२ कोरीन्‍थुपा 9:11 - ॱलोवा

¹¹ धेनी खेक्‍या च्‍योई ॱलो ॱमेफाङा पु थुक्‍कीन झ्‍युङयेगी क्षीदु, दो़न घीरीला खेक्‍या क्षुक्‍पु जेगीलाक धेनी हेक्‍याई थोक्‍ने मीक्‍याई को़न्‍क्षोकला काटीन्‍क्षे श्‍यी़गीलाक।

२ कोरीन्‍थुपा 9:11 Iomraidhean Croise

मेथा 20:15

ङी हीन्‍गीनगोला ङा घी झ्‍यीङी दो़गीनगो, ङा झ्‍यी ॱमेक्षोक्‍वाले? ङी ॱङीङजे झ्‍यीदाङगोला ख्‍यो़ ठादोक लाङाले?’

मेथा 25:17

होझ्‍येरीराङ सेरगी टाङगा ङीतोङ हो़गीनगी़, यालीङ टाङगा ङीतोङ साक्‍पालाक।

रोमापा 12:8

धेनी सेमस्‍युक तेरये हीन्‍ना सेमस्‍युक तेर धेनी ज्‍यीम्‍बा ताङये हीन्‍ना, ॱमेफाङा ज्‍यीम्‍बा तोङ धेनी गोदो़न झ्‍यीये हीन्‍ना, ॱङीङ थाक्‍पाने गोदो़न झ्‍यी धेनी ॱङीङजे तो़न्‍ये हीन्‍ना ङ्यामो घेरी तो़न।

१ कोरीन्‍थुपा 1:5

घीझ्‍येरी ॱनाना ताम ॱना घीरी धाङ स्‍येयो़न ॱना घीरीगी थोक्‍ने, खेक्‍या खोङगी नाङ क्षोक घीरीने क्षुक्‍पु जेदुक।

२ कोरीन्‍थुपा 1:11

खेक्‍याई ॱमो़लामगी थोक्‍ने, हेक्‍याला रोवा झ्‍येवालाक होझ्‍येरी ॱमो़लाम माङागी थोक्‍ने, हेक्‍याला थोप्‍था झ्‍यीलापक्‍याई क्षीदु, हीकी छापला मी माङागी को़न्‍क्षोकला काटीन्‍क्षे श्‍यी़गीलाक।

२ कोरीन्‍थुपा 4:15

घीझ्‍येरी ॱनाना देक्‍या घीरी खेक्‍याला फेन्‍येगी क्षीदु लाक। धेनी दे नी थुक्‍जेगो मी माङाचारु फेरी डोवाराङ, को़न्‍क्षोकगी शीजे हुङयेला काटीन्‍क्षे श्‍युयेगोवा फेयेगी क्षीदु लाक।

२ कोरीन्‍थुपा 8:16

हीना ङी खेक्‍याला दो़नाङ तेरकीन च्‍योक्‍रे, तीतोसगी सेम नाङदु खीकी क्षीला होदे दो़नाङ ॱनाङा जेगीन, को़न्‍क्षोकला काटीन्‍क्षे श्‍युवाहीन।

२ कोरीन्‍थुपा 8:19

होदे च्‍यीगा मेन्‍दा, चोवोगी शीजे ॱङो़न्‍ये धाङ हीकी रोक्‍राम झ्‍यीयेगी दो़पागो तो़न्‍येगी क्षीदु, हेक्‍याई झ्‍येरी धेता थुक्‍जेगी लेगा देला, हीकीमुलाराङ डु ग्‍याप्‍येला क्षो़छोकने खोला दाम्‍बालाक।

२ कोरीन्‍थुपा 9:12

घीझ्‍येरी ॱनाना देरे श्‍याप्‍तोक पुगीनगी, धाम्‍पे मीक्‍याई घो़गीनगो डुप्‍ये च्‍यीगा मेन्‍दा हीना, को़न्‍क्षोकला काटीन्‍क्षे माङा श्‍यी़गीन झ्‍युङास्‍योक ॱनेरीयाः लाक।