२ कोरीन्‍थुपा 8:23 - ॱलोवा

²³ धेनी तीतोस नी, रोवा धाङ खेक्‍याला श्‍याप्‍तोक पुयेगी क्षीदु ङी लेरोक लाक। धेनी होरी पी़न श्‍येम्‍माक्‍या नी, मास्‍यीकागी शीजे हीन्‍गीन क्षो़छोकक्‍याई भाङछेनक्‍या लाक।

२ कोरीन्‍थुपा 8:23 Iomraidhean Croise

लुका 5:10

देरे झ्‍येरीराङ सीमोनगी लेरोक जेबेदीगी भीजा याकोब धाङ योहान्‍ना ॱहालेवालाक। धेनी येशुगी सीमोनला सुवालाक, “ख्‍यो़ माजीक। धा देने ॱहाला ख्‍यो़ मीक्‍याई ङ्यापा झ्‍युङगीलाक।”

लुका 5:7

होझ्‍येरी खुङक्‍याई डु श्‍येम्‍माला हो़गीन रोवाक्‍याला, रोवा झ्‍यीयेला लाक्‍ते झ्‍येवालाक। धेनी होदेक्‍या होरी डु ॱङीगाराला ङ्या कावालाक धेनी खुङक्‍या बीप्‍कु झ्‍येवालाक।

योहान्‍ना 13:16

ङा खेक्‍याला धेन्‍पा धेनक्‍याङ ॱनाहीन, ॱयोक्‍पो नी दाक्‍पोने खाक्‍क्षे मेयोङगीलाक धेनी भाङछेन नी, खोला ॱङाक्‍कीनने खाक्‍क्षे मेयोङगीलाक।

१ कोरीन्‍थुपा 11:7

केवे-भु नी को़न्‍क्षोकगी ॱयीप धाङ शीजे हीन्‍गीन झ्‍येरी, खी़ खोरी गोवा तुम्‍ये मेतालाक हीना केवे-भोमो नी केवे-भुगी शीजे लाक।

२ कोरीन्‍थुपा 12:18

ङी तीतोसला खीकीचारु डोयेला च्‍याक ग्‍याप्‍ती, खी़मुला पी़न च्‍यीकला झावी। धा तीतोसगी खेक्‍याने खेब्‍साङ रे शेजे? हे ॱङीउ सेम्‍ङी च्‍यीक धाङ चो़लाम च्‍यीकगी गोने माग्‍युक्‍जे?

२ कोरीन्‍थुपा 7:6

हीना ॱलो फाम्‍बाक्‍याला सेम्‍सो ॱनाङगीन को़न्‍क्षोकगी, तीतोस ॱलेप्‍ती खी़ थोक्‍ने हेक्‍याला सेम्‍सो ॱनाङजुङ।

२ कोरीन्‍थुपा 8:16

हीना ङी खेक्‍याला दो़नाङ तेरकीन च्‍योक्‍रे, तीतोसगी सेम नाङदु खीकी क्षीला होदे दो़नाङ ॱनाङा जेगीन, को़न्‍क्षोकला काटीन्‍क्षे श्‍युवाहीन।

२ कोरीन्‍थुपा 8:18

धेनी ताम्‍शाङ स्‍येयेला क्षो़छोक घीरीला ॱमीच्‍यीकी केटाक्‍क्षे हो़गीन पी़नगोवाः खी़मुला झाङाहीन।

२ कोरीन्‍थुपा 8:19

होदे च्‍यीगा मेन्‍दा, चोवोगी शीजे ॱङो़न्‍ये धाङ हीकी रोक्‍राम झ्‍यीयेगी दो़पागो तो़न्‍येगी क्षीदु, हेक्‍याई झ्‍येरी धेता थुक्‍जेगी लेगा देला, हीकीमुलाराङ डु ग्‍याप्‍येला क्षो़छोकने खोला दाम्‍बालाक।

२ कोरीन्‍थुपा 8:22

हेक्‍याई थेङ माङा छो़ता झ्‍येरी, दो़न माङक्षेला हुरा थोथा पी़नगोला हेक्‍या खुङक्‍याईमुला झाङाहीन। धेनी खो खेक्‍याला ॱमीच्‍यीकी यीच्‍चे झ्‍यीगीन झ्‍येरी, खो खेक्‍याला रोवा झ्‍यीयेला ॱयोल्‍ले दो़पा क्षे झ्‍युदुक।

२ कोरीन्‍थुपा 8:6

होझ्‍येरी तीतोसगी एम्‍मा लेगा दे गो चुक्‍चा झ्‍येरी, धा खेक्‍याई खोक्‍दु थुक्‍जेगी लेगा दे डुप घो़गुलाक ॱनेरी, हेक्‍याई खोला च्‍याक ग्‍याप्‍पी।

फीलीप्‍पीपा 2:25

हीना ङी पी़न धाङ लेरोक धेनी ॱमाक्‍रोक धेनी ङी खो़चेक्‍याला रोवा झ्‍यीयेला, खेक्‍याई झाजा खीकी भाङछेन हीन्‍गीन, ईपाप्‍रोदीतोला खीकीचारु ॱलोक्‍ती झाङयेगो गेक्षे दुक ॱनेरी, ङा सामीहो़क।

फीलीप्‍पीपा 4:3

धेनी ङी धेन्‍पे लेरोक, ख्‍यी़याः दे केमी ॱङीउला रोवा झ्‍यी ॱनेरी, ङा श्‍युवाहीन। घीझ्‍येरी ॱनाना खुङ ॱङीउगीयाः ताम्‍शाङगी लेगाला, ङीमुला कीलेमेस धाङ ङी लेरोक श्‍येम्‍माक्‍यामुला काल्‍ले ग्‍याप हो़तालाक। खुङ घीरीगी मीङ छेसोकगी धेप नाङला छी़ हो़तालाक।

कोलोसेपा 1:7

दी कोरला, हीकी चेवे लेरोक एपाब्‍राने खीकी ज्‍यावालाक। खो हीकी छापला मास्‍यीकागी श्‍याप्‍तोक्‍पा, ॱलो काथुप्‍कीन च्‍यीक लाक।

१ थेसालोनीकेपा 2:2

हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।

तीतोस 1:4

ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।

फीलेमोन 1:17

होझ्‍येरी खीकी ङाला राङगी लेरोक चीली हो़ना, खोला ङाला च्‍योक्‍रे खेलेन झ्‍यी।

फीलेमोन 1:24

धेनी ङी लेरोक हीन्‍गीन, मारकु धाङ आरीस्‍तारकु धाङ देमा धाङ लुकागीयाः ख्‍यो़ला छाम्‍डी श्‍यी़क।

३ योहान्‍ना 1:8

होझ्‍येरी धेन्‍पे दो़न्‍दु होराङमुला लेगा झ्‍यीये क्षीदु, देरे मीक्‍याला होराङ ग्‍यापक्‍यो़र झ्‍यीघो़।