२ कोरीन्‍थुपा 9:15 - ॱलोवा

¹⁵ ढेस्‍ये राङ ग्‍याप ॱमीथुक्‍कीन ॱनाङज्‍यीनगी क्षीदु, को़न्‍क्षोकला थुक्‍जेक्षे श्‍युउ।

२ कोरीन्‍थुपा 9:15 Iomraidhean Croise

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

लुका 2:38

धेनी होदे घाङला हान्‍ना, मीरीयाम धाङ योसेफगी भोलोक्‍तु होरी, को़न्‍क्षोकला थुक्‍जेक्षे पुवालाक। धेनी येरुसालेमगी थारपा ॱनाङगीनगोला घुक्‍ती धेदा घीरीला, मी़ टुगी़ कोरला स्‍येपालाक।

योहान्‍ना 1:16

खोङबागी फी़न्‍सुम छोक्‍पागी थोक्‍ने, होराङ घीरीगी थुक्‍जे च्‍यीकगी खाला थुक्‍जे थोप्‍पालाक।

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

रोमापा 5:15

हीना आदामगी धीक्‍पा धाङ को़न्‍क्षोकगी ॱनाङज्‍यीन ॱङीउ मेडालालाक। घीझ्‍येरी ॱनाना मी च्‍यीकगी धीक्‍पागी झ्‍येरी मी माङा स्‍यी हो़ना, येशु मास्‍यीका च्‍यीकगी थुक्‍जेगी थोक्‍ने, को़न्‍क्षोकगी थुक्‍जे धाङ ॱनाङज्‍यीनगो देले ल्‍हाक मीक्‍याला थोप्‍पालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

रोमापा 8:32

को़न्‍क्षोकगी राङगी सेला फाङा माजेदा, होराङ घीरीगी क्षीदु ॱलो़ ताङ जेपालाक। धा देरे हीन्‍ना खोङबागी होराङला राङगी सेमुला, श्‍येम्‍मा दो़न घीरीयाः ॱनाङगीमालाक से?

१ कोरीन्‍थुपा 15:57

हीना होरी चोवो येशु मास्‍यीकागी थोक्‍ने, होराङला ग्‍याखा ॱनाङगीन खोङ को़न्‍क्षोकला काटीन्‍क्षे पुलाहीन।

२ कोरीन्‍थुपा 2:14

हीना मास्‍यीकागी नाङ होराङला च्‍योई ग्‍याखा थोप्‍येगी क्षीदु, ठीया जेगीन धाङ खोङबाला ङोस्‍येगीनगी ढीशाङगो, होरी थोक्‍ने छोक घीरीदु ख्‍याबा जेगीन, खोङ को़न्‍क्षोकला काटीन्‍क्षे श्‍यी़।

२ कोरीन्‍थुपा 9:11

धेनी खेक्‍या च्‍योई ॱलो ॱमेफाङा पु थुक्‍कीन झ्‍युङयेगी क्षीदु, दो़न घीरीला खेक्‍या क्षुक्‍पु जेगीलाक धेनी हेक्‍याई थोक्‍ने मीक्‍याई को़न्‍क्षोकला काटीन्‍क्षे श्‍यी़गीलाक।

२ कोरीन्‍थुपा 9:14

धेनी को़न्‍क्षोकगी छे मेगीन थुक्‍जे, खेक्‍या खाला ॱनाङना झ्‍येरी खुङक्‍या खेक्‍याला ॱमीच्‍यीकी ढेन्‍दी, खीकी क्षीदु ॱमो़लाम श्‍यी़गीलाक।

एफीसुपा 5:20

धेनी नाम्‍हीना, होरी चोवो येशु मास्‍यीकागी छेन थोक्‍ने घीरीगी क्षीला याप को़न्‍क्षोकला काटीन्‍क्षे श्‍यी़।

याकोब 1:17

ॱनाङज्‍यीन शाङपो धाङ याङदाक्‍पा घीरी तो़ने, नाम्‍खे हो़क्‍या को़ जेगीन यापने भावालाक। पो़री डुगीन ढीम्‍जाक च्‍योक्‍रे, खोङबाला ग्‍युरवा घीया मेतालाक।

ॱङो़न्‍पा 4:9

धेनी होदे सेम्‍चेनक्‍याई श्‍युक्‍ठीरु श्‍युक्‍वा जेगीन धाङ धी़ तेन्‍दु ॱनेया जेगीन, खोङबाला शीजे धाङ कुरती धाङ थुक्‍जे पुली घाङला,