२ कोरीन्‍थुपा 8:1 - ॱलोवा

¹ पी़नक्‍याओ, को़न्‍क्षोकगी माकेडोनीयागी क्षो़छोकक्‍याला ॱनाङना थुक्‍जेगी कोरला, खेक्‍याई ॱहाघोकीनगो हेक्‍या दो़दीहो़क।

२ कोरीन्‍थुपा 8:1 Iomraidhean Croise

मेथा 25:22

धा टाङगा ङीतोङ जोरकीनगोवा, दोङला होरी श्‍यी़वालाक, ‘दाक्‍पो, खेराङगी ङाला टाङगा ङीतोङ ॱनावालाक। धा ङी दुरु यालीङ टाङगा ङीतोङ शो़हो़क।’

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

जेपा 16:9

होदे घोमुराङ पाउलुगी थोङनाङला माकेडोनीया स्‍योकगी, मी च्‍यीक लारी देरे श्‍योवा पुगीनगो थोवालाक, “खेराङ माकेडोनीयाला फेप्‍रोनाङ धेनी हेक्‍याला रोवा जेरोनाङ।”

जेपा 24:17

“लो घाजीङगी स्‍याम्‍ने, ङा येरुसालेमदु ङारी मीक्‍याला ज्‍यीम्‍बा ताङदु धाङ को़न्‍क्षोकला क्षो़पा पुयेला होवाहीन।

रोमापा 15:26

घीझ्‍येरी ॱनाना येरुसालेमदु हो़गीन को़न्‍क्षोकगी मी उटेक्‍याई क्षीदु, माकेडोनीया धाङ आकाईयागी क्षो़छोकक्‍याई श्‍यान्‍देप पुयेला ङ्यामो घादुक।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

२ कोरीन्‍थुपा 11:9

ङा खेक्‍यामुला हो़ती घाङला, ङाला खो़चे रे घो़ली घाङला, ङा सी़ क्षीदुवाः घाक्‍वा माझ्‍यु घीझ्‍येरी ॱनाना माकेडोनीयाने होवा पी़नक्‍याई ङाला घो़गीनगो तेरजुङ। होझ्‍येरी घीन्‍गी थोक्‍ने हीन्‍ना, खेक्‍याला काल्‍ले मेशोयेगी क्षीदु, ङी राङला काक्‍पी धेनी माउपारला काक्‍येहीन।

२ कोरीन्‍थुपा 9:12

घीझ्‍येरी ॱनाना देरे श्‍याप्‍तोक पुगीनगी, धाम्‍पे मीक्‍याई घो़गीनगो डुप्‍ये च्‍यीगा मेन्‍दा हीना, को़न्‍क्षोकला काटीन्‍क्षे माङा श्‍यी़गीन झ्‍युङास्‍योक ॱनेरीयाः लाक।

२ कोरीन्‍थुपा 9:2

घीझ्‍येरी ॱनाना खेक्‍या डाढीक हो़गीनगो, ङाला स्‍येयेहो़क। धेनी नाङी लोने राङ आकाईयागी मास्‍यीकावाक्‍या डाढीक दुक ॱनेरी, ङी माकेडोनीयागी मीक्‍याई दोङदु खेक्‍याई कोरला ङोम्‍सो झ्‍येरी ॱनेवी। धेनी खेक्‍याई श्‍यान्‍देप तेरयेला देरे दो़पा झ्‍यीगीनगी मी माङक्षेला, सेमस्‍युक पारदुक।

२ कोरीन्‍थुपा 9:4

धेनी माकेडोनीयागी मी रे, ङीमुला होरी खेक्‍याला डाढीक मेगीनगो ॱङेना, हेक्‍या ङोछा घोवालाक धेनी खेक्‍याः ङोछागुलाक घीझ्‍येरी ॱनाना हेक्‍याई खेक्‍या खाला ॱमीच्‍यीकी यीच्‍चे झ्‍येवालाक।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

कोलोसेपा 1:29

दो़न दी क्षीला, मास्‍यीकागी ङी नाङदु स्‍युक जेगीन नी़थु क्षेगी थोक्‍नेराङ, ङा ॱमीच्‍यीकी काल्‍ले ग्‍यावाहीन।

१ थेसालोनीकेपा 4:10

धेनी खेक्‍याई माकेडोनीयारु हो़गीन पी़न्‍दा घीरीला, देरेराङ झाम्‍पा झ्‍यीदालाक। धेनी धोराङा देला ल्‍हाक झ्‍यीरोझ्‍यी ॱनेरी, हेक्‍याई श्‍योवा हो़क।