२ कोरीन्‍थुपा 8:18 - ॱलोवा

¹⁸ धेनी ताम्‍शाङ स्‍येयेला क्षो़छोक घीरीला ॱमीच्‍यीकी केटाक्‍क्षे हो़गीन पी़नगोवाः खी़मुला झाङाहीन।

२ कोरीन्‍थुपा 8:18 Iomraidhean Croise

रोमापा 16:4

खुङक्‍याई ङी क्षीदु राङगी मीछेराङ, ङेन्‍का क्षेला च्‍युक्‍पालाक। धेनी खुङक्‍याला ङा च्‍यीगा मेन्‍दा हीना याहुदापा मेन्‍गीन, क्षो़छोक हो़लेगीयाः काटीन क्षे श्‍युलालाक।

१ कोरीन्‍थुपा 16:3

धेनी ङा ॱलेप्‍ती, ङी खेक्‍याई थाक्‍चो़चा मीक्‍याई कोरला ङोटो़गी यीक ढीक्‍ती, खुङक्‍याला खीकी ॱङेन्‍बागो येरुसालेमदु क्‍यारु झाङु।

१ कोरीन्‍थुपा 4:17

धेनी होझ्‍येरीराङ चोवोगी नाङ ॱलो का थुप्‍कीन, ङी चेवे भु तीमोथेला, ङी खीकीचारु झाहो़क। धेनी साजा हो़लेदु क्षो़छोक घीरीला ङी क्षो़ स्‍येस्‍या च्‍योक्‍रे थी़न्‍गीन, मास्‍यीका येशुगी नाङ ङी मीछे घारे हो़गीनगो, खी़ खेक्‍याला ढेन्‍सो ॱलाङगीलाक।

१ कोरीन्‍थुपा 7:17

चोवोगी मी रे-रेला घी को़का धाङ ॱनेछु घारेला, को़न्‍क्षोकगी खेक्‍याला भो़ ॱनाङगीन मीछेगो, मी रे-रेगी पी़घो़। क्षो़छोक घीरीगी क्षीदु, ङी ठीम नी देराङ लाक।

२ कोरीन्‍थुपा 12:18

ङी तीतोसला खीकीचारु डोयेला च्‍याक ग्‍याप्‍ती, खी़मुला पी़न च्‍यीकला झावी। धा तीतोसगी खेक्‍याने खेब्‍साङ रे शेजे? हे ॱङीउ सेम्‍ङी च्‍यीक धाङ चो़लाम च्‍यीकगी गोने माग्‍युक्‍जे?

२ कोरीन्‍थुपा 2:12

धा मास्‍यीकागी ताम्‍शाङ स्‍येयेला, ङा टोरोआसरु ॱलेवाराङ, चोवोगी ङी क्षीदु घुकाप च्‍यीक ॱनाङा जेसोङ,

२ कोरीन्‍थुपा 8:19

होदे च्‍यीगा मेन्‍दा, चोवोगी शीजे ॱङो़न्‍ये धाङ हीकी रोक्‍राम झ्‍यीयेगी दो़पागो तो़न्‍येगी क्षीदु, हेक्‍याई झ्‍येरी धेता थुक्‍जेगी लेगा देला, हीकीमुलाराङ डु ग्‍याप्‍येला क्षो़छोकने खोला दाम्‍बालाक।