२ पेटो 1:6 - ॱलोवा

⁶ धेनी स्‍येयो़नला राङ-छो़ शीम्‍गीन धेनी राङ-छो़ शीम्‍गीनला शो़पा धेनी शो़पाला क्षो़सेम,

२ पेटो 1:6 Iomraidhean Croise

लुका 21:19

धेनी खीकी शो़पागी झ्‍येरी खेरी मीछे क्‍योप्‍कीलाक।”

लुका 8:15

धेनी सा शाङपोला थोरकीनक्‍या, काला ङेन्‍दी सेम ढाङपो धाङ शाङपो नाङदु तेन्‍पो शीमालाक। धेनी शो़पागी थोक्‍ने ढेबु तेरालाक।

जेपा 24:25

हीना पाउलुगी ढाङपो झ्‍युङये धाङ राङ छो़ शीम्‍गीन धाङ ठीम चेगीन ङीमागी कोरला स्‍येली घाङला, फेलीक जीक्‍पालाक। धेनी खोला ॱनेवालाक, “धीरीङगी क्षीदु ढीक्‍सुङ धा सोङ धेनी घुकाप राक्‍ना, ङी ख्‍यो़ला याङदा केक ताङु।”

रोमापा 15:4

धा सुङरापगी ॱनाङगीन शो़पा धाङ सेमस्‍युकगी थोक्‍ने होराङला रेवा थोबास्‍योक ॱनेरी, एम्‍मा ढीक्‍टा घीरी होराङला ॱलापच्‍या तेरयेला ढीक्‍पालाक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

रोमापा 8:25

हीना ॱमीकगी ॱमेथोङगीनला होरी रेवा झ्‍यीना, होदेला होराङ शो़पा झ्‍येरी घुक्‍वालाक।

१ कोरीन्‍थुपा 9:25

चेमोला दुरकीनक्‍या दो़न घीरीला राङ छो़ शीम्‍गीन हुङालाक। खुङक्‍या मेताला डुगीन ज्‍यागागी क्षीदु देरे झ्‍यीदालाक हीना होराङक्‍या मेताला मेडोगीन ज्‍यागागी क्षीदु झ्‍यीदालाक।

२ कोरीन्‍थुपा 6:4

हीना हेक्‍या राङला को़न्‍क्षोकगी श्‍याप्‍चीपा हीन्‍गीनगो, दे घीरीगी थोक्‍ने तो़न्‍दाहीन, शो़पा क्षे धाङ दुङा धाङ काङे धाङ क्‍यो़न हुङाराङ,

गालातीयापा 5:23

ॱङ्यामच्‍युङ धाङ राङ छो़ शीम्‍गीन लाक। देक्‍याला ॱमीथी़न्‍गीन क्षो़ठीम मेतालाक।

कोलोसेपा 1:11

धेनी को़न्‍क्षोकगी शीजे धाङ धेन्‍पे नी़थुगी तोप घीरीने, शो़पा क्षे धाङ ॱना रीङा झ्‍युरी खेक्‍या स्‍युक्‍क्षे झ्‍युङयेगी क्षीला, हेक्‍या ॱमो़लाम ग्‍यावीहो़क। धेनी खेक्‍या घाटोगी खाङास्‍योक

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

२ थेसालोनीकेपा 1:4

खीकी दुक्‍ङेलक्‍या धाङ ङ्याङेनक्‍या खोकला शो़पा झ्‍येरी, धेपाला तेन्‍पो झ्‍येरी, हेक्‍या च्‍योई को़न्‍क्षोकगी क्षो़छोकक्‍याई खोक्‍दु ङोमी हो़क।

२ थेसालोनीकेपा 3:5

को़न्‍क्षोकगी झाम्‍पा धाङ मास्‍यीकाला तेन्‍पो छाक्‍येला, चोवोगी खेक्‍याई सेमला गोठी ॱनाङास्‍योक।

१ तीमोथेउ 2:10

घीझ्‍येरी ॱनाना क्षो़सेम्‍चेन हीन ॱनागीन केमीक्‍याई, ले शाङाक्‍या झ्‍यीना लेन्‍दा हो़तालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

१ तीमोथेउ 6:11

हीना को़न्‍क्षोकगी के-भु ख्‍यो़, दे घीरीने जेम्‍दी ढाङतेन धाङ क्षो़सेम धाङ धेपा धाङ झाम्‍पा धाङ शो़गोम धाङ ज्‍याम्‍बो झ्‍युङयेला चो।

१ तीमोथेउ 6:3

होरी चोवो येशु मास्‍यीकाई क्‍यो़न मेगीन, सुङ धाङ क्षो़सेमला थी़न्‍गीन ॱलापच्‍याक्‍याला खेमेलेन्‍दा, तावा श्‍येम्‍माक्‍या ॱलाप्‍ना,

१ तीमोथेउ 6:6

हीना क्षो़सेम धाङ मुला दो़पा खाङना, होदेराङ फेन क्षे लाक।

२ तीमोथेउ 3:5

धेनी क्षो़सेम झ्‍यी दोक-दोक झ्‍यीगीन हीना होदेगी वाङला खेमेलेन्‍गीन हुङगीलाक। देरे मीक्‍याने जेम।

तीतोस 1:1

को़न्‍क्षोकगी ॱयोक्‍पो धाङ येशु मास्‍यीकागी कुछाप, ङा पाउलु, को़न्‍क्षोकगी दाम्‍दाक्‍याई धेपागी क्षीला धाङ को़न्‍क्षोकला थुक्‍ङेउ मीजी पी़येला धेनी लाब धेन्‍पा ॱहाघोतु च्‍युक्‍येला, ङाला को़वालाक।

तीतोस 1:8

हीना खो डो़नला फेप्‍सु श्‍यी़येला घागीन धाङ ले शाङपो झ्‍यीयेला घागीन धाङ राङ छो़ शीम्‍गीन धाङ ढाङपो धाङ धाम्‍पा धाङ च्‍यो़पा ढुङा झ्‍युङ घो़गीलाक।

तीतोस 2:2

मी गेम्‍पाक्‍या राङ छो़ शीम्‍गीन धाङ याराप धाङ साम्‍लो थोङा धेनी धेपा धाङ झाम्‍पा धाङ शो़पाला तेन्‍पो हुङघो़गीलाक ॱनेरी स्‍यो़क।

ईब्‍रीपा 10:36

खेक्‍याई को़न्‍क्षोकगी थुकोङ डुप्‍ये धाङ खोङगी धाम्‍चा जेजागो थोप्‍येगी क्षीदु शो़पा झ्‍यीघो़।

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

ईब्‍रीपा 6:12

धेनी खेक्‍या लेमेलाम्‍गीन माझ्‍युङवा हीना धेपा धाङ शो़पागी गोने, को़न्‍क्षोकगी धाम्‍चा थोप्‍थाक्‍या च्‍योक्‍रे, झ्‍युङगीनगो हेक्‍या दो़दीहो़क।

ईब्‍रीपा 6:15

धेनी आब्‍राहामगी शो़पा झ्‍येरी घुक्‍ती, होदे धाम्‍चागो थोप्‍पालाक।

२ पेटो 1:3

को़न्‍क्षोकगी राङगी नी़थुगी गोने, मीछे धाङ क्षो़सेमगी क्षीला घो़गीन घीरी, खोङगी होराङला ॱनाङ हो़तालाक। दे नी, खोङबा राङगी शीजे धाङ थुक शाङपोगी गोने होराङला भो़ जेगीन, खोङबाला होरी ङोस्‍येस्‍या झ्‍येरी दे घीरी थोप्‍पालाक।

२ पेटो 3:11

धा दे घीरी देरे झ्‍येरी मेताला डोये हीन्‍गीन झ्‍येरी, खेक्‍या मी घारे च्‍यीक झ्‍युङ घो़गुले? खेक्‍या को़न्‍क्षोकगी ङीमाला घुक्‍ती धेताराङ धेनी होदे ग्‍योक्‍जे हुङदु च्‍युक्‍ये झ्‍यीदाराङ, खेक्‍या धाम्‍पा धाङ क्षो़सेमगी मीछे क्‍याघो़। होदे ङीमाला नाम्‍खा नी, मेगी मेताला डुगीलाक धेनी झ्‍युङवा श्‍यी नी, मेगी ॱराक्‍ती श्‍यी़री डुगीलाक।

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।

ॱङो़न्‍पा 13:10

“चो़नदु डो घोगीनक्‍या चो़नदुराङ डुगीलाक, धेनी राल्‍डीगी सेये हीन्‍गीनक्‍या राल्‍डीने राङ सेगीलाक।” दे नी को़न्‍क्षोकगी मीक्‍याई क्षीदु, शो़पा धाङ धेपागी भो़टाक च्‍यीक लाक।

ॱङो़न्‍पा 14:12

दे नी को़न्‍क्षोकगी का ॱरुङगीन धाङ येशुला धेपा झ्‍यीगीन धाम्‍पे मीक्‍याई क्षीदु, शो़पागी भो़टाक लाक।

ॱङो़न्‍पा 2:2

ख्‍यी़ लेगाक्‍या धाङ काल्‍लेक्‍या धाङ शो़पाक्‍या, ङाला स्‍येयेहो़क। मी ङेन्‍पाक्‍याला, ख्‍यी़ शो़पा घोम ॱमीथुक्‍कीन धाङ कुछाप मेन्‍दाला हीन ॱनागीनक्‍याला, ख्‍यी़ छो़ता झ्‍येरी शोक्‍पो हीन्‍गीनगो, ख्‍यी़ ॱङेपालाक ॱनेरी ङाला स्‍येयेहो़क।