२ पेटो 2:18 - ॱलोवा

¹⁸ देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

२ पेटो 2:18 Iomraidhean Croise

जेपा 2:40

पेटोगी खुङक्‍याला ॱमीच्‍यीकी माङा लाबक्‍या ॱनेरी पाङपो तेरपालाक। धेनी होदेक्‍याला च्‍याक ग्‍याप्‍ती ॱनेवालाक, “धीक्‍जाङगी मीरीक धुकच्‍यागी खाला हुङगीन क्षेपाने ख्‍यो़ ख्‍यो़राङला क्‍योप।”

जेपा 8:9

होदे ग्‍याजारु सीमोन ॱनागीन मी च्‍यीक धेतालाक। खी़ एम्‍माने ॱहाला ॱमीक्‍ठुल तो़न्‍दी, सामारीयागी मीक्‍याला ॱहालेरु च्‍युक हो़तालाक। धेनी खो खोराङ मी क्षे च्‍यीक हीन ॱनेरी बोरस्‍ये स्‍येदालाक।

रोमापा 13:13

ङीङमो च्‍योक्‍रे होराङ चो़पा शाङपो झ्‍यीघो़। चो़पा मेगीन श्‍युक्‍टाक्‍या धाङ शीये धाङ लोक्‍येम धाङ दो़छाक धाङ ठुक्‍पा धाङ ठादोक झ्‍यीये मालाक।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

२ थेसालोनीकेपा 2:4

मी दी ल्‍हा ॱनागीन धाङ क्षाक्‍क्षो़पा पुगीन घीरीला ङोलोक झ्‍येरी, खोराङ होदे घीरीगी थोकला धेगीलाक। धेनी को़न्‍क्षोकगी क्षो़खाङ नाङला धेती, राङ-राङला को़न्‍क्षोक हीन ॱनागीलाक।

याकोब 5:5

खेक्‍या जीक्‍तेनदु कीस्‍युरी ङ्याम तारी धेपालाक। धेनी सेये ङीमोगी क्षीदु खेक्‍या राङगी राङला ग्‍याक्‍वा शो़दुक।

२ पेटो 1:4

धेनी खोङबागी शीजे धाङ थुक शाङपोगी गोने, होराङला खोङगी धाम्‍चा खाक्‍क्षेक्‍या धाङ चाछेक्‍या ॱनाङ हो़तालाक। देक्‍या गोने दो़पा ङेन्‍पाक्‍याई झ्‍येरी, जीक्‍तेन नाङ हो़गीन ङेन्‍पाक्‍याने थारती, खेक्‍या को़न्‍क्षोकगी ॱलानामेपे राङश्‍यीला थेये राक हो़तालाक।

२ पेटो 2:14

लोक्‍येमगी खाङखा खुङक्‍याई ॱमीकगी धीक्‍पा झ्‍यीयेला, नामा छाम मेश्‍यालाक। धेनी तेन्‍पो मेगीन सेम हो़गीनक्‍याला, खुङक्‍याई ॱली़लालाक। खुङक्‍याई सेम सेन्‍ना झ्‍यीयेला घोम हो़तालाक धेनी खुङक्‍या ॱमेमो फोक्‍पा भुटुक लाक।

२ पेटो 2:2

मी माङागी खुङक्‍याई दो़क्षाकगी चो़लाम च्‍योक्‍रे झ्‍यीगीलाक धेनी खुङक्‍याई झ्‍येरी, धेन्‍पे लामला ॱमेटा फोक्‍कीलाक।

२ पेटो 2:20

होरी चोवो धाङ क्‍याम्‍गो़न येशु मास्‍यीकाला ङोस्‍येरी, दे जीक्‍तेनगी ङेन्‍पाक्‍याने थार सारतीयाः याङ धाब्‍ले होदेगी वाङ होकदु छी़ना, हुरे मीक्‍याई ॱनेछुगो एम्‍माले श्‍युकला दुक्‍वा झ्‍युङगीलाक।

२ पेटो 2:7

हीना को़न्‍क्षोकगी लोतला क्‍योप जेपालाक। खो नी, ठीम मेगीन मीक्‍याई दो़क्षाकगी चो़लामला सेम फाम्‍गीन, मी ढाङपो च्‍यीक लाक।

२ पेटो 3:17

होझ्‍येरी चेवेक्‍याओ, दो़न देक्‍या एन्‍लाराङ ॱहाघोरती शाप-शाप झ्‍यी। देरे झ्‍येरी ठीम मेगीन मीक्‍याई नोन्‍डुला गो ॱमाखोर धेनी राङगी ॱनेसा तेन्‍पोगो ॱलाक्‍तु ॱमाच्‍युक।

युदा 1:13

धेनी देक्‍या राङगी ङोछागी बोवा तो़न्‍गीन, ग्‍याछोगी भालाप ॱङ्यो़न्‍बाक्‍या च्‍योक्‍रे लाक। धेनी देक्‍या धी़ ताक्‍दु जीक्‍टाक्षे मी़नाकगी क्षीला डाढीक झ्‍येजा, कारमा ख्‍याम्‍बोक्‍या च्‍योक्‍रे लाक।

ॱङो़न्‍पा 13:11

धेनी साश्‍यी नाङने सेम्‍चेन श्‍येम्‍मा च्‍यीक थो़न्‍दी, हुङगीनगो ङी थोजुङ। होदेला लुक्‍टुगी च्‍योक्‍रे राक्‍योक ॱङी दुक हीना डुक च्‍योक्‍रे लाब ताङी।