4 खेक्याई खाला ङा ॱलोतेक्षे हो़क। धेनी खेक्याई क्षीदु, ङा ॱमीच्यीकी ङोम्सो झ्यीदीहो़क। ङा सेम्सोगी खाङहो़क। धेनी दुङा घीरीगी खोक्दुवाः ङा घाटो क्षे झ्यीदीहो़क।
येशुगी छेनगी क्षीला दुक्पु ङ्याङरीन खाये हो़गीन, को़न्क्षोकगी खुङक्याला ॱनाङजुङ ॱनेरी ङ्यामो घी-घी, खुङक्या होदे छोक्पा क्षेने लोक्ती सोवालाक।
देचो़ च्यीगा मेन्दा, होराङ होरी दुक्ङेलला घाटो झ्यीदालाक घीझ्येरी ॱनाना दुक्ङेलगी शो़पा
मास्यीका येशुगी गोने, खेक्याला को़न्क्षोकगी ॱनाङना थुक्जेगी झ्येरी, ङा को़न्क्षोकला च्योई खीकी क्षीला काटीन्क्षे श्यी़हो़क।
धेनी खेक्याई हीकी कोरला तीते च्यीक ॱहाघोरसागीन झ्येरी, धा हीकी कोरला घीरी ॱहाघोरास्योक ॱनेरी, ङी रेवा हो़क। धेनी चोवो येशु याङ फेप्ये हीन्गीन ङीमाला, हेक्याई खीकी क्षीला ङोम्सो झ्यीगीन च्योक्रे, खेक्यागीयाः हीकी क्षीला ङोम्सो झ्यी थुक्कीलाक।
खोङबागी होराङक्याई दुङा घीरीला सेम्सो जेदालाक। धेनी को़न्क्षोकने होराङला थोप्था सेम्सो देनेराङ, होराङक्यागीयाः दुक्पु ङ्याङगीनक्याला सेम्सो पार थुक्कीलाक।
घीझ्येरी ॱनाना खेक्याला ॱनो़ क्याये मेन्दा, हीना खेक्याला यारके ताङयेला चोवोगी हेक्याला ॱनाङना आङजागोला, ङी ङोम्सो आरुङ माङा झ्येहो़ना, ङा देला ङोछाये मेन।
देरे लेगाक्या झ्यीयेला हेक्या ॱमीच्यीकी थापक्योवा हो़गीनगो, हेरी ङोछागी थोक्ने खेलेन झ्यीदाहीन। घीन्गी थोकला मी सी़ हीना ङोम्सो झ्यीयेगी ॱलोगोक झ्यीना, ङा होदेगी क्षीला ङोम्सो झ्यीयेगी ॱलोगोक झ्यीयेहीन। धा ङा कुक्पा च्योक्रे लाब ताङीहो़क।
हीना मास्यीकागी नाङ होराङला च्योई ग्याखा थोप्येगी क्षीदु, ठीया जेगीन धाङ खोङबाला ङोस्येगीनगी ढीशाङगो, होरी थोक्ने छोक घीरीदु ख्याबा जेगीन, खोङ को़न्क्षोकला काटीन्क्षे श्यी़।
हीकी रेवा देरे हो़गीन झ्येरी, हेक्या ॱमीच्यीकी ॱलोगोक क्षे झ्येरी ॱनीहो़क।
धेनी खी़ दोङदु ङी खीकी कोरला ङोम्सो झ्येजागोला, ङा ङोजा घीया माझ्युजुङ। हीना हीकी खेक्याला स्येगीन घीरी धेन्पा हीन्गीन च्योक्रे, तीतोसगी दोङदु हीकी ङोम्सो झ्यीगीनगोवाः धेन्पा झ्युजुङ।
होझ्येरी खेक्याई चेवा धाङ खेक्याई कोरला, हीकी झ्येजा ङोम्सोगी दो़नगो क्षो़छोकक्याई दोङदु तो़न।
धेनी ङा चो़न्खाङदु छी़गीनगी झ्येरी, पी़न माङक्षे चोवोगी नाङ ॱलोतेक्षे धाङ मीजीया ताम्शाङ स्येयेला, ॱलोगोक क्षे झ्युदुक।
ङी सेम नाङगी दो़पा धाङ रेवा नी, ङाला ङोजा पाप्कीन घाने मीझ्युङवा, हीना ॱङीङक्षे झ्युरी सो़न्पो याङना छीवा हो़ना, ङी ली़ नाङ च्योक्ई च्योक्रे, धान्दा मास्यीकागी घुस्याप झ्युङये लाक।
होझ्येरी ङा खीकीचारु धाब्ले हुङी घाङला, ङी केनगी खेक्याला मास्यीका येशु खाला ङोम्सो झ्यीयेगी दो़न माङा थोप्कीलाक।
हीना खेक्याई धेपागी क्षो़पा धाङ ॱङीङकुर डुप्येगी क्षीला, ङी ठाक नी सेरकेम च्योक्रे फी़ घोये हीन्ना, ङा ङ्यामो घी धेनी खेक्या घीरीमुला घाटो झ्यीयेहीन।
धा ङी खेक्याई दो़नला ङ्याङगीन काङेला, ङा घाटो झ्यीदीहो़क। मास्यीकागी कुसोक हीन्गीन क्षो़छोकगी क्षीदु खोङगी दुक्ङेल ल्हाक्मा दे, ङी ली़ला जोक्वा झ्यीदाहीन।
चोवो येशु फेई घाङला, खोङबागी डुङदु, हीकी रेवा धाङ घाटो धाङ उगेनगी ङोम्जोगो खेक्याराङ मालाक से?
हेक्याई फीलीप्पीरु दुक्पु धाङ ॱमेटा ङ्याङगीनगो, खेक्याला स्येये हो़तालाक हीना ङोलोक स्युक्क्षेगी खोक्ने, को़न्क्षोकगी ताम्शाङ खेक्याला ख्याप्टाक झ्यीयेला, को़न्क्षोकने हेक्याला ॱङीङतोप जोरजुङ।
खीकी दुक्ङेलक्या धाङ ङ्याङेनक्या खोकला शो़पा झ्येरी, धेपाला तेन्पो झ्येरी, हेक्या च्योई को़न्क्षोकगी क्षो़छोकक्याई खोक्दु ङोमी हो़क।
ङी पी़न ख्यी़ धाम्पे मीक्याला सेम्सो पारती, ख्यी़ झाम्पाने ङाला घाटो धाङ सेमस्युक क्षे थोप्सुङ।
ङी पी़नक्याओ, खेक्याला काङे ॱनाछोक ठेदी घाङला, होदेला घाटो क्षे ची च्यीक।