेगीमालाक।

रोमापा 8:32

को़न्‍क्षोकगी राङगी सेला फाङा माजेदा, होराङ घीरीगी क्षीदु ॱलो़ ताङ जेपालाक। धा देरे हीन्‍ना खोङबागी होराङला राङगी सेमुला, श्‍येम्‍मा दो़न घीरीयाः ॱनाङगीमालाक से?

२ पेटो 2:11

हीना नाम्‍खे भाङछेनक्‍या वाङ धाङ नी़थुला देक्‍याने क्षे हो़नाः, चोवोगी डुङदु होदे शीजेचेनक्‍याला ॱमेटा पाप्‍ती क्‍यो़न ॱमीचुक्‍वालाक।

२ पेटो 2:5

धेनी क्षो़ला ॱमीचीगीनक्‍याई खाला, को़न्‍क्षोकगी क्षुलोक ताङा जेदी घाङला, खोङबागी एम्‍मागी जीक्‍तेनला ॱलो़ ताङा माजेपालाक हीना ढाङतेनगी क्षो़ स्‍येगीन, नोआ धाङ खी़ नाङमी श्‍येम्‍मा धी़नला च्‍यीगा क्‍योप जेपालाक।

२ पेटो 2:9

धा देरे झ्‍येरी, क्षो़सेमगी मीला छो़ता नाङने क्‍योप्‍ये धाङ क्षो़ ॱमीचीगीनक्‍याला ठीम्‍चो़गी ङीमा थुक्‍पे छेपा होकदु श्‍याक्‍येला, चोवोगी खेन्‍दालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

युदा 1:13

धेनी देक्‍या राङगी ङोछागी बोवा तो़न्‍गीन, ग्‍याछोगी भालाप ॱङ्यो़न्‍बाक्‍या च्‍योक्‍रे लाक। धेनी देक्‍या धी़ ताक्‍दु जीक्‍टाक्षे मी़नाकगी क्षीला डाढीक झ्‍येजा, कारमा ख्‍याम्‍बोक्‍या च्‍योक्‍रे लाक।

युदा 1:6

धेनी राङगी गेनगी घोक्‍जा ॱमारुङा, राङगी धेजा ॱङोमागो पाङपा नाम्‍खे भाङछेनक्‍याला, को़न्‍क्षोकगी मी़नाकगी नाङला थामेगीन च्‍याक्‍डोक ग्‍याप्‍ती, ठीम्‍चो़गी ङीमा क्षे थुक्‍पे श्‍याजे हो़तालाक।

ॱङो़न्‍पा 20:10

धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।