२ कोरीन्‍थुपा 7:7 - ॱलोवा

⁷ खो ॱलेप्‍कीनगी च्‍यीका मालाक हीना खेक्‍याने खोला थोप्‍था सेम्‍सोगी थोक्‍ने, हेक्‍याला सेम्‍सो थोप्‍जुङ। ङाला थुक्‍येला खेक्‍याई ॱमीच्‍यीकी दो़पा झ्‍यीगीन धाङ ङी क्षीला, खेक्‍याई सेम क्‍योगीन धाङ दुङा झ्‍यीगीनगी कोरला, खी़ हेक्‍याला स्‍येजुङ। होझ्‍येरी ङी घाटो ॱयोल्‍ले फारजुङ।

२ कोरीन्‍थुपा 7:7 Iomraidhean Croise

मेथा 26:75

धेनी पेटोगी येशुगी देरे सुङगीनगो ढेन सो़वालाक, “झ्‍याफोगी केक ग्‍याप्‍कीन एन्‍लाराङ, ख्‍यी़ ङाला थेङमा सुम खेलेन्‍गीमालाक।” धेनी खो फीला सोरी ॱमीच्‍यीकी ङी़वालाक।

मेथा 5:4

सेम्‍दुक ङ्याङगीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याला सेम्‍सो थोप्‍कीलाक।

लुका 22:44

खोङबागी सेम ॱमीच्‍यीकी दुक्‍पुगी खारी, खोङबागी ॱङीङ थाक्‍पाने सोवा ताप्‍पालाक। धेनी खोङबागी ॱङुना ठाकगी थीक्‍पा च्‍योक्‍रे साला थीक्‍पालाक।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

रोमापा 1:12

दुक झ्‍येरी खेक्‍याने ङाला धेनी ङाने खेक्‍याला राङ-राङगी धेपागी थोक्‍ने, ॱहाला-छुला सेमस्‍युक थोप्‍कीलाक।

१ कोरीन्‍थुपा 5:2

धेनी खेक्‍यागो ङोम्‍सो झ्‍यीदाले? खेक्‍या ग्‍यो़पा झ्‍यीघोये हो़तामाले? देरे लेगा झ्‍यीगीनला खीकी घुङने पी़।

२ कोरीन्‍थुपा 1:14

धेनी खेक्‍याई हीकी कोरला तीते च्‍यीक ॱहाघोरसागीन झ्‍येरी, धा हीकी कोरला घीरी ॱहाघोरास्‍योक ॱनेरी, ङी रेवा हो़क। धेनी चोवो येशु याङ फेप्‍ये हीन्‍गीन ङीमाला, हेक्‍याई खीकी क्षीला ङोम्‍सो झ्‍यीगीन च्‍योक्‍रे, खेक्‍यागीयाः हीकी क्षीला ङोम्‍सो झ्‍यी थुक्‍कीलाक।

२ कोरीन्‍थुपा 1:4

खोङबागी होराङक्‍याई दुङा घीरीला सेम्‍सो जेदालाक। धेनी को़न्‍क्षोकने होराङला थोप्‍था सेम्‍सो देनेराङ, होराङक्‍यागीयाः दुक्‍पु ङ्याङगीनक्‍याला सेम्‍सो पार थुक्‍कीलाक।

२ कोरीन्‍थुपा 2:9

खेक्‍याला ताक्‍चा झ्‍यीये धाङ ॱनेछु घीरीला, खेक्‍या ङी खाला ङेन्‍दी-मेङेन्‍दी ॱनेरी छो़ झ्‍यीये, ङी खेक्‍याला यीक ढीक्‍पी।

२ कोरीन्‍थुपा 5:2

धेनी दे जीक्‍तेनगी ॱनेसारु होराङ थाङ क्षेदी, नाम्‍खे श्‍यीङखामगी खाङबागी होराङला घो़ च्‍योक्‍रे काप्‍येला, होराङ ॱमीच्‍यीकी दो़पा झ्‍यीदालाक।

२ कोरीन्‍थुपा 7:6

हीना ॱलो फाम्‍बाक्‍याला सेम्‍सो ॱनाङगीन को़न्‍क्षोकगी, तीतोस ॱलेप्‍ती खी़ थोक्‍ने हेक्‍याला सेम्‍सो ॱनाङजुङ।

२ कोरीन्‍थुपा 7:8

ङी एम्‍मा ढीक्‍टा यीगी खेक्‍याला सेम क्‍योरु च्‍युक्‍हो़ना, ङा ग्‍यो़पा मीझ्‍यी। झ्‍युङये ता ङाला ग्‍यो़पा च्‍यीमे च्‍यीक झ्‍युजुङ। होदे यीगी धी़ तीते च्‍यीक हीन्‍ना, खेक्‍याई सेम क्‍योरु च्‍युक्‍दुक ॱनेरी ङाला स्‍येयेहो़क।

२ कोरीन्‍थुपा 8:16

हीना ङी खेक्‍याला दो़नाङ तेरकीन च्‍योक्‍रे, तीतोसगी सेम नाङदु खीकी क्षीला होदे दो़नाङ ॱनाङा जेगीन, को़न्‍क्षोकला काटीन्‍क्षे श्‍युवाहीन।

फीलीप्‍पीपा 1:20

ङी सेम नाङगी दो़पा धाङ रेवा नी, ङाला ङोजा पाप्‍कीन घाने मीझ्‍युङवा, हीना ॱङीङक्षे झ्‍युरी सो़न्‍पो याङना छीवा हो़ना, ङी ली़ नाङ च्‍योक्‍ई च्‍योक्‍रे, धान्‍दा मास्‍यीकागी घुस्‍याप झ्‍युङये लाक।

कोलोसेपा 2:5

घीझ्‍येरी ॱनाना ङा ली़गी थोक्‍ने खीकी घुङदु मेनाः, सेम्‍ङीगी थोक्‍ने खीकीमुला हो़क। धेनी खेक्‍याई थी़न्‍डील धाङ मास्‍यीकागी खाला खीकी धेपा तेन्‍पो हो़गीनगो ॱहाघोरती, ङा ङ्यामो घी हो़क।

१ थेसालोनीकेपा 3:6

हीना धान्‍दा तीमोथेउ खेक्‍या चाने होरी, खीकी धेपा धाङ चेवागी कोरला ताम शाङा हेक्‍याला स्‍येजुङ। धेनी हेक्‍या खेक्‍याला थुक्‍दो़ हो़गीन च्‍योक्‍रे, खेक्‍या हेला नाम्‍हीना ढेन्‍ये धाङ हेला थुक्‍येला दो़पा हो़गीनगोवा घोरजुङ।

१ थेसालोनीकेपा 3:8

खेक्‍या चोवोगी नाङ धेपाला तेन्‍पो ॱनेना, हेक्‍या ॱङोन्‍ने सो़न्‍पो हीन।

ईब्‍रीपा 2:1

होझ्‍येरी होरी घी घोरकागोला, ॱयोल्‍ले ल्‍हाक दो़नाङ झ्‍यी घो़गुलाक। देरे मेन्‍ना होरी लाम नोरयेगी ङेन्‍का हो़क।

याकोब 5:17

एलीया नी, होराङ च्‍योक्‍रे मी च्‍यीक लाक। खी़ क्षावा माग्‍यास्‍योक ॱनेरी, ॱमो़लाम स्‍युक्‍क्षे ग्‍याप्‍पालाक धेनी लो सुम धाङ दावा ढुक थुक्‍पे, साला क्षावा माग्‍याप्‍पालाक।

२ योहान्‍ना 1:4

ख्‍यी़ टुवाक्‍याने रीङगा यापगी होराङला ॱनाङना का च्‍योक्‍रे, धेन्‍पे लामला ग्‍युक्‍कीनगो थोरी, ङा ॱमीच्‍यीकी ङ्यामो ग्‍येजुङ।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।