२ पेटो 1:4 - ॱलोवा

⁴ धेनी खोङबागी शीजे धाङ थुक शाङपोगी गोने, होराङला खोङगी धाम्‍चा खाक्‍क्षेक्‍या धाङ चाछेक्‍या ॱनाङ हो़तालाक। देक्‍या गोने दो़पा ङेन्‍पाक्‍याई झ्‍येरी, जीक्‍तेन नाङ हो़गीन ङेन्‍पाक्‍याने थारती, खेक्‍या को़न्‍क्षोकगी ॱलानामेपे राङश्‍यीला थेये राक हो़तालाक।

२ पेटो 1:4 Iomraidhean Croise

रोमापा 9:4

खुङक्‍या नी, ईस्‍राएल्‍पाक्‍या लाक धेनी को़न्‍क्षोकगी राङगी से धाङ सेमो झ्‍युङयेला दाम्‍दाक्‍या लाक। खोङबागी राङगी शीजे खुङक्‍याला ॱङो़न जेपालाक। धेनी खुङक्‍यामुला धाम्‍चा श्‍या जेदी, खुङक्‍याला क्षो़ठीम ॱनाङा जेपालाक। धेनी खोङबागी खुङक्‍याला क्षो़खाङ नाङ क्षाक्‍क्षो़पा पुये धाङ उ ॱना श्‍येस्‍याक्‍या ॱनावालाक।

२ कोरीन्‍थुपा 1:20

घीझ्‍येरी ॱनाना को़न्‍क्षोकगी धाम्‍चा घीरी, खोङबागी नाङ डुप्‍पालाक। होझ्‍येरी को़न्‍क्षोकगी शीजेगी क्षीदु, खोङगी थोक्‍ने होराङ “आमेन” ॱनालाक।

२ कोरीन्‍थुपा 3:18

धेनी होराङ दोङकेप स्‍युस्‍याक्‍याई चोवोगी शीजेला मेलोङ च्‍योक्‍रे तो़न्‍दालाक धेनी शीजे देले ल्‍हाक शीजे क्षेला, होराङक्‍या खोङबा च्‍योक्‍रे झ्‍युङयेला ग्‍युरती डोवालाक। शीजे दे नी, थुक्‍ङी हीन्‍गीन चोवोने हुङालाक।

२ कोरीन्‍थुपा 6:17

होझ्‍येरी चोवोगी सुवालाक, “खुङक्‍याई घुङने थो़न्‍दी स्‍योक, धेनी खुङक्‍याने खेक्‍या खा ढो, ॱमेचाङा घीया माजु, धेनी ङा खेक्‍याला खेलेन झ्‍यीयेहीन।”

गालातीयापा 3:16

धाम्‍चाक्‍या आब्‍राहाम धाङ खी़ भुग्‍युला ॱनावालाक। सुङराप नाङदु “भुग्‍युक्‍याला” ॱनेरी, से माङागी कोरला ॱमेनालाक हीना “ख्‍यी़ भु” ॱनेरी, से च्‍यीकगी कोरला ॱनालाक धेनी से दे मास्‍यीका लाक।

गालातीयापा 6:8

धीक्‍चेनगी राङश्‍यीला थी़न्‍गीन च्‍यो़पा ताप्‍कीनक्‍याई, राङश्‍यी देने छीवागी ढेबु धुगीलाक। हीना धाम्‍पे थुक्‍ङीला थी़न्‍गीन च्‍यो़पा ताप्‍कीनक्‍याला, थुक्‍ङीने थामेपे छेसोकगी ढेबु धुगीलाक।

एफीसुपा 4:13

धेनी होराङ घीरी धेपाला च्‍यीक माझ्‍युङगीन थुक्‍पे, धाङ को़न्‍क्षोकगी सेगी स्‍येयो़नला ॱनाटो ॱङेरी, मास्‍यीकागी फी़न्‍सुम छोक्‍पे छे च्‍योक्‍रे माझ्‍युङगीन थुक्‍पे, दे नी झ्‍युङगीलाक।

कोलोसेपा 3:10

धेनी स्‍यीका साबा दे खेलेन हो़तालाक। धेनी दे नी, खेक्‍याई को़पापोगी कोरला स्‍येराप छाङघोगो थोप्‍येगी क्षीदु, खेक्‍याला खोङबाराङगी स्‍यीकाला साबा जेदी हो़तालाक।

ईब्‍रीपा 12:10

घीझ्‍येरी ॱनाना होरी जीक्‍तेनगी आकीगी राङगी घा साम्‍गीन च्‍योक्‍रे, धी़ तीते च्‍यीक होराङला ॱलापच्‍या ग्‍यावालाक हीना को़न्‍क्षोकगी होराङ खोङबा च्‍योक्‍रे, धाम्‍पा झ्‍युङयेगी क्षीदु, होरी फेन्‍थोकगी क्षीदु होराङला ॱलापच्‍या ग्‍यावा जेदालाक।

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

२ पेटो 3:13

हीना खोङबागी धाम्‍चाला तेन्‍ती, ढाङतेन ॱनेसा नाम्‍खे श्‍यीङखाम साबा धाङ साश्‍यी साबाला, होराङक्‍या घुक्‍ती धेतालाक।

२ पेटो 3:9

मी रीङगाक्‍याई चोवोगी राङगी धाम्‍चा डुप्‍येला, धाला जेदुक ॱनेरी, साम्‍लो हो़नाः खोङबा धाला मेजेदालाक। हीना घीरीगी राङगी धीक्‍पा पारी सेम ग्‍युरती सुवाः मेताला माडोवास्‍योक ॱनेरी, खोङबा खेक्‍यामुला शो़गोम जेदालाक।

१ योहान्‍ना 2:25

धेनी खोङगी होराङला ॱनाङना धाम्‍चागो नी, थामेपे छेसोक लाक।

१ योहान्‍ना 3:2

चेवे रोवाक्‍याओ, धान्‍दा होराङ को़न्‍क्षोकगी से धाङ सेमो लाक धेनी होराङ घी हुङये हीन्‍गीनगो धान्‍दा थुक्‍पे, ॱमाङो़न हो़तालाक। हीना मास्‍यीका ॱङो़न्‍दी घाङला, होराङ खोङबा च्‍योक्‍रे झ्‍युङगीलाक ॱनेरी, होराङ स्‍येलालाक घीझ्‍येरी ॱनाना खोङबा घारे हो़गीनला राङ, होरी खोङला ज्‍यागीलाक।