२ कोरीन्‍थुपा 8:8 - ॱलोवा

⁸ ङा खेक्‍याला का तेरामेन हीना मी श्‍येम्‍माक्‍याई हुरा झ्‍येरी रोक्‍राम झ्‍यीगीनमुला दुरती, खेक्‍याई चेवागोवाः धेन्‍पा लाक ॱनेरी पाङपो झ्‍यीयेला, ङा देक्‍या ॱनाहीन।

२ कोरीन्‍थुपा 8:8 Iomraidhean Croise

रोमापा 12:9

झाम्‍पागो ढाङपो हुङघो़। ङेन्‍पागोला दाङा झ्‍यी धेनी शाङागोला ॱनेती धो़क।

१ कोरीन्‍थुपा 7:12

धेनी खे श्‍येम्‍माक्‍याला ङा ॱनाहीन (दे चोवोगी मेन्‍दा, ङाराङगी ॱनाताङ हीन), पी़न च्‍यीकला धेपा मीझ्‍यीगीन केमी झ्‍येरी धेनी मो खी़मुला धेङी दो़ना, खो मी़मोला खा ढाये मेतालाक।

१ कोरीन्‍थुपा 7:25

धा भोमो नाच्‍युङमाक्‍याई कोरला चोवोगी का ङाला मेक, हीना ङा चोवोगी थुक्‍जेगी गोने ॱलो काथुक्‍कीन मी च्‍यीक झ्‍येरी, ङारी साम्‍जु स्‍येदाहीन।

१ कोरीन्‍थुपा 7:6

ङा खेक्‍याला दे लाबक्‍या का च्‍योक्‍रे मेन्‍दा हीना थोप्‍ताङगी थोक्‍ने ॱनाहीन।

२ कोरीन्‍थुपा 6:6

धेनी सेम चाङमा धाङ स्‍येयो़न धाङ शो़पा धाङ ॱङीङजे धाङ धाम्‍पे थुक्‍ङी धाङ चेवा ॱङोन्‍नेगो

२ कोरीन्‍थुपा 8:10

धा खीकी फेन्‍थोकगी क्षीला दो़न दी कोरला, ङा देरे ॱलापच्‍या तेराहीन, नाङी श्‍यान्‍देप पुगीन लेगा दे गो चुक्‍येला च्‍यीगा मेन्‍दा, हीना देरे झ्‍यीयेला दो़पा झ्‍यीगीनगोवाः, खेक्‍या धाङस्‍योक लाक।

२ कोरीन्‍थुपा 8:24

होझ्‍येरी खेक्‍याई चेवा धाङ खेक्‍याई कोरला, हीकी झ्‍येजा ङोम्‍सोगी दो़नगो क्षो़छोकक्‍याई दोङदु तो़न।

२ कोरीन्‍थुपा 9:2

घीझ्‍येरी ॱनाना खेक्‍या डाढीक हो़गीनगो, ङाला स्‍येयेहो़क। धेनी नाङी लोने राङ आकाईयागी मास्‍यीकावाक्‍या डाढीक दुक ॱनेरी, ङी माकेडोनीयागी मीक्‍याई दोङदु खेक्‍याई कोरला ङोम्‍सो झ्‍येरी ॱनेवी। धेनी खेक्‍याई श्‍यान्‍देप तेरयेला देरे दो़पा झ्‍यीगीनगी मी माङक्षेला, सेमस्‍युक पारदुक।

२ कोरीन्‍थुपा 9:7

मी रे-रेगी राङगी मेदो़दा धेनी हुदुक्‍ती मेन्‍दा, हीना राङगी सेमगी थाक्‍चो़चाने राङ श्‍यान्‍देप पुघो़। घीझ्‍येरी ॱनाना ङ्यामो घेरी पुगीनगोला को़न्‍क्षोक थुक्‍ङेउ जेदालाक।

एफीसुपा 4:15

हीना झाम्‍पागी गोने लाब धेन्‍पा स्‍येदी, होरी उ हीन्‍गीन मास्‍यीकागी नाङला छोक घीरीने, होराङ छारती डोघो़।

एफीसुपा 6:24

होरी चोवो येशु मास्‍यीकाला धी़ ताक्‍दु चेवा झ्‍यीगीनक्‍याला, को़न्‍क्षोकगी थुक्‍जे थोप्‍पास्‍योक।

ईब्‍रीपा 10:24

झाम्‍पा धाङ लेशाङगी क्षीदु, होराङ च्‍यीकगी च्‍यीकला सेमस्‍युक पारयेला साम्‍लो ताङघो़।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।