२ कोरीन्‍थुपा 9:13 - ॱलोवा

¹³ खेक्‍याई श्‍यान्‍देप पुगीन श्‍याप्‍तोकगी थोक्‍ने, खुङक्‍याई को़न्‍क्षोकला तो़पा पुगीलाक घीझ्‍येरी ॱनाना खेक्‍याई खुङक्‍या धाङ श्‍येम्‍मा घीरीला श्‍यान्‍देप पुगीनगी गोने, खेक्‍याई मास्‍यीकागी ताम्‍शाङला खेलेन झ्‍यीगीनगो पाङपो झ्‍यीदालाक।

२ कोरीन्‍थुपा 9:13 Iomraidhean Croise

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

मेथा 9:8

धा मीछोकक्‍या दे थोरी जीक्‍पालाक धेनी मीला देरे आङजा ॱनाङगीन को़न्‍क्षोकला तो़पा पुवालाक।

लुका 6:46

“ङी ॱनागीनगो मीझ्‍यीना, खेक्‍या घीझ्‍येरी ङाला ‘चोवो, चोवो’ ॱनेरी भो़लाले?

योहान्‍ना 15:8

खेक्‍याला ढेबु माङा क्षाक्‍ती, ङी ङेने हीन्‍गीनगो पाङपो झ्‍यीना, दी गोनेराङ ङी यापगी शीजे झ्‍युङगीलाक।

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 4:21

होदुरु झ्‍युजा लाबगी कोरला, मी घीरीगी को़न्‍क्षोकला तो़टा पुरी धे हो़तालाक। होझ्‍येरी छोक्‍पागी मीक्‍याई खुङ ॱङीउला घाङगी झ्‍येरी क्षेपा काये ॱनेरी, ढो़ झ्‍यी ॱमाथुक्‍पालाक। धेनी खुङ ॱङीउला ॱयोल्‍ले माङा जीक्‍टा ॱलारी भोरपालाक।

रोमापा 10:16

हीना खुङ घीरीगी ताम्‍शाङगो खेमालेन्‍बालाक। घीझ्‍येरी ॱनाना ॱङो़नस्‍येखेन यस्‍यायागी सुङालाक, “चोवो ला, हेक्‍याने घोरका ताम्‍शाङगोला, सी़ धेपा झ्‍येदुक से?”

रोमापा 12:8

धेनी सेमस्‍युक तेरये हीन्‍ना सेमस्‍युक तेर धेनी ज्‍यीम्‍बा ताङये हीन्‍ना, ॱमेफाङा ज्‍यीम्‍बा तोङ धेनी गोदो़न झ्‍यीये हीन्‍ना, ॱङीङ थाक्‍पाने गोदो़न झ्‍यी धेनी ॱङीङजे तो़न्‍ये हीन्‍ना ङ्यामो घेरी तो़न।

रोमापा 15:31

युदेयारु हो़गीन धेपा मीझ्‍यीगीनक्‍याने, ङाला क्‍योप्‍ये धाङ येरुसालेमदु ङी खेरती डुगीन रोक्‍रामगो, को़न्‍क्षोकगी मीक्‍याई खे लेन्‍दास्‍योक ॱनेरी ॱमो़लाम ग्‍योप।

रोमापा 16:26

हीना ॱङो़नस्‍येखेनक्‍याई एम्‍मा ॱङोई सुरी, ढीक्‍टा धाङ थामेपे को़न्‍क्षोकगी कागी थोक्‍ने, साङवा दे याहुदापा मेन्‍गीन घीरीला ॱङो़न हो़तालाक। दे नी घीरीगी धेपा झ्‍येरी, खोङबागी काला चीलास्‍योक ॱनेरी लाक।

२ कोरीन्‍थुपा 10:5

को़न्‍क्षोकगी स्‍येयो़नला काक्‍कीन चो़लीङक्‍या धाङ झ्‍यी़ङेनक्‍याला, हेक्‍या चामेदु ताङाहीन। धेनी साम्‍लो घीरीला मास्‍यीकागी काला ङेन्‍येला वाङ होकदु दुवालाक।

२ कोरीन्‍थुपा 2:12

धा मास्‍यीकागी ताम्‍शाङ स्‍येयेला, ङा टोरोआसरु ॱलेवाराङ, चोवोगी ङी क्षीदु घुकाप च्‍यीक ॱनाङा जेसोङ,

२ कोरीन्‍थुपा 8:4

धाम्‍पे मीक्‍याला श्‍याप्‍ची श्‍युयेला थोप्‍ताङ ॱनाङरोझ्‍यी ॱनेरी, खुङक्‍याई हेला ॱङीङ थाक्‍पाने श्‍योवा ग्‍याप्‍पालाक।

२ कोरीन्‍थुपा 9:14

धेनी को़न्‍क्षोकगी छे मेगीन थुक्‍जे, खेक्‍या खाला ॱनाङना झ्‍येरी खुङक्‍या खेक्‍याला ॱमीच्‍यीकी ढेन्‍दी, खीकी क्षीदु ॱमो़लाम श्‍यी़गीलाक।

गालातीयापा 1:24

धेनी ङी झ्‍येरी, खुङक्‍याई को़न्‍क्षोकला तो़पा पुवालाक।

१ तीमोथेउ 6:12

होरी धेपागी ॱमाक शाङपोगो टोप। धेनी पाङपो माङागी दोङदु, ख्‍यी़ खेलेन शाङपो लेन्‍ला झ्‍येरी, थामेपे छेसोकगी क्षीला ख्‍यो़ भो़वालाक। धेनी देला शीम्‍दी धो़क।

१ तीमोथेउ 6:13

ॱङोपो घीरीला छे ॱनाङगीन, को़न्‍क्षोक धाङ पोन्‍तीहु पीलातुगी दोङदु पाङपो शाङपो जेजा मास्‍यीका येशुगी डुङदु,

ईब्‍रीपा 10:23

होरी खेलेन झ्‍येजा रेवाला तेन्‍पोमा ॱरुङघो़ घीझ्‍येरी ॱनाना धाम्‍चा जेगीन को़न्‍क्षोक नी, ॱलोते छोक्‍पा हो़तालाक।

ईब्‍रीपा 13:16

ले शाङा झ्‍यीये धाङ राङला हो़गीनगो, श्‍येम्‍माक्‍यामुला घो़येला ढेन्‍बा माजे घीझ्‍येरी ॱनाना देरे क्षो़पाक्‍याला राङ को़न्‍क्षोक थुक्‍ङेउ जेदालाक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।