२ पेटो 2:21 - ॱलोवा

²¹ घीझ्‍येरी ॱनाना ढाङतेनगी लाम स्‍येरी, खुङक्‍याला ॱनाङना धाम्‍पे काक्‍याला ग्‍याप लोक्‍वालेः होदे लामगो नामा ॱमास्‍ये हो़ना, खुङक्‍याई क्षीदु घा झ्‍युङयेहो़क।

२ पेटो 2:21 Iomraidhean Croise

मेथा 21:32

घीझ्‍येरी ॱनाना ठी़सो़खेन योहान्‍ना, खेक्‍याला ढाङतेनगी लाम तो़न्‍दु होवालाक धेनी खेक्‍याई खोला धेपा माझ्‍येवालाक। हीना ठा धुगीनक्‍या धाङ श्‍याङचोङमाक्‍याई, खोला धेपा झ्‍येवालाक। धेनी खेक्‍याई दे थोरीयाः, खेक्‍याई सेम ग्‍युरती खोला धेपा माझ्‍येवालाक।”

लुका 12:47

“खोरी दाक्‍पोगी थेगीनगो ॱहाघोतीयाः डाढीक माझ्‍येवा, दाक्‍पोगी थेगीन च्‍योक्‍रे मीझ्‍यीगीन ॱयोक्‍पोला दुङदाक छाप्‍क्षे फोक्‍कीलाक।

योहान्‍ना 15:22

“ङा होरी खुङक्‍याला ॱमास्‍ये हो़ना, खुङक्‍याला धीक्‍पागी क्‍यो़न मेक हीना धा खुङक्‍याला खोरी धीक्‍पा माझ्‍येहो़क, ॱनायेगी ग्‍युम्‍जे मेक।

योहान्‍ना 9:41

येशुगी खुङक्‍याला सुङा जेपालाक, “खेक्‍या श्‍यारा हीन्‍ना, खेक्‍याला धीक्‍पागी क्‍यो़न फोक्‍येमेक। हीना धान्‍दा खेक्‍याई ‘हेक्‍या थोङी’ ॱनेरी खेक्‍याई क्‍यो़नगो लेगीलाक।”

रोमापा 7:12

होझ्‍येरी क्षो़ठीम नी, धाम्‍पा दुक धेनी कागो धाम्‍पा धाङ धेन्‍पा धाङ शाङपो दुक।

गालातीयापा 6:2

च्‍यीकगी श्‍येम्‍मागी खुक्‍या खुर धेनी देरे झ्‍येरीराङ मास्‍यीकागी क्षो़ठीम डुप्‍तु च्‍युक।

१ थेसालोनीकेपा 4:2

घीझ्‍येरी ॱनाना चोवो येशुगी वाङने, हीकी खेक्‍याला तेरता ॱलापच्‍याक्‍या खेक्‍याई स्‍येलालाक।

१ तीमोथेउ 6:14

ङा ख्‍यो़ला का तेराहीन, चोवो येशु मास्‍यीका ॱङो़न्‍सुमदु माज्‍यागीन थुक्‍पे, का दे ॱमेवा मेगीन धाङ क्‍यो़न मेगीन झ्‍येरी ॱरुङ च्‍यीक।

ईब्‍रीपा 10:26

घीझ्‍येरी ॱनाना धेन्‍पागी स्‍येयो़न थोप्‍तीयाः, धोराङा होराङक्‍याई काङ चुक्‍ती धीक्‍पा झ्‍यीना, धीक्‍पा सेयेगी ॱमारछो़ श्‍येम्‍मा ल्‍हाक मेतालाक।

याकोब 4:17

होझ्‍येरी शाङा झ्‍यीदा स्‍येरीयाः मीझ्‍यीना धीक्‍पा लाक।

२ पेटो 3:2

धाम्‍पे ॱङो़नस्‍येखेनक्‍याई एम्‍मा ॱनाङना ॱङो़नस्‍येक्‍या धाङ होरी चोवो धाङ क्‍याम्‍गो़नगी कुछापक्‍याई थोक्‍ने ॱनाङना काक्‍या, खेक्‍याई ढेन्‍सो़ झ्‍यीगीनगो ङा दो़दीहो़क।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।