२ कोरीन्‍थुपा 8:9 - ॱलोवा

⁹ घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

२ कोरीन्‍थुपा 8:9 Iomraidhean Croise

मेथा 17:27

घीहीन्‍ना, खुङक्‍याला फोक्‍तु ॱमीच्‍युक्‍येला, ख्‍यो़ छोला सोरी च्‍याकग्‍यु च्‍यीक क्षु नाङला ॱयुक। धेनी एन्‍ला थो़न्‍गीन ङ्यागो लेन। होदेगी खा पेरी, ॱङुगी टाङगा च्‍यीक ॱङेगीलाक। होदे खेरती, होराङ ॱङीउगी ठागी क्षीला खुङक्‍याला ज्‍योङ।”

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

मेथा 8:20

धेनी येशुगी सुवालाक, “स्‍याल्‍लाक्‍याला धेजा फु हो़तालाक धेनी ॱनामगी झ्‍याक्‍याला झ्‍याछाङ हुङालाक हीना मी-भुला गोवा श्‍याक्‍सा सा मेतालाक।”

मारकु 6:3

दे मीरीयामगी भीजा, याकोब धाङ योसेफ धाङ युदा धाङ सीमोनगी आज्‍यो, होदे स्‍यीङचोवागो माले? धेनी खी़ नुमोक्‍या होराङमुला दुरु हो़तामाले?” धेनी खुङक्‍याई खोङबाला ङो ॱलोक्‍पालाक।

लुका 16:11

होझ्‍येरी खेक्‍या जीक्‍तेनगी ग्‍युला मेढाङा हो़ना, खेक्‍याला ग्‍युनोर ॱङोन्‍नेगी आङजा सी़ तेरकीलाक से?

लुका 2:7

धेनी मी़ भीजा धाङपोगो केवालाक। भीजागोला रे च्‍यीक टीरी सो़घोक नाङदु श्‍याक्‍पालाक घीझ्‍येरी ॱनाना खुङक्‍याला ॱनेचाङ ॱयारकीन माजोरपालाक।

लुका 8:3

धेनी हेरोदेगी खीम्‍जाङगी ॱङेरपा कुजागी केमी योआन्‍ना धाङ सुसान्‍ना धाङ श्‍येम्‍मा भोमो माङा हो़तालाक। दे केमीक्‍याई राङगी ग्‍युनोरने, खोङबाक्‍याला रोवा झ्‍यीदालाक।

लुका 9:58

धेनी येशुगी खोला सुवालाक, “स्‍याल्‍लाला धेजा फु हो़तालाक धेनी ॱनामगी झ्‍याक्‍याला छाङ हो़तालाक हीना मी-भुला गोवा श्‍याक्‍सा घारुवा मेतालाक।”

योहान्‍ना 1:10

कागो जीक्‍तेनदु श्‍युक हो़तालाक धेनी जीक्‍तेन खोङबागी थोक्‍ने को़वालाक हीना जीक्‍तेनगी खोङबाला ङो ॱमास्‍येवालाक।

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 12:30

येशुगी लेन ॱनावालाक, “सुङकेक दी ङी क्षीला मेन्‍दा, खेक्‍याई क्षीला झ्‍युवालाक।

योहान्‍ना 16:15

यापला हो़गीन घीरी ङाराङगी हीन होझ्‍येरी थुक्‍ङीगी, ङी हीन्‍गीनगो लेन्‍दी खेक्‍याला तो़न्‍दा जेगीलाक, ॱनेरी ङा स्‍येदाहीन।

योहान्‍ना 17:19

खुङक्‍याः धेन्‍पागी गोने धाम्‍पा झ्‍युङयेगी क्षीला, खुङक्‍याई क्षीदु ङी ङाराङला धाम्‍पा शो़हो़क।”

रोमापा 11:12

धा ईस्‍राएल्‍पाक्‍याई धीक्‍पागो, जीक्‍तेनगी क्षीदु झ्‍यीलाप क्षे धाङ खुङक्‍या फाम्‍गीनगो याहुदापा मेन्‍गीनक्‍याई क्षीदु झ्‍यीलाप क्षे झ्‍युङहो़ना, खुङक्‍याई ढाङगा छाङगोराङ को़न्‍क्षोकगी थारपाला छी़नाः, ॱयोल्‍ले घाजो़ क्षे झ्‍यीलाप झ्‍युङी हो़टु।

रोमापा 15:3

घीझ्‍येरी ॱनाना मास्‍यीकागीयाः राङगी थुक घेरु च्‍युक्‍वा माजेपालाक। दी कोरला सुङरापला देरे ढीक हो़तालाक, “खेराङला ॱमेटा ताङगीनगी ॱमेटा, ङी खाला फोक्‍दुक।”

रोमापा 5:8

हीना होराङक्‍या धीक्‍चेन हो़ती घाङलाराङ, मास्‍यीका होरी क्षीदु ढोङा जेपालाक। दी गोने को़न्‍क्षोकगी होरी क्षीदु राङगी झाम्‍पा तो़न जेपालाक।

रोमापा 8:32

को़न्‍क्षोकगी राङगी सेला फाङा माजेदा, होराङ घीरीगी क्षीदु ॱलो़ ताङ जेपालाक। धा देरे हीन्‍ना खोङबागी होराङला राङगी सेमुला, श्‍येम्‍मा दो़न घीरीयाः ॱनाङगीमालाक से?

१ कोरीन्‍थुपा 1:4

मास्‍यीका येशुगी गोने, खेक्‍याला को़न्‍क्षोकगी ॱनाङना थुक्‍जेगी झ्‍येरी, ङा को़न्‍क्षोकला च्‍योई खीकी क्षीला काटीन्‍क्षे श्‍यी़हो़क।

१ कोरीन्‍थुपा 15:47

धाङपो मीगो थालागी को़का साश्‍यीने लाक। धेनी ॱङीवागो नाम्‍खे श्‍यीङखामने लाक।

२ कोरीन्‍थुपा 13:14

चोवो येशु मास्‍यीकागी थुक्‍जे धाङ को़न्‍क्षोकगी झाम्‍पा धाङ धाम्‍पे थुक्‍ङीगी ङ्याम्‍ढेल, खेक्‍या घीरीमुला हुङास्‍योक।

२ कोरीन्‍थुपा 6:10

धेनी हेक्‍या सेम क्‍यो़ हो़नाः, च्‍योई घाटोगी खाङहो़क धेनी उटे हो़नाः, माङक्षेला क्षुक्‍पु शो़ थुक हो़क। धेनी घीया मेगीन च्‍योक्‍रे हो़नाः, हेक्‍याला घीरी हो़क।

एफीसुपा 2:7

दे नी माउपारगी धी़ला खोङबागी मास्‍यीका येशुगी थोक्‍ने, होराङला ॱनाङना ॱङीङजेगी गोने, राङगी ढाङमेगी थुक्‍जे दे, मीक्‍याला तो़न्‍येगी क्षीला लाक।

एफीसुपा 3:19

धेनी को़न्‍क्षोकगी छेसोक धाङ नी़थुगी, खेक्‍या घाङजाङ खाङयेगी क्षीला, खेक्‍याई ॱलोला जु ॱमीथुप्‍कीन मास्‍यीकागी झाम्‍पा ॱहाघोरयेगी ॱमो़लाम, ङा श्‍यी़लाहीन।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

१ तीमोथेउ 6:18

खुङक्‍याई लेगा शाङा झ्‍यीये धाङ ले शाङाला क्षुक्‍पु धेनी झ्‍यीम्‍बा ताङयेला घागीन धाङ राङला हो़गीन श्‍येम्‍माला घोवास्‍योक।

ईब्‍रीपा 1:2

हीना दे थामे धी़क्‍याला, खोङबागी राङगी सेगी थोक्‍ने, होराङक्‍याला का ॱनाङ हो़तालाक। धेनी राङगी सेला ॱङोपो घीरीगी खाला ग्‍युज्‍यीन को़वालाक धेनी खोङगी थोक्‍नेराङ जीक्‍तेन खाम घीरी को़ जेपालाक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।

ॱङो़न्‍पा 2:9

ख्‍यी़ दुक्‍पुक्‍या धाङ ख्‍यो़ उटे हो़गीनगो, ङाला स्‍येयेहो़क। हीना ख्‍यो़ नी, क्षुक्‍पुराङ दुक। धेनी याहुदापा मेन्‍दाला राङला याहुदापा हीन ॱनेरी, ॱनागीनक्‍याला ङी ङोस्‍येलीहो़क। धेनी खुङक्‍याई ॱमेटा ताङगीनगो, ङाला स्‍येयेहो़क। खुङक्‍या नी धी़कगी छोक्‍खाङ लाक।

ॱङो़न्‍पा 21:7

ग्‍यागीनगोला, दे दो़न घीरीगी ग्‍युज्‍यीन थोप्‍कीलाक धेनी ङा खी़ को़न्‍क्षोक झ्‍युङयेहीन धेनी खो ङी भीजा झ्‍युङगीलाक।

ॱङो़न्‍पा 3:18

होझ्‍येरी ख्‍यो़ क्षुक्‍पु झ्‍युङयेगी क्षीदु, ङाने मेगी चाङमा शो़सा सेर धाङ राङगी ॱमाराङा झ्‍युजागी ङोजा काप्‍येगी क्षीदु, घो़ काउ धाङ ख्‍यो़ थोङ थुक्‍येगी क्षीदु ख्‍यी़ ॱमीकला ॱमेन, ङाने ङ्यो़ ॱनेरी, ङा ख्‍यो़ला ॱलापच्‍या तेराहीन।