२ कोरीन्‍थुपा 8:7 - ॱलोवा

⁷ धा धेपा धाङ ताम धाङ स्‍येयो़न धाङ लेशाङ झ्‍यीयेगी दो़पा धाङ खेक्‍याई क्षीदु हीकी चेवा धाङ दो़न घीरीला खेक्‍या ज्‍यो़न्‍गीन च्‍योक्‍रे, थुक्‍जेगी लेगा देला खेक्‍या ज्‍यो़न्‍पो झ्‍यी।

२ कोरीन्‍थुपा 8:7 Iomraidhean Croise

मेथा 25:22

धा टाङगा ङीतोङ जोरकीनगोवा, दोङला होरी श्‍यी़वालाक, ‘दाक्‍पो, खेराङगी ङाला टाङगा ङीतोङ ॱनावालाक। धा ङी दुरु यालीङ टाङगा ङीतोङ शो़हो़क।’

रोमापा 15:14

ङी पी़नक्‍याओ, खेक्‍या शाङा धाङ स्‍येयो़नगी खाङखा धाङ च्‍यीकगी च्‍यीकला ॱलोप्‍तो़न झ्‍यी थुप्‍कीन दुक ॱनेरी, ङाला यीच्‍चे तेन्‍पो हो़क।

१ कोरीन्‍थुपा 1:5

घीझ्‍येरी ॱनाना ताम ॱना घीरी धाङ स्‍येयो़न ॱना घीरीगी थोक्‍ने, खेक्‍या खोङगी नाङ क्षोक घीरीने क्षुक्‍पु जेदुक।

१ कोरीन्‍थुपा 12:13

घीझ्‍येरी ॱनाना होराङ याहुदापा हीन्‍ना गीरीक हीन्‍ना याङना ढेन्‍योक हीन्‍ना राङवाङगी मी हीन्‍ना, होराङ घीरी ली़ च्‍यीकला ग्‍युरयेला, धाम्‍पे थुक्‍ङी च्‍यीगारागी थोक्‍ने ठी़सो़ थोप्‍पालाक धेनी होराङ घीरीगी नाङ धाम्‍पे थुक्‍ङी च्‍यीक्‍पाराङ ॱनाङ हो़तालाक।

१ कोरीन्‍थुपा 12:8

होझ्‍येरी धाम्‍पे थुक्‍ङीगी गोने रीङगाला स्‍येरापगी ताम स्‍येये धेनी रीङगाला दे थुक्‍ङीगी गोनेराङ स्‍येयो़नगी ताम स्‍येये,

१ कोरीन्‍थुपा 13:2

धेनी ङाला ॱङो़न स्‍येयेगी ॱनाङज्‍यीन हो़ना धेनी ङी साङवा घीरी धाङ स्‍येयो़न घीरी ॱहाघोरना धेनी रीक्‍या पो़ थुक्‍येगी धेपा घीरी हो़नाः, हीना ङी नाङ झाम्‍पा मेना ङा घीया मालाक।

१ कोरीन्‍थुपा 13:8

झाम्‍पाला जोक्‍येगी था मेयोङालाक। हीना ॱङो़नस्‍येक्‍या मेताला डुगीलाक धेनी केरीकगी ॱनाङज्‍यीनक्‍या गाक्‍कीलाक धेनी स्‍येयो़नक्‍या मेताला डुगीलाक।

१ कोरीन्‍थुपा 14:12

देरेराङ झ्‍येरी खेक्‍या धाम्‍पे थुक्‍ङीगी ॱनाङज्‍यीनक्‍या थोप्‍येगी क्षीदु दो़पा क्षे झ्‍युङगीन झ्‍येरी, खेक्‍याः क्षो़छोक यारके ताङयेगी ॱनाङज्‍यीनक्‍या चायेला ची़न्‍डी़ झ्‍यी।

१ कोरीन्‍थुपा 4:7

खेक्‍याला मी श्‍येम्‍माने गेक्षे सी़ शो़जो से? खेक्‍याला को़न्‍क्षोकने ॱमाथोप्‍था घी हो़से? धेनी खीकी थोप्‍हो़ना, खेक्‍या घीझ्‍येरी होदे ॱनाङज्‍यीन मेन्‍गीन च्‍योक्‍रे ङोम्‍सो झ्‍यीदाले?

२ कोरीन्‍थुपा 7:7

खो ॱलेप्‍कीनगी च्‍यीका मालाक हीना खेक्‍याने खोला थोप्‍था सेम्‍सोगी थोक्‍ने, हेक्‍याला सेम्‍सो थोप्‍जुङ। ङाला थुक्‍येला खेक्‍याई ॱमीच्‍यीकी दो़पा झ्‍यीगीन धाङ ङी क्षीला, खेक्‍याई सेम क्‍योगीन धाङ दुङा झ्‍यीगीनगी कोरला, खी़ हेक्‍याला स्‍येजुङ। होझ्‍येरी ङी घाटो ॱयोल्‍ले फारजुङ।

२ कोरीन्‍थुपा 8:6

होझ्‍येरी तीतोसगी एम्‍मा लेगा दे गो चुक्‍चा झ्‍येरी, धा खेक्‍याई खोक्‍दु थुक्‍जेगी लेगा दे डुप घो़गुलाक ॱनेरी, हेक्‍याई खोला च्‍याक ग्‍याप्‍पी।

२ कोरीन्‍थुपा 9:14

धेनी को़न्‍क्षोकगी छे मेगीन थुक्‍जे, खेक्‍या खाला ॱनाङना झ्‍येरी खुङक्‍या खेक्‍याला ॱमीच्‍यीकी ढेन्‍दी, खीकी क्षीदु ॱमो़लाम श्‍यी़गीलाक।

२ कोरीन्‍थुपा 9:8

धेनी खेक्‍याला घो़गीन घीरी च्‍योई मेछो़ली हुङये धाङ ले शाङा घीरीगी क्षीदु, खेक्‍याई मेछो़ली पु थुक्‍वास्‍योक ॱनेरी, को़न्‍क्षोकगी खेक्‍याला झ्‍यीलाप हो़लेगो मेछो़ली ॱनाङ जे थुक्‍वालाक।

एफीसुपा 4:29

खेक्‍याई खाने छीक ङेन्‍पाक्‍या ॱमास्‍ये हीना ङेन्‍गीनक्‍याला फेन्‍येगी क्षीला, धी़ला थी़न्‍गीन धाङ यारके ताङगीन छीक ॱङेन्‍दाक्‍या च्‍यीका स्‍यो़क।

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

फीलीप्‍पीपा 1:9

ङी ॱमो़लाम ग्‍याप्‍कीनगी दो़न नी, खेक्‍याई झाम्‍पा नी स्‍येराप धाङ स्‍येयो़न घीरीगी थोक्‍ने माङदु-माङदु फेरी,

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

२ तीमोथेउ 2:1

ङी भु ख्‍यो़, मास्‍यीका येशुगी थुक्‍जे नाङदु ॱङीङक्षे झ्‍युङ श्‍यीक।

ईब्‍रीपा 12:28

होझ्‍येरी घु-घु ताङ ॱमीथुक्‍कीन ग्‍यासी थोप्‍था, होराङक्‍या को़न्‍क्षोकला काटीन्‍क्षे श्‍युउ। धेनी कुरती धाङ जीक्‍नाङगी थोक्‍ने, को़न्‍क्षोकला थुक्‍ङेउ झ्‍युङगीन क्षाक्‍क्षो़पा पुलो।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

ॱङो़न्‍पा 3:17

‘ङा क्षुक्‍पु हो़क धेनी ङाला ग्‍युनोर हो़क धेनी ङाला घीया घोये मीदुक।’ ॱनेरी ख्‍यो़ ॱनालाक हीना ख्‍यो़ थापक्‍योवा धाङ दुक फोक्‍पा धाङ उटे धाङ श्‍यारा धाङ ॱमाराङा हो़गीनगो, ख्‍यो़ला स्‍येये मेतालाक।