२ कोरीन्‍थुपा 8:4 - ॱलोवा

⁴ धाम्‍पे मीक्‍याला श्‍याप्‍ची श्‍युयेला थोप्‍ताङ ॱनाङरोझ्‍यी ॱनेरी, खुङक्‍याई हेला ॱङीङ थाक्‍पाने श्‍योवा ग्‍याप्‍पालाक।

२ कोरीन्‍थुपा 8:4 Iomraidhean Croise

मेथा 10:42

ङी ङेनेक्‍याने च्‍युङा च्‍यीकला, क्षु ढाङमो फोरा घाङ च्‍यीक हीन्‍ना तेरकीनगोला, ङा धेन्‍पाराङ ॱनाहीन खी़ ज्‍यागागो घानेयाः तोरकी मालाक।”

मेथा 12:50

घीझ्‍येरी ॱनाना नाम्‍खे श्‍यीङखामदु श्‍युक्‍कीन, ङी यापगी थुकोङगी लेगा डुप्‍तु च्‍युक्‍कीनक्‍याराङ, ङी आज्‍यो-नो धाङ ईजी-नुमु धाङ आमा हीन।”

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

मारकु 14:7

घीझ्‍येरी ॱनाना उटे मीक्‍या खेक्‍यामुला च्‍योई हुङगीलाक धेनी नाम खेक्‍या थेदी, होदे घाङला खुङक्‍या क्षीला घा झ्‍यीना ढीक्‍कुलाक। हीना ङा खेक्‍यामुला च्‍योई हुङगुमालाक।

जेपा 11:29

होझ्‍येरी आन्‍तीयोकदु हो़गीन धेपा-झ्‍यीगीनक्‍याई, युदेयारु धेगीन पी़नक्‍याला रोवा झ्‍यीयेला, मीरी-मीरीने घी थुक्‍तु कुरये ढो़ झ्‍येवालाक।

जेपा 16:15

धेनी धेपा झ्‍येरी लीडीया धाङ मी़ नाङमीगी ठी़सो़ लेन्‍बालाक। होदे स्‍याम्‍ने मी़ हेक्‍याला मोरी नाङला, धेयेला श्‍योवा पुरी ॱनेवालाक, “खेराङक्‍याई ङाला ॱङोन्‍नेराङ चोवोला धेपा झ्‍येजा नुमु चीली हो़ना, हीकी नाङला होरी हेक्‍यामुला श्‍युक्‍रोनाङ।” देरे झ्‍येरी मी़ हेक्‍याला मोरी नाङला डोये शो़जुङ।

जेपा 24:17

“लो घाजीङगी स्‍याम्‍ने, ङा येरुसालेमदु ङारी मीक्‍याला ज्‍यीम्‍बा ताङदु धाङ को़न्‍क्षोकला क्षो़पा पुयेला होवाहीन।

रोमापा 15:31

युदेयारु हो़गीन धेपा मीझ्‍यीगीनक्‍याने, ङाला क्‍योप्‍ये धाङ येरुसालेमदु ङी खेरती डुगीन रोक्‍रामगो, को़न्‍क्षोकगी मीक्‍याई खे लेन्‍दास्‍योक ॱनेरी ॱमो़लाम ग्‍योप।

१ कोरीन्‍थुपा 16:1

धा धाम्‍पे मीक्‍याई क्षीदु श्‍यान्‍देप पुयेगी कोरला, ङी गालातीयागी क्षो़छोकक्‍याला का तेरता च्‍योक्‍रे, खेक्‍याई झ्‍यी।

१ कोरीन्‍थुपा 16:15

पी़नक्‍याओ, सेतेफानगी नाङमी नी आकाईयादु धेपा झ्‍यीगीन धाङस्‍योकगो लाक धेनी खुङक्‍याई धाम्‍पे मीक्‍याई श्‍याप्‍तोक पुयेगी क्षीदु राङला फी़ हो़तालाक ॱनेरी, खेक्‍याई स्‍येलालाक।

२ कोरीन्‍थुपा 9:1

धाम्‍पे मीक्‍याई क्षीदु खेक्‍याई श्‍यान्‍देप पुगीनगी कोरला, ङी खेक्‍याला ढीक घोये मीदुक।

गालातीयापा 2:10

मी उटेक्‍याला ढेन्‍सो़ झ्‍यी ॱनेरी च्‍यीगा, खुङक्‍याई हेला कुजुङ धेनी देरे झ्‍यीयेला एम्‍माने ङाला ॱमीच्‍यीकी दो़पा हो़क।

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।