२ पेटो 1:12 - ॱलोवा

¹² होझ्‍येरी खेक्‍याई दो़न देक्‍या ॱहाघोरका धाङ खेक्‍याला हो़गीन धेन्‍पाला तेन्‍पो हो़नाः, ङा खेक्‍याला च्‍योई देक्‍या ढेन्‍सो़ ॱलाङयेहीन।

२ पेटो 1:12 Iomraidhean Croise

जेपा 16:5

देरे झ्‍येरी क्षो़छोकगी मीक्‍याई धेपा स्‍युक्‍क्षेरु सोवालाक धेनी ङीमा तेनग्‍याङ धेपा-झ्‍यीगीन मीक्‍या माङदु सोवालाक।

फीलीप्‍पीपा 3:1

ङी पी़नक्‍याओ, चोवोगी नाङ घाटो झ्‍यी। खेक्‍याला च्‍योई लाब दे धाब्‍ले ढीक्‍येला, ङा ॱना ॱमीसी़न्‍दा। धेनी दे खेक्‍याई ॱरुङक्‍योपगी क्षीला लाक।

कोलोसेपा 1:5

धेपा धाङ चेवा दे, खीकी दो़न्‍दु नाम्‍खे श्‍यीङखामदु श्‍याकश्‍या रेवागी झ्‍येरी लाक। दी कोरला खेक्‍याई धेन्‍पे कागी ताम्‍शाङने एन्‍दुरु घोर हो़तालाक।

कोलोसेपा 2:7

धेनी खोङगी नाङ चावा तीङ रीङबो चुक धेनी खोङगी खाला, खेरी मीछेगी ॱमाङस्‍यी चीक धेनी खेक्‍याला ॱलाप्‍ला च्‍योक्‍रे, खेरी धेपा स्‍युक्‍क्षेरु तोङ। धेनी काटीन्‍क्षे श्‍यी़येला माङदु तोङ।

१ तीमोथेउ 4:6

ॱलापच्‍या देक्‍या ख्‍यी़ खेरी पी़नक्‍याई दोङदु तो़न्‍ना, ख्‍यो़ धेपागी का ज्‍यारी होवा धाङ तावा शाङपोला चीरी होवा, मास्‍यीका येशुगी श्‍याप्‍तोक्‍पा शाङपो च्‍यीक झ्‍युङगीलाक।

२ तीमोथेउ 1:6

होझ्‍येरी ङी ख्‍यी़ खाला लाक्‍पा श्‍याक्‍ती, को़न्‍क्षोकने ख्‍यो़ला थोप्‍था ॱनाङज्‍यीनगी मे दे सो़री श्‍याक्‍येला, ङा ख्‍यो़ला ढेन्‍सो़ ॱलाङाहीन।

ईब्‍रीपा 10:32

एम्‍मागी ङीमाक्‍याला खेक्‍या ढेन्‍सो़ झ्‍यी। को़न्‍क्षोकगी हो़ थोप्‍सारती स्‍याम्‍ने, खेक्‍याई दुक्‍पु माङा ङ्यावालाक हीना खेक्‍याई शो़पा झ्‍येवालाक।

ईब्‍रीपा 13:9

क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

१ पेटो 5:12

ङी ॱलो का थुप्‍कीन चीचा पी़न सीलवानुगी थोक्‍ने, यीक तुङा दे ढीयाहीन। को़न्‍क्षोकगी थुक्‍जे धेन्‍पागो देराङ हीन ॱनेरी, ङा खेक्‍याला सेमस्‍युक धाङ पाङपो तेराहीन। धेनी देलाराङ तेन्‍पो ॱनेती धो़क।

२ पेटो 1:13

ङा सो़न्‍पो हो़ती घाङला, खेक्‍याला दो़न देक्‍याई कोरला ढेन्‍सो़ ॱलारी शाप-शाप शोना ङा घागुलाक।

२ पेटो 1:15

धेनी ङा स्‍यी सारतीयाः खेक्‍याई दे दो़नक्‍या नाम्‍हीना ढेन्‍सो़ झ्‍यी थुक्‍वास्‍योक ॱनेरी, ङा घी थुप-थुप काल्‍ले ग्‍याप्‍येहीन।

२ पेटो 3:1

चेवेक्‍याओ, दे नी ङी खेक्‍याला ढीक्‍टा यीक ॱङीवागो लाक। धेनी दे यीक ॱङीगारा, ङी खेक्‍याला सेम ढाङपो केरु च्‍युक्‍येला, ढेन्‍सो़ ॱलाङयेगी क्षीदु ढीक्‍पालाक।

२ पेटो 3:17

होझ्‍येरी चेवेक्‍याओ, दो़न देक्‍या एन्‍लाराङ ॱहाघोरती शाप-शाप झ्‍यी। देरे झ्‍येरी ठीम मेगीन मीक्‍याई नोन्‍डुला गो ॱमाखोर धेनी राङगी ॱनेसा तेन्‍पोगो ॱलाक्‍तु ॱमाच्‍युक।

१ योहान्‍ना 2:21

खेक्‍याई धेन्‍पागो ॱहामेघोरालाक ॱनेरी, ङा दे ढीयामेन हीना खेक्‍याई ॱहाघोरालाक ॱनेरी ढीयाहीन धेनी धेन्‍पाने शोक घीया ॱमेथो़न्‍दालाक।

२ योहान्‍ना 1:2

घीझ्‍येरी ॱनाना धेन्‍पा नी, होरी नाङ हो़तालाक धेनी होरी नाङ ग्‍युने ग्‍युन्‍दु ॱनेगीलाक।

युदा 1:17

हीना चेवे पी़नक्‍याओ, खेक्‍यागो होरी चोवो येशु मास्‍यीकागी कुछापक्‍याई, एम्‍माने सुङगीन काक्‍याला ढेन्‍सो़ झ्‍यी।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।

युदा 1:5

खेक्‍याई दे लाब घीरी एम्‍माने स्‍येहो़नाः, ङा खेक्‍याला याङ देक्‍या ढो़न्‍सो ॱलाङी दो़दीक। चोवोगी थेङ च्‍यीकला, एजेप युने राङगी मीक्‍याला थारतु च्‍युक्‍वा जेपालाक हीना स्‍याम्‍ला धेपा मीझ्‍यीगीनक्‍याला मेताला जेपालाक।