२ पेटो 1:5 - ॱलोवा

⁵ होझ्‍येरी घी झ्‍यी थुप-थुप खेक्‍याई धेपाला चो़लाम शाङपो धेनी चो़लाम शाङपोला स्‍येयो़न

२ पेटो 1:5 Iomraidhean Croise

लुका 16:26

होदे च्‍यीगा मेन्‍दा, देने सुवा ख्‍यो़चारु डो ॱमीथुक्‍ये धाङ होदेने हीकी चारु सुवा हुङ ॱमीथुक्‍येला, ख्‍यो़ धाङ हेक्‍याई घुङदु ॱमीच्‍यीकी क्षे दोङ-दोङ हो़तालाक।’

लुका 24:21

हीना ईस्‍राएलला थारपा ॱनाङगीनगो खोङबाराङ लाक ॱनेरी, हीकी ॱरेवा झ्‍येवी। धेनी दे च्‍यीगा मेन्‍दा, दे घीरी झ्‍युरी धा श्‍याक्‍मो सुम डी़।

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

१ कोरीन्‍थुपा 14:20

पी़नक्‍याओ, साम्‍लो ताङदाङला टुवा च्‍योक्‍रे माझ्‍युङ। ङेन्‍पे क्षीदु टुवा च्‍योक्‍रे झ्‍युङ हीना साम्‍लो ताङदाङला मी क्षे च्‍योक्‍रे झ्‍युङ।

एफीसुपा 5:17

होझ्‍येरी ॱलेन्‍दा माझ्‍युङ हीना चोवोगी थुकोङ, घी हीन्‍गीनगो स्‍येलाझ्‍यी।

फीलीप्‍पीपा 1:9

ङी ॱमो़लाम ग्‍याप्‍कीनगी दो़न नी, खेक्‍याई झाम्‍पा नी स्‍येराप धाङ स्‍येयो़न घीरीगी थोक्‍ने माङदु-माङदु फेरी,

फीलीप्‍पीपा 2:12

होझ्‍येरी ङी चेवेक्‍याओ, खेक्‍याई च्‍योई ङी खाला ङेन्‍गीन च्‍योक्‍रे, ङा हो़ती घाङला च्‍यीगा मेन्‍दा, हीना देले ल्‍हाक ङा मेताराङ, खेक्‍या जीक्‍नाङ धाङ घुस्‍यापगी थोक्‍ने, राङगी थारपागी क्षीला काल्‍ले ग्‍योप।

फीलीप्‍पीपा 4:8

थाला पी़नक्‍याओ, खेक्‍या धेन्‍पा घी हीन्‍गीन धाङ कुरती घी हीन्‍गीन धाङ ढाङपो घी हीन्‍गीन धाङ चाङमा घी हीन्‍गीन धाङ चेवा थोप घोगीन, घी हीन्‍गीन धाङ घुस्‍यापक्षे घी हीन्‍गीन धेनी शाङा धाङ तो़पा थोप घोगीन रे हो़गीन, दो़नक्‍याला साम्‍लो तोङ।

कोलोसेपा 1:9

होझ्‍येरी हेक्‍याई खीकी कोरला घोरका ङीमाने, खीकी क्षीला ॱमेक्षेदा ॱमो़लाम ग्‍यावीहो़क। धेनी को़न्‍क्षोकगी खेक्‍याला खोङबाराङगी थुकोङगी, स्‍येराप छाङगो धाङ सेम्‍ङीने थोप्‍कीन स्‍येराप धाङ स्‍येयो़न ॱनाङास्‍योक ॱनेरी, हेक्‍या खोङला श्‍युवाहीन।

कोलोसेपा 2:3

मास्‍यीकागी नाङ, स्‍येराप धाङ रीक्‍पागी तेर घीरी बे हो़तालाक।

ईब्‍रीपा 11:6

धेपा मेता को़न्‍क्षोकला थुक घेरु च्‍युक थुक्‍ये मेतालाक घीझ्‍येरी ॱनाना को़न्‍क्षोकगी डुङदु हुङगीनक्‍याई, को़न्‍क्षोक हो़गीन धाङ खोङला चागीनक्‍याला खोङबागी ज्‍यागा ॱनाङगीलाक ॱनेरी, यीच्‍चे झ्‍यीघो़।

ईब्‍रीपा 12:15

मी सुवा को़न्‍क्षोकगी थुक्‍जे थोप्‍येने खा माडास्‍योक ॱनेरी, दो़नाङ झ्‍यी। धेनी खेक्‍याला ॱङ्योक्‍टा ॱलाङगीन धाङ माङाला ॱमेचाङा शोगीन, दुकगी चावागो केरु ॱमीच्‍युक्‍येला दो़नाङ झ्‍यी।

ईब्‍रीपा 6:11

खीकी रेवा झ्‍येजागो ॱङोन्‍ने डुप्‍येगी क्षीदु, खेक्‍या रे-रेगी था थुक्‍पे देरेराङ झ्‍येरी ची़न्‍डी़ झ्‍यीदास्‍योक ॱनेरी, हेक्‍या दो़दीहो़क।

१ पेटो 3:7

ख्‍योवाक्‍याओ, देरेराङ झ्‍येरी राङगी केमीमुला साम्‍लो थोङा झ्‍युरी मीछे क्‍यो। धेनी को़न्‍क्षोकगी ॱनाङना मीछेगी थुक्‍जे नाङला, ख्‍यी़मुला खुङक्‍या ग्‍युज्‍यीन हीन्‍गीन झ्‍येरी, मो रोवा क्‍योवा च्‍यीक हीन्‍ना मोला कुरती झ्‍यी। धेनी खीकी ॱमो़लामला घीयाः भारचे हुङगीमालाक।

२ पेटो 1:10

होझ्‍येरी पी़नक्‍याओ, खेक्‍याला को़न्‍क्षोकगी भो़पा धाङ दाम्‍दागोला, ॱङोन्‍ने हीन्‍गीनगो तो़न्‍ये क्षीदु धोराङा ची़न्‍डी़ झ्‍यी घीझ्‍येरी ॱनाना देरे झ्‍यीना, खेक्‍या खेरी धेपाने ल्‍हीम्‍गीमालाक।

२ पेटो 1:11

धेनी होझ्‍येरी खेक्‍याला होरी चोवो धाङ क्‍याम्‍गो़न येशु मास्‍यीकागी, थामेपे ग्‍यासी नाङदु सी़याङ खाक्‍क्षे थोप्‍कीलाक।

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।