२ योहान्‍ना 1:2 - ॱलोवा

² घीझ्‍येरी ॱनाना धेन्‍पा नी, होरी नाङ हो़तालाक धेनी होरी नाङ ग्‍युने ग्‍युन्‍दु ॱनेगीलाक।

२ योहान्‍ना 1:2 Iomraidhean Croise

योहान्‍ना 14:16

धेनी ङा यापला श्‍यी़येहीन, धेनी खीकीमुला ग्‍युने ग्‍युन्‍दु ॱनेयेला, खोङबागी खेक्‍याला रोवा जेगीन श्‍येम्‍मा च्‍यीक ॱनाङगीलाक।

योहान्‍ना 15:7

खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

१ कोरीन्‍थुपा 9:23

मी श्‍येम्‍माक्‍याईमुला ताम्‍शाङगी झ्‍यीलाप थोप्‍येगी क्षीदु, ङा दे घीरी ताम्‍शाङगी क्षीदु झ्‍यीदाहीन।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

कोलोसेपा 3:16

मास्‍यीकागी का खेक्‍या नाङ मेछो़ली ॱनेघो़। धेनी स्‍येराप घीरीने च्‍यीकगी च्‍यीकला ॱलोप धेनी ॱलापच्‍या ग्‍योप। धेनी को़न्‍क्षोकला राङगी ॱङीङ थाक्‍पाने, काटीन्‍क्षे श्‍यी़री सुङगुर धाङ तो़याङ धाङ घुरलुक्‍या लेन।

२ तीमोथेउ 1:5

ख्‍यी़ धेपा ढाङपोगी ढेन्‍सो़ ङाला झ्‍युजुङ। धेपा दे एम्‍मा ख्‍यी़ ईबी लोईस धेनी ख्‍यी़ आमा ईहुनीकेगी नाङदु हो़गीनगो, ख्‍यी़ नाङदुवा दुक ॱनेरी ङाला यीच्‍चे तेन्‍पो हो़क।

२ पेटो 1:12

होझ्‍येरी खेक्‍याई दो़न देक्‍या ॱहाघोरका धाङ खेक्‍याला हो़गीन धेन्‍पाला तेन्‍पो हो़नाः, ङा खेक्‍याला च्‍योई देक्‍या ढेन्‍सो़ ॱलाङयेहीन।

१ योहान्‍ना 1:8

होरी धीक्‍पा माझ्‍येहो़क ॱनेरी ॱनाना, होराङक्‍या राङला गोकोर ताङालाक धेनी होरी नाङ धेन्‍पा मेयोङालाक।

१ योहान्‍ना 2:14

चेवे टुवाक्‍याओ, ङा खेक्‍याला ढीयाहीन, घीझ्‍येरी ॱनाना खेक्‍याई यापला ङो स्‍येलालाक। आकीक्‍याओ, ङा खेक्‍याला ढीयाहीन, घीझ्‍येरी ॱनाना खेक्‍याई थोक्‍माने श्‍युक हो़गीनगोला ङो स्‍येलालाक। ख्‍योक्‍तोङक्‍याओ, ङा खेक्‍याला ढीयाहीन, घीझ्‍येरी ॱनाना खेक्‍या तोप स्‍युक्‍क्षे दुक। धेनी को़न्‍क्षोकगी का खीकी नाङ ॱनेलालाक, धेनी धी़गी खाला खीकी ग्‍या हो़तालाक।

१ योहान्‍ना 2:17

दे जीक्‍तेन धाङ दी दो़क्षाकक्‍या येरी डोवालाक हीना को़न्‍क्षोकगी थुकोङ डुप्‍कीनक्‍या ग्‍युने ग्‍युन्‍दु ॱनेलालाक।