२ कोरीन्‍थुपा 8:6 - ॱलोवा

⁶ होझ्‍येरी तीतोसगी एम्‍मा लेगा दे गो चुक्‍चा झ्‍येरी, धा खेक्‍याई खोक्‍दु थुक्‍जेगी लेगा दे डुप घो़गुलाक ॱनेरी, हेक्‍याई खोला च्‍याक ग्‍याप्‍पी।

२ कोरीन्‍थुपा 8:6 Iomraidhean Croise

जेपा 24:17

“लो घाजीङगी स्‍याम्‍ने, ङा येरुसालेमदु ङारी मीक्‍याला ज्‍यीम्‍बा ताङदु धाङ को़न्‍क्षोकला क्षो़पा पुयेला होवाहीन।

रोमापा 15:25

धान्‍दा ङा को़न्‍क्षोकगी मीक्‍याला रोक्‍राम झ्‍यीदु येरुसालेम स्‍योकला डी़हो़क।

२ कोरीन्‍थुपा 12:18

ङी तीतोसला खीकीचारु डोयेला च्‍याक ग्‍याप्‍ती, खी़मुला पी़न च्‍यीकला झावी। धा तीतोसगी खेक्‍याने खेब्‍साङ रे शेजे? हे ॱङीउ सेम्‍ङी च्‍यीक धाङ चो़लाम च्‍यीकगी गोने माग्‍युक्‍जे?

२ कोरीन्‍थुपा 2:13

हीना होदुरु ङी पी़न तीतोसला ॱमाथुक्‍पा, ङी सेम कीदा माझ्‍युजुङ। होझ्‍येरी ङा खुङक्‍याने घोङपा श्‍यी़री, माकेडोनीयारु सोवी।

२ कोरीन्‍थुपा 8:10

धा खीकी फेन्‍थोकगी क्षीला दो़न दी कोरला, ङा देरे ॱलापच्‍या तेराहीन, नाङी श्‍यान्‍देप पुगीन लेगा दे गो चुक्‍येला च्‍यीगा मेन्‍दा, हीना देरे झ्‍यीयेला दो़पा झ्‍यीगीनगोवाः, खेक्‍या धाङस्‍योक लाक।

२ कोरीन्‍थुपा 8:19

होदे च्‍यीगा मेन्‍दा, चोवोगी शीजे ॱङो़न्‍ये धाङ हीकी रोक्‍राम झ्‍यीयेगी दो़पागो तो़न्‍येगी क्षीदु, हेक्‍याई झ्‍येरी धेता थुक्‍जेगी लेगा देला, हीकीमुलाराङ डु ग्‍याप्‍येला क्षो़छोकने खोला दाम्‍बालाक।

२ कोरीन्‍थुपा 8:23

धेनी तीतोस नी, रोवा धाङ खेक्‍याला श्‍याप्‍तोक पुयेगी क्षीदु ङी लेरोक लाक। धेनी होरी पी़न श्‍येम्‍माक्‍या नी, मास्‍यीकागी शीजे हीन्‍गीन क्षो़छोकक्‍याई भाङछेनक्‍या लाक।

२ कोरीन्‍थुपा 8:4

धाम्‍पे मीक्‍याला श्‍याप्‍ची श्‍युयेला थोप्‍ताङ ॱनाङरोझ्‍यी ॱनेरी, खुङक्‍याई हेला ॱङीङ थाक्‍पाने श्‍योवा ग्‍याप्‍पालाक।

२ कोरीन्‍थुपा 9:5

होझ्‍येरी खेक्‍याई क्षो़ताम झ्‍येजा श्‍यान्‍देप एन्‍लाराङ, डाढीक झ्‍यीयेगी क्षीदु, ङाने एन्‍ला पी़नक्‍या खीकीचारु ताङ घोयेगो ङी साम्‍जुङ। धेनी दे नी खेक्‍याई हुदुक्‍ती मेन्‍दा, हीना खेरी दो़पागी डाढीक झ्‍येजा ॱङेन्‍बा झ्‍युङगीलाक।

फीलीप्‍पीपा 4:18

ङाला थोप घोगीनने माङा घीरी थोप्‍हो़क। धेनी ईपाप्‍रोदीतोने खेक्‍याई कुरका ॱङेन्‍बागो थोप्‍ती, धा धान्‍दा ङाला घीरी छाङगीन हो़क। धेनी होदे ॱङेन्‍बा नी, ढीस्‍यीमगी क्षो़पा च्‍योक्‍रे को़न्‍क्षोकगी डुङदु थुक्‍ङेउ धाङ थुक ॱनुमा जे थुक्‍कीन दुक।

१ पेटो 4:10

खेक्‍या नाङने मी रे-रेला को़न्‍क्षोकने ॱनाङज्‍यीन थोप्‍था झ्‍येरी, को़न्‍क्षोकगी थुक्‍जेगी ॱनाङज्‍यीन ॱनाछोक थोप्‍था ॱङेरपाक्‍या च्‍योक्‍रे, राङला थोप्‍था ॱनाङज्‍यीनगो च्‍यीकगी च्‍यीकला श्‍याप्‍ची श्‍यी़येला भेचो़ झ्‍यी।